Utandiko 40:20 - Amazwi Yakwe Leza 2013

²⁰ Lyene uwanda uwalenga yatatu wali wanda uwa kuvyalwa kwakwe Falao. Falao wacitile aomvi yakwe yonsi icimulo. Alino afumya nu kwelela mukulu wakwe yakatumikila ya lwako lwakwe waini nu mukulu wakwe yakapanga ya mikate kwisano, ayalanga ku manso ya ntunguluzi zyakwe.

Utandiko 40:20 ပူးပေါင်းရင်းမြစ်များ

Utandiko 21:8

Mwana akula yamulumula, nga pa wanda uno yamulumwile, Abulaamu acita cimulo icikulu cuze.

Utandiko 40:13

Mu manda yatatu Falao ale wakufumya nu kukwelela mulandu wako, akuswilizye na pa ncito yako. Uli nu kuya pelanga Falao ulwako lwakwe waini ndi vino wacitanga lino wali katumikila wa lwako lwakwe waini.

Utandiko 40:19

Mu manda yatatu Falao ale wakufumya mu ng'anda yaminyololo. Alino alapeela ilamulo kuti yakuputule umutwe, lyene umwili wako yalauning'inya ku muti ni vyunyi vilaulya.”

1 Yamwene 3:15

Alino Solomoni aiza azyuka amanya ukuti Leza wali wavwanga kunoli mu ciloto. Awe mukwai aswilila ku Yelusalemu nu kuya imilila apa nkolelo ya Mbokosi ya Upangano yakwe Yawe. Alino apeela impolelwa zyakoca na mawila yacuvwano. Alino nupya aimula yacilolo yakwe yonsi.

2 Yamwene 25:27

Mu mwaka uwalenga amakumi yatatu na cinimbali ukufuma pano Yeoyakini umwene waku Yuda wasenzilwe umu uzya, uli mwaka uno Evili Melodaki yamulasike apa wene waku Babiloni. Wene wizile akwatila Yeoyakini amizu, nu kumufumya mu ng'anda yaminyololo. Nu wanda uno wene wamufumizye mu ng'anda yaminyololo, uli wanda uwalenga amakumi yaili na cinimbali, umu mwezi uwalenga ikumi na iili, umu mwaka kwene ulya.

Esita 1:3

Umu mwaka wakwe citatu, uwa kuteeka kwakwe, wene wateyanyizizye vilolo vyakwe vyonsi, aomvi yakwe yonsi pamwi na yamusika ya vita vyakwe vyonsi vyaku Pesya nu ku Medya, icimulo. Ukwika penepo na yakateeka, na alasi amu miputule ya mpanga alalikwe.

Yobo 3:1

Mukusyalikizya, Yobo asuka amamula akanwa nu kutipwila uwanda uno wavilwe.

Masamu 105:19

mpaka usemo wakwe wiza wafikiliziwa ni zwi lyakwe Yawe lyasininkiziwa ukuti ilyacumi.

Yelemiya 52:31

Mu mwaka uno Evili Melodaki wali umwene waku Babiloni, yalanzile uluse ku mwene Yeoyakimu waku Yuda nu kumufumya mu ng'anda ya minyololo. Cii cacitike apa wanda walenga amakumi yaili na yasano, mu mwezi walenga ikumi na iili, mu mwaka walenga amakumi yatatu na cinimbali, pano yafumizizye Yeoyakimu mu ng'anda yaminyololo.

Mateo 14:6

Pa wanda wa kuzangila kuvyalwa kwakwe Helodi, kwali cimulo. Alino umwana umwanaci wakwe Helodia wizile acina inkolelo yakwe yao amilwe ku cimulo. Helodi nawe camuzanzizye cuze,

Mateo 25:19

“Pacisila ca nsita ntali mwene wa yaomvi yalya awela, ayaama kuti iize yamulondolwele vino yaomvizye impiya.

Mako 6:21

Lyene Helodia wakweti kasita kasuma. Cali pa wanda wakuzangila kuvyalwa kwa mwene Helodi. Mwene wacitile ntunguluzi zyonsi izya mu uteko, na yamusika ya nkondo, na akalamba amu Galile icimulo.