Utandiko 38:5 - Amazwi Yakwe Leza 2013

⁵ Nupya kwene avyala umwana umonsi, amutemela izina ati Syela. Yuda wikalanga ku Kezibu lino Syela wavilwe.

Utandiko 38:5 ပူးပေါင်းရင်းမြစ်များ

Utandiko 38:11

Alino Yuda anena nyinavyala wilya Tamala ati, “Utale uswilile ku mwinu nga mukamfwilwa kufika lino Syela umwana wane umonsi, muto wa afwe, akakule.” Wavwanzile vi pamulandu wa ntete zyakuti ndi wamupyanike nawe kwene angafwa wakwe vino yasilenzi yafwile. Caleka Tamala aswilila kwakwe isi.

Utandiko 38:26

Yuda avimanya ati, “Manguvyala watalungika. Cacumi nene naluvyanya, pano cali cakuti mupeele ku mwanane Syela apyane.” Yuda atatazile aswilile kuli nyinavyala.

Utandiko 38:6

Yuda alondela Ele iyeli lyakwe umwanaci wakutwala, ni zina lyakwe a Tamala.

Utandiko 46:12

Ana yakwe Yuda aonsi yali a Ele, Onani, Syela, Pelezi, na Zela. (Lelo ana yakwe Yuda yauze aonsi a Ele na Onani yene yafwile ala yacili mu mpanga ya Kenani.) Ana yakwe Pelezi aonsi yali a Heziloni na Hamuli.

1 Milandu 2:3

Ana yakwe Yuda a Ele, Onani na Syela. Ana yakwene yatatu yavilwe muli Batisyuwa, mangu umwina Kenani, umwana mwanaci wakwe Syuwa. Ele, iyeli lyakwe Yuda wacitanga iviipe apa manso yakwe Yawe. Acino Yawe amukoma.

1 Milandu 4:21

Syela wali umwana wenga umonsi uwamu ana yakwe Yuda. Amu mupanda wakwe aeya: Ele, uwasokwile umusumba wa Leka. Laada, uwasokwile umusumba wa Malesya nu luko lwakwe yakapikula ya nsalu aikalanga mu musumba wa Beti Asyibea,

Mpendwa 26:19

Ana yakwe Yuda aonsi a Eli na Onani, lelo yafwilile mu mpanga ya Kenani.

Mpendwa 26:20

Ana yakwe Yuda aonsi mu nko zyao a Syela nu luko lwakwe lwa ina Syela, Pelezi nu luko lwakwe lwa ina Pelezi, Zela nu luko lwakwe lwa ina Zela.