Utandiko 4:4 - Amazwi Yakwe Leza 2013

⁴ Lelo Abeli asenda ana mayeli ya mfwele zyakwe, ayafyula nga apeela uwila viputulwa vya mafuta. Yawe azanga muli Abeli nu mu wila wakwe kwene.

Utandiko 4:4 ပူးပေါင်းရင်းမြစ်များ

Utandiko 15:17

Lino ilanzi lyawa na kakuku katola, mu kupumikizya kuloleka icinga icikusuka umoto ni cisonsololwa cikwaka, vii vyoili ala vili pakasi ka vimpilinsya vya nyama zizi.

Utandiko 4:3

Pacisila ca nsita imwi, Kaini asenda vilimwa vimwi vyamu calo, aya apeela uwila kuli Leza.

1 Yamwene 18:24

Alino muleke yakasema yaa yakwe Baali yapepe kuli kaleza kao. Nani namapepa kuli Leza wane, nga Leza wino amaasuka nu kutuma umoto, ale aliwe ali Leza wacumi.” Antu nayo pakwasuka iyapundila ca pamwi yati, “Endi, wavwanga ningo!”

1 Yamwene 18:38

Lyene Yawe Leza ali pakulenga kuti umoto upone pa kavuwa, iwoca impolelwa, inkwi, amawe nu musili, nga iumika na manzi yaya ali mu kamufolo.

1 Milandu 21:26

Davidi akuulila Yawe kavuwa kuku kwene nga aocelapo amawila yakoca na autandano. Apepa kuli Yawe, nga Yawe nawe amwaasuka apakutuma umoto ukufuma mwiyulu, nga uponela pa kavuwa ka mawila yakoca.

2 Milandu 7:1

Walanga sile umwene Solomoni wamala ukupepa, umoto ufuma nu kwi yulu, oca ivyamawila vino yalanga yatiyapeela nga lyene nu ucindami wakwe Yawe uyengese wiza ulimba Ng'anda ikulu yakwe Leza yonsi.

Masamu 20:3

Sangala apokelele uwila wako onsi uno watuzile, nu kuzangila mu mpolelwa zyako zyakoca!

Kufuma 13:12

Mulinzile kupaatwila Yawe ana yonsi mayeli aonsi. Maeli ya nyama zinu yonsi nayo kwene mwayapaatwila kuli Yawe. Vyonsi vii ivyakwe Yawe.

Mapinda 3:9

Uwacindika Yawe umu kumutuula icuma cako, ni vizao vyako ivyankolelo.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Aina Levi 9:24

Mukupumikizya Yawe atuma umoto iwoca uwila wakoca ni viputulwa vya mafuta vino vyali pa kavuwa. Lino antu yalola cii, iyapunda pamwi yonsi, nga yafukama pansi yafupime.

Mpendwa 16:15

Lyene Mose asoka cuze, nga anena Yawe ati, “Suula ivya wila wao. Ntatala nifya umwi panoyali nupya ntatala nayatolela nanti a punda wenga.”

Mpendwa 16:35

Alino Yawe aponya umoto pa antu 250, yao apeelanga ubani, nga iuyoca mpaka iyasila.

Mpendwa 18:12

“Anene ne Yawe nakupeela uzombozi usuma cuze uwa vyakulya vyankolelo ivili wa mafuta ya miolivi, waini, pamwi ni ngano.

Mpendwa 18:17

Lelo utalinzile kukulula amayeli ya ng'ombe, ni mbuzi, ni mfwele. Vivyo ivyamuzilo, nupya ivyakungocela impolelwa. Uce uwakanyila uwazi ku kavuwa, alino nu kwengulula amafuta yaye uwila wa usu, mununko usuma uno ukanzanzya.

Ayebulai 11:4

Mu utailo amuno Abeli wapile impolelwa isuma kuli Leza kuluta ino Kaini wapile. Mu utailo amuno Leza wavwangile Abeli visuma ukuti wene umololoke, pano Leza umwisikulu uwamucitile umboni pakupokelela uwila wakwe. Mu utailo wakwe Abeli acili akuvwanga nanti angala wene wafwa.

Ayebulai 9:22

Kulingana na Masunde yakwe Mose, vintu vinono sile visiswefiwa nu wazi. Maifyo nayo yasyaelelwa ndu wazi utapongolwilwe.

Umbwilo 13:8

Antu yonsi akaikala pano nsi yalacipepa, suka sile antu yano mazina yao yalemvilwe mu lupapulo lwa umi kufuma lino insi itali iumbwe, ulwa Mwana wa Mfwele wino uwakomilwe.

Yakapingula 6:21

Lyene umungeli wakwe Yawe avungulula ikasa lyakwe nga akatusya insongo ya ntuwa ino walemile, akumya ku nyama nu ku mukate usi na citutumusi. Alino umoto iufuma mwi we nu koca inyama yonsi kumwi nu mukate. Lyene umungeli wilya pali pakongoloka.

1 Samueli 15:22

Lelo Samueli aasuka ati, “Uzye Yawe akazangila mu mawila yakoca ni mpolelwa ukuluta ukuyela amazwi yakwe? Ala icuvwilo caluta ukupeela impolelwa, nu kutezya nako kwaluta amafuta yakwe yasuuku.