Utandiko 41:30 - Amazwi Yakwe Leza 2013

³⁰ Pacisila ca myaka iyo, kulaya cipowe pa myaka cinimbali mu Eguputo, ni myaka iyo isuma italiusiwa ukuti yaliko awe, nga ni cipowe cilonona mpanga.

Utandiko 41:30 ပူးပေါင်းရင်းမြစ်များ

Utandiko 41:21

Lelo lino ing'ombe zyonde zyali zyalya iziine kusi umuntu angalola kupusana pano zyali zikuloleka vivi kwene izyonde ndi vino zyali zili pankolelo. Lyene nalinapampuka, nazyuka.

Utandiko 41:27

Ing'ombe zyonde cinimbali izyafumile pacisila nga ni misakinta cinimbali ya ngano inyale nupya ifooke pamulandu wa muza uwamu lwanga, imyaka cinimbali iya cipowe.

Utandiko 41:31

Imyaka cinimbali ya vyakulya vivule antu yataliusya pamulandu wa cipowe icilapona, icilipisya cuze.

Utandiko 41:51

Nga Yosefu ati, “Leza watalenga kuti nilile ucuzi wane onsi kumwi na amu ng'anda yakwe Tata.” Caleka atemela umwana wakwe umonsi iyeli ati a Manase.

Utandiko 41:54

imyaka cinimbali ya cipowe nayo itandika, ukulingana navino Yosefu walanzile. Nga kwali inzala mu mpanga zyuze zyazingulwike Eguputo. Lelo monsi mu mpanga ya Eguputo mwali ivyakulya.

Utandiko 41:56

Acino lino cipowe cakumana impanga yonsi, Yosefu ayulila aina Eguputo inkoma zyonsi zya vyakulya, pano inzala iipisye yakumine impanga zyonsi.

Utandiko 47:13

Cipowe cali iciipe cuze cakuti kutali ivyakulya nanti vimwi mu mpanga yonsi. Caleka antu amu mpanga ya Eguputo na amu Kenani inzala iyatonsya.

2 Samueli 24:13

Gadi aya kuli Davidi, amunena amazwi yakwe Yawe, nga amuuzya ati, “Uzye icili kwi cino watusolola, pa vintu vitatu? Umu mpanga yako muye icipowe pa myaka itatu, nanti mwautuka anisi inu pa myezi itatu, nanti umu mpanga yako mupone impungo pa manda yatatu? Lyene elenganya ningo we mwene kuti ungasuke ivyakuyanena Yawe.”

1 Yamwene 17:1

Kasema umwi uwi zina lyakwe Eliya umwina Tisyibe mu mpanga yaku Gileadi, anena Aabu ati, “Nemo nalapa mwi zina lyakwe Yawe, Leza wa umi wa ina Izlaeli, wino nkatumikila, ukuti apa myaka iili nanti itatu kutalatala kuye ulumi nanti imvula suka sile ince mvwange.”

2 Yamwene 8:1

Elisya walanga wanena umwanaci uwikalanga mu musumba uwamwangwa Syunemu, umwanaci wiya wino Elisya watutulwile umwana wakwe umonsi, ati, “Katuka wapita, wewe pamwi na ang'anda yako, mufume muno nga muye uku kwikala kuze, pamulandu wakuti Yawe alaponya icipowe mu mpanga ii. Icipowe cico cilamala imyaka cinimbali.”

Masamu 105:16

Lino walesile inzala umu mpanga yao Yawe wononyile ivyakulya vyonsi.

Mapinda 31:7

Yate sile yamwe apakuti yilile uku ulanda wao, nupya yataiusya nu kucululuka kwao.

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Luka 4:25

“Kutikini kunondi, icacumi nkumunena ukuti kwali yamukamfwilwa aingi mu Izlaeli pa nsita yakwe Eliya, lino kwali cilala pa myaka itatu na citika. Lyene cipowe cikulu cuze caponyile mu mpanga yonsi.

Yakobo 5:17

Eliya wali umuntu uwali wakwe sweswe. Wene wapefile nu mwenzo onsi kuti imvula itatonya, kulingana ni myaka itatu na citika imvula itatonyizye.