Utandiko 39:2 - Amazwi Yakwe Leza 2013

² Yawe wali na Yosefu, nu kulenga kuti vintu vyonsi vyamuzipila. Wikalanga mu ng'anda ya musambazi wakwe mwina Eguputo.

Utandiko 39:2 ပူးပေါင်းရင်းမြစ်များ

Utandiko 21:20

Leza wali nu mwana mu kukula kwakwe. Mwana wilya watenzi mu Lwanga lwa Palani, aya umulunzi mucenjele nupya uwamaka.

Utandiko 21:22

Mu nsita ilya Abimeleki apita na Fikoli musika mukalamba wa vita vyakwe, aya kuli Abulaamu amunena ati, “Leza waya nawe muli vyonsi vino ukacita.

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 26:28

Lyene yaasuka yati, “Pano pali ndakai twamanya ukuti Yawe ali nawe, nga nupya twatitwelenganya ukuti palinzile ukuya cipangano pakasi kakwe wewe naswe. Tukulonda kuti ulaye

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

Utandiko 39:23

Kalinda wa anyepwe acefya nu kwangalila, nga vyonsi vyali mu makasa yakwe Yosefu pano Yawe wacingililanga Yosefu nu kulenga kuti vyonsi vino wacitanga vyamuzipila.

Utandiko 39:3

Nawe waweni ukuti Yawe akaazwa Yosefu muli vyonsi vino akucita.

2 Yamwene 18:7

Fwandi Yawe nawe ali pakuya nawe. Nu kusyuka ali cino wasyukanga muli vyonsi vino wacitanga. Wasusile wasangukila umwene waku Asilya, wata nu kumucindika.

1 Milandu 9:20

Pineasi, umwana umonsi wakwe Eleaza uwali kangalila wakwe yakalinda yapa mpongolo, nga Yawe wali nawe.

2 Milandu 1:1

Lino uwene wakwe Solomoni umwana wakwe Davidi wakomile, Leza wali nawe nu kumupolelela, wamupolelile sana nu kumupelesya amaka.

Masamu 1:3

Wene waya wa muti uno yalema umu mbali ya kaluzi, nu kuseeka ukaseeka apa nsita ilingane. Amafwa ya muti uo yasitala iyuma. Vyonsi vino akacita asiposiwa.

Masamu 46:11

Leza Wamaka yonsi waya naswe, Leza wakwe Yakobo ali cele litu!

Masamu 46:7

Icacumi swemo twaya na Leza Wamaka yonsi. Leza wakwe Yakobo ali cele litu!

Masamu 91:15

Lino yene yalandaizya nemo ndayasuka, lino yaponelwa namalanda nemo namayanga nayo. Namayataasyanga nu kuyacindamika.

Ezaya 41:10

Ali cino mwemo mutaoopa, nemo namayanga pee namwe. Mutasakamala nanti cimwi pano nene indi Leza winu. Nene namamukomyanga nupya namamwavwanga. Nene namamusunganga nupya nene namamupususyanga.

Ezaya 43:2

Lino wapita umu manzi azike, namayanga nawe, na lino ukulamba uluzi, utalamwela awe. Lino wapita umu moto, utalapya awe. Icimbilimbili cakweo citalakwambukila awe.

Yelemiya 15:20

Ndakulenga kuti uye ilinga lya maka, ilya mukuwa, lya kukucingilila ku mutundu uu. Yene yalakulwisya, lelo yalaposiwa ku kucimvya pano ndaya nawe apa kukutaasya nu kukuwaka.

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Milimo 8:31

Mutungwi nawe ati, “Uzye ningamanya uli, suka umwi wandondolwela?” Alino anena Filipo ati kwela mwi celeta wikale pamwi nani.

1 Timoti 6:1

Azya yalinzile kucindika asambazi yao muli vyonsi, pakuti kutaya umwi uwakulandila zina lyakwe Leza nanti usambilizyo witu viipe.

Yoswa 1:5

Kusi umuntu nanti wenga alakucimvya we Yoswa, mu manda yonsi aumi wako. Vino nayanga na Mose avino namayanga nawe. Ntalatala inkusye awe, nupya ntalakutazyela foo.

Yoswa 1:9

Uwaiusya lyonsi ilamulo lino natinkupeela ilya kuti uposye nupya uzyansye! Uposye nupya uzyansye, pano Yawe Leza wako amayanga nawe konsi kuno umayanga.”

Yoswa 6:27

Yawe wali na Yoswa, nga nu lulumbi lwakwe Yoswa lusalangana mu mpanga ilya yonsi.

1 Samueli 16:18

Alino umuomvi wenga pa yaomvi yakwe amunena ati, “Mukwai nemo namanya umwana umonsi wakwe Yese umwina Betelemu ali wino wacenjela sana ukulizya gita. Wene umuntu umwi umusipe nu pya icita ca nkondo. Umucenjele mu kuvwanga nupya umuyembe, nga Yawe ali nawe.”

1 Samueli 18:14

Nupya wene wali nu longo muli vyonsi vino wacitanga, pamulandu wakuti Yawe wali nawe.

1 Samueli 18:28

Lino Saulo wamanya ukuti Yawe ali na Davidi nu kuti Mikala umwana wakwe umwanaci watemwa Davidi,

1 Samueli 3:19

Lino Samueli akukula, Yawe wali nawe, nga kutali izwi nanti lyonga pa mazwi yano walandanga lino litafikiliziwe.