Utandiko 41:8 - Amazwi Yakwe Leza 2013

⁸ Lino kwaca katondo Falao asakamala cuze. Caleka aama amamanyamano na antu yamano yonsi amu Eguputo nga ayalotwela viloto, lelo kutali nanti wenga wakuti angilula muno viloto viile.

Utandiko 41:8 ပူးပေါင်းရင်းမြစ်များ

Utandiko 40:6

Katondo lino Yosefu waya kunoyali alola ukuti yali asakamikwe cuze.

Utandiko 40:8

Nayo yaasuka yati, “Swensi cila muntu watalota ciloto, lelo pano pasi wakuti atwilwile viloto vitu.” Yosefu ati, “A Leza wenga sile akapeela ukwilula konsi ukwa viloto. Nenini viloto vinu.”

Utandiko 41:15

Nga Falao anena Yosefu ati, “Nalinalota iciloto lelo antu yonsi yatiyaposiwa ukwilula muno viile. Natinuvwa ukuti wemo ndi unguvwa iciloto ungaciilula.”

Utandiko 41:24

Lyene imitwe inyale ya ngano imila imitwe iyali ice ningo. Nalinalotwela amamanyamano, lelo kutali kuli umwi uwa kwilula viloto vii.”

Utandiko 41:7

Lyene alola imitwe inyale ya ngano imila imitwe iyali ice ningo. Falao azyuka azana ukuti wali akulota.

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Kufuma 7:22

Lyene amamanyamano amu Eguputo nayo yeleuzya icili conga kwene kupitila mu malele yao. Nga Falao atwalilila ukukoma umwenzo ndi vino Yawe wavwanzile ukuti wene ataluvwa kunoyali.

Kufuma 8:7

Lelo amamanyamano yeleuzya icili conga kwene kupitila mu malele yao, yalenga yacula ukufuma mu manzi iyaya ku mulundu.

Kufuma 9:11

Amamanyamano yatakweti maka yakulolekela ku manso yakwe Mose pamulandu wakuti nayo kwene vipute vyali umwili onsi, wakwe vino cali ku ina Eguputo yonsi.

Ezaya 19:3

Nemo namaya ku kuvulunganya aina Eguputo, nu kuyatovola. Lyene yamauzyanga utuluwi twao pakuti tuyazwilizye. Yamauzyanga yakasapoola, nu kwezya ukupandwa amano uku mipasi ya afwe.

Ezaya 29:14

Fwandi lyene nemo namayazungusyanga lino namatwalililanga ukuyapezya. Yano akulola ukuti yakwata amano yamasanguka iviwelewele vya antu. Nu ucenjezi wao utalayatumbwila nanti cimwi.”

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Danieli 1:20

Mu vintu vyonsi ivikumile amano nu kwiluka vivyo vino umwene wayuzyanga, wazananga ukuti alumendo yaa yani yalusile amaila ikumi amamanyamano yonsi kumwi na yakasapoola amu wene wakwe onsi.

Danieli 4:18

“Cii, cili ciloto cino ne Nebukadineza nalosile. Lyene, we Belitesyazali, unene muno ciile. Pano kusi nanti wenga muli yampandamano amu wene wane wino ataposiwe ukunena muno iciloto ciile. Lelo wemo ungacita cico, pamulandu wakuti umupasi wakwe yaleza yamuzilo uli munuli.”

Danieli 4:19

Lyene Danieli, wino izina lyakwe nalyuze a Belitesyazali, cimamusakamika wakwe cimwi cakuti aposiwa kuvwanga cili consi. Caleka umwene avwanga ati, “Belitesyazali, utaleka iciloto na muno ciile vikusakamike wakwe cimwi.” Belitesyazali aasuka umwene ati, “Musambazi, si cangecizipe ciloto cii na muno ciile ale vikumile anisi yako, lelo vitakuma wewe.

Danieli 4:5

Lelo nizile ndota iciloto cakundetela intete nga lino naizi ndola ni vilolwa vyakungoofya.

Danieli 4:6

Acino napiile ilamulo kuti yandetele antu yamano yonsi amu Babiloni pakuti yanene muno iciloto ciile.

Danieli 4:7

Lyene amamanyamano, na yakasapoola, na yao akasambilila vikumile intanda, na yao akauzya ku mipasi yayaleta kunondi, nga nani njanena iciloto cane, lelo yene yaposiwe ukundondolwela muno ciile.

Danieli 5:11

Mu wene wako muli umuntu wino akweti umupasi wakwe yaleza amuzilo. Mu manda yakwe so wene wazanyilwe ukuti umulamoke nupya umucenjele nu wa mano wakwe yaleza yaya. We Mwene Nebukadineza, so, wamulasike ukuya umukalamba wa mamanyamano, na yakasapoola, na yao akasambilila vikumile intanda na yao akauzya ku mipasi.

Danieli 7:28

Kuu kuli kumalila kwa ulondolozi. Nuvwile intete cakuti nu usyu wane walolike usakamale, lelo ntanenyile umwi umulandu uu.

Danieli 8:27

Ne Danieli natembosile nu kulambalala amanda avule ala nene mulwale. Lyene inkatuka nu kuya ku kuomba umulimo uno umwene wampile. Lelo icilolwa campezizye amano nupya naposiwe ukwiluka muno calola.

Aina Levi 19:31

“Mutaya ku kuuzya kuli yakasapoola nanti ku antu yano yakavwanga ni mipasi ya antu afwe. Pano yangamulenga ukuya amifitalila. Nene indi Yawe Leza winu.

Aina Levi 20:6

“Muntu ali wensi ndi waya ku antu yano yakavwanga ni mipasi ya antu afwe, indafutatila umuntu wiyo nu kumusukula mu antu yane.

Habakuku 3:16

Ndi nuvwa vyonsi vii, awe Mwene nkuvwa intete. Ni milomo yane izakaza nu kulumanya incecete pamulandu wa congo. Umwili wane onsi iuma uti kwililili. Alino ni ngazo zyane izipumika pansi.

Mateo 2:1

Pacisila lino Yesu wavyalwa mu musumba wa Betelemu mu Yudeya, mu manda yalya lino Helodi wali umwene, antu yamano amanyanga vintu mu kusambilila pa ntanda yafuma ku ufumondaka, iiza ku Yelusalemu.

Milimo 17:18

Na antu amano asambilizyanga ivya Epikulio na Sitoiki nao kwene yapazyanya nawe. Yamwi yuzya yati, “Uzye civwangevwange wii umututu amanyile na cino akuvwanga?” Yamwi yazumila yati, “Cikoline kwati akuvwanga pali tuleza twa inamasi.” Yavwanzile cii pano Paulo wakosolanga pamulandu wakwe Yesu na pa kuzyukuka.

Milimo 7:22

Lyene Mose wasambiliziwe mano yonsi amu Eguputo, aya na maka mu kuvwanga nu mu vicitwa.

1 Kolinto 1:19

Calembwa mu malembelo cati, “Ndonona mano yakwe yao yonsi akaitaka vino yene yaya na mano nu kuvulunganya kucenjela kwa yacenjele.”

1 Samueli 6:2

aina Filisti iyama yasimapepo yao pamwi na yakasema nu kuyuzya iyati, “Uzye tungacita uli pa Mbokosi ya Upangano yakwe Yawe? Tunenini vino tungacita apakuiswilizya kuno yafuma.”