Utandiko 41:32 - Amazwi Yakwe Leza 2013

³² Mulandu uno iciloto ciizile kunuli umu nzila ziili, umusambazi Falao, pakuti cikulange vino umwene Leza aliwe wateyanya ci, na kuti asininkizye ukuti ali nu kucicita mu kasita kakwene kakwiza.

Utandiko 41:32 ပူးပေါင်းရင်းမြစ်များ

Utandiko 37:7

Twali tuli ku vyalo swensi tukunyepa myanzi ya ngano, lyene umwanzi wane iwimilila, wololoka ni myanzi inu nayo iimilila izingulwike umwanzi wane nu kuufukamila.”

Utandiko 37:9

Nupya Yosefu alota ciloto nacuze, nga anena aina yakwe ati, “Inalota nkulola ilanzi, umwezi, nga ni ntanda ikumi na longa vikumfukamila.”

Utandiko 41:25

Yosefu anena Falao ati, “Viloto vyakwe Falao vyoili vikusenula icintu conga sile. Leza watakunena vino amacita.

Utandiko 41:28

Cili ndi vino nakunenyile we Falao mwene wakwisaci, Leza watakusoka pali vino ali nu kucita.

Utandiko 41:31

Imyaka cinimbali ya vyakulya vivule antu yataliusya pamulandu wa cipowe icilapona, icilipisya cuze.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Danieli 2:45

Waliwalola vino iwe lyasozoka ukufuma pa mwamba ukunuke ukwaula kuti umwi alikumye nga navino lyalilyafwanta iciluwi capangilwa ni cela, nu mukuwa, ni ivu, na siluva, nga na zaabu. Leza Mukulu akukunena we musambazi ivilacitika mu manda akwiza. Ninkunena ukulingana na vivi kwene vino waliwalota, nga nu kukulondolwela iciloto cako muno calola.”

Mpendwa 23:19

Leza asi umuntu uwakuti angatumpoka Nanti umwana wakwe Adamu uwakuti afutuke muli cino watataka. Wene akavwanga nu kufikilizya cino watavwanga.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Mateo 25:34

Lyene Mwene alanena yao ali kwi kasa lilunji lyakwe ati, ‘Izini, mwe apolelelwe yakwe Tata. Ingilini mu Wene uno wateyanyizizye mwemwe kufuma ku utandiko wa uumbo wa insi.

Mateo 25:41

“Lyene alanena yao ali kwi mani lyakwe ati, ‘Fumini pano, ntamumanyile mwe muno mwatipwizilwe. Yangini ku moto usyazima uno Leza wateyanyizizya Ciwa na angeli yakwe.

Mako 10:40

Lelo ntakweti nsambu yakusolola wino angikala kwi kasa lilunji nanti kwi mani lyane. Leza alapeela vifulo kuli yano wateyanyizizya.”

1 Kolinto 2:9

Lelo cili ndi vino calembwa mu malembelo cati, “Cintu cino umuntu ataweni nanti kuvwa, cintu cino umuntu atatazile aelenganye ukuti cingacitika, cili cintu cino Leza wateyanyizizya yao amutemwa.”

2 Kolinto 13:1

Lii, lili iila lyalenga lyakwe itatu lino nkwiza ku kumutandalila. Ndi vino calembwa mu malembelo cati, “Kupelwa mulandu konsi kulinzile kusininkiziwe na yakambone yaili nanti yatatu.”

Umbwilo 9:15

Caleka angeli yasapulwa. Pano pali aawa kwene wilya, pa wanda ulya, mwezi nga nu mwaka ulya, Leza wayateyanyizizye kukoma ciputulwa conga mu viputulwa vitatu vya antu onsi.