Utandiko 4:17 - Amazwi Yakwe Leza 2013

¹⁷ Kaini amanya umuci wakwe, nga nawe asenda indilwa avyala Enoki. Lyene Kaini akuula umusumba nga autemela izina pacisila cakutemela umwana wakwe umonsi, Enoki.

Utandiko 4:17 ပူးပေါင်းရင်းမြစ်များ

Utandiko 11:4

Lyene yati, “Twikuulile umusumba nga nu lupungu lwakufika kwiyulu. Ndi twacita vii, tulalumbuka nupya tutalasalangana monsi mu nsi.”

Utandiko 4:16

Lyene Kaini afuma ku manso yakwe Yawe aya aikala mu mpanga ya Nodi, ku ufumondaka wa calo ca Edeni.

Utandiko 4:18

Enoki yamuvyalile umwana umonsi, Iladi. Iladi wali a isi wakwe Mehuyaeli, nga Mehuyaeli wali a isi wakwe Metusyaeli, nga Metusyaeli wali a isi wakwe Lameki.

Utandiko 5:18

Lino Yaledi wali ni myaka 162, umuci amuvyalila umwana umonsi, izina lyakwe a Enoki.

Utandiko 5:22

Pacisila cakuvyalwa kwakwe Metusela, Enoki watenzi mu utandano na Leza pa myaka nayuze 300, nga umuci amuvyalila ana nayauze aonsi na anaci.

2 Samueli 18:18

Mu manda ya umi wakwe Abusalomu walanga waikuulila icipilala umu Cifoloma ca mwene, pamulandu wakuti atakweti umwana uwakuti aimike umupanda wakwe. Acino watemile icipilala cici izina lyakwe, nga ni lelo kwene cikaamwa ukuti Icipilala cakwe Abusalomu.

Masamu 49:11

Amalindi yao ala yasyala ali vifulo vyao pe na pe. Ala amuno yasyala yakwikalilila amanda yonsi, nanti angala uku mpiti yaikwatile ivifulo vyao.

Masamu 49:12

Ucindami wa muntu utange umulesye ukufwa foo. Imifwile yao icili conga sile niya nyama.

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”