Utandiko 41:39 - Amazwi Yakwe Leza 2013

³⁹ Falao anena Yosefu ati, “Pakuti Leza watakusokolwela vii, kusi nanti wenga akweti ukumanya kuu nanti amano ukukuluta.

Utandiko 41:39 ပူးပေါင်းရင်းမြစ်များ

Utandiko 41:33

“Caleka ndakai mwene wakwisaci ulinzile ukutoola umuntu mulamoke wa mano nu kumanyikisya kwa kulola ivyankolelo, awino ulasike ukangalila mu mpanga ya Eguputo.

Utandiko 41:28

Cili ndi vino nakunenyile we Falao mwene wakwisaci, Leza watakusoka pali vino ali nu kucita.

Utandiko 41:25

Yosefu anena Falao ati, “Viloto vyakwe Falao vyoili vikusenula icintu conga sile. Leza watakunena vino amacita.

Utandiko 41:16

Yosefu azumila ati, “Nemo ntangacita cico, lelo Leza amapeela wilulo usuma kuli Falao.”

Ezaya 19:11

Intunguluzi zyamu musumba wa Zoani zyatumpa! Na antu yano yakapanda Falao amano, nayo kwene iviwelewele sile! Uzye yene cino yangaituntumba ukunena umwene ukuti ali yano yapyanikizya pa antu yampiti, antu ya mano, alino na pali yamwene ampiti, icani?

Danieli 2:11

Cintu cino we mwene ukuuzya ala icikome wakwe cimwi cakuti kusi umuntu nanti wenga angakulotwela suka sile yaleza, nga nayo yasiikala apakasi ka antu.”

Danieli 2:48

Lyene umwene alasika Danieli icifulo cicindame wakwe cimwi, amupeela na mawila avule nupya. Wene aleka kuti ateeka mu muputule onsi wa mpanga ya Babiloni nu kumucita kangalila mukalamba wakwe yampandamano yonsi akwi sano.

Ezila 7:25

“Acino wemo Ezila, umu kuomvya amano yano Leza wako wakupeela, wewe ulinzile wasonta intunguluzi na yakapingula akuteeka antu umu mbalama ya luzi lwa Yufulate, yao amanya isunde lyakwe Leza wako. Nupya ulinzile ukusambilizya amasunde kuli wensi atayamanyile.

Mapinda 12:8

Umuntu yakamutaizya pamulandu na mano yakwe, lelo uwa mwenzo waciwelewele wene akazewana.