Utandiko 41:14 - Amazwi Yakwe Leza 2013

¹⁴ Lyene Falao apeela ilamulo kuti yalete Yosefu, nga yamuleta zuwa ukufuma ku ng'anda yaminyololo. Alino pacisila cakumupeela inyele azula ivizwalo vya anyepwe azwala usaka, nga aiza kuli Falao.

Utandiko 41:14 ပူးပေါင်းရင်းမြစ်များ

2 Samueli 19:24

Lyene Mefibosyeti, umwizikulu wakwe Saulo, atentemuka ku kwizakomenkanya umwene. Wene atafulile ku ngazo nanti ukupela ivilezu nanti ukufula ivyakuzwala vyakwe ukufuma sile lino umwene wafumile umu Yelusalemu mpaka ukufika lino wawelulwike nu ucimvyo.

2 Yamwene 25:29

Fwandi Yeoyakini ali pakuzula ni vyakuzwala vya ukaili, nu kulya alya ivyakulya pali ponga nu mwene, amanda yonsi yano watenzi pano nsi.

Esita 5:1

Pa wanda wakwe citatu uwa kuleka ukulya, Esita azwala umwingila wakwe unamwene. Lyene aya aimilila umukasi ka musolo wakwisano, ala wataikala, asumvile na manso uku mulyango. Umwene Aasuwelo amuno wali, ala atenzi apa cilimba ca wene, watalozya ni cinso lwaku mulyango.

Kufuma 10:16

Lyene Falao kwaula ukusumba insita atuma akuya ama Mose na Aaloni nga aiza ayanena ati, “Natinifya kuli Yawe Leza winu nga nakuli mwemwe kwene.

Kasambilizya 4:14

Umwance umwi angafuma mu ng'anda ya minyololo nu kuya umwene wa mpanga kwene iyo ino wavyalilwemo, nanti limwi ale wavyalilwe mu upina mu mpanga yakumwao.

Ezaya 61:10

Iye mwe, Yelusalemu wane! Siangala nalukuzangila muli Yawe nu luzango. Umwenzo wane kawalu kuzangila muli Leza. Pano nemo watanzwika icakuzwala cakulanga ukuti nimpusuka. Watanzwika ilaya lyakulanga ukuti natincimvya. Eya, lyene nemo ndi wakwe nawinga wino azwite candaluwa!

Ezaya 61:3

Wantuma na pakumyalalika yonsi yano yakulosya mu Zioni, na akuilizyanya ku kuyasansamusya. Apakuti umu nyimbo zyao zya malanda, impyanikizyepo inyimbo zya luzango. Umweneco Leza aliwe amayasunganga. Alino nayo lyene yamayenkemanga wa miti yalulembelya. Yonsi pyu yamayanga asuma, yamalumbanyanga na Leza pa miombele yakwe yamaka.

Danieli 2:25

Lilyo kwene Alioki atwala Danieli ku mwene nga anena umwene Nebukadineza ati, “We mwene, umu azya afuma ku Yuda, natinzana mwenemo umuntu wino angakunena muno iciloto ciile.”