Utandiko 4:11 - Amazwi Yakwe Leza 2013

¹¹ Ndakai watipwilwa, nga utalatala ulime musili. Wene watiukowela pa kufipa uwazi wa munyonko wino wakomile.

Utandiko 4:11 ပူးပေါင်းရင်းမြစ်များ

Utandiko 3:14

Alino Yawe Leza anena inzoka ati, “Pamulandu wakuti wacita cii, wemo watipwa pakasi ka nyama zyonsi! Ukufuma ndakai ukaselela pa lunda lwako, nupya umalyanga ivu mu umi wako onsi.

Utandiko 4:14

Lola, watunsukula ku kulima umusili nga nu ku manso yako. Ntalatala nje ni teko, nupya ndazeuluka pano nsi, na wino wensi alankomanya alankoma.”

Utandiko 5:29

Alino Lameki amutemela izina ati Nowa, ala akuti, “Ukufuma ku musili uno Yawe watipwizile, umwana wii alaleta upemwilo ukufuma ku milimo itu yonsi ikome.”

Yobo 16:18

“Iye mwe! We nsi, utezya nanti panono ukuzika uwazi wane. Utalesya ukupapata kwane ukwa kulenga uwazwilizyo kusulwe.

Ezaya 26:21

Pano Yawe wataiza ku kupezya antu ya pano nsi apamulandu wa uyi wao. Insi imasokolola uwazi uno yene yazwisya. Italazizimizya ukufisa antu yano yakomile.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Umbwilo 12:16

Lelo musili nao wazwilizya mwanaci. Musili wasama nu kumila manzi afumile mu mulomo wa cizoka.