Utandiko 32:10 - Amazwi Yakwe Leza 2013

¹⁰ Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

Utandiko 32:10 ပူးပေါင်းရင်းမြစ်များ

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

Utandiko 24:12

Alino apepa ati, “We Yawe, Leza wakwe Abulaamu umusambazi wane, ilelo fikilizya ulayo wako ku musambazi wane.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 28:15

Ndakucingilila konsi kuno ulaya, nupya ndakuwezya ku mpanga kwene ii. Intalakusya mpaka nkafikilizye vyonsi vino nakulaya.”

Utandiko 30:43

Mu musango kwene uu amuno Yakobo wizile aya umukama wakwe cimwi, akwata iviteekwa vivule cuze, na aomvi anaci na aonsi, ni ngamila na yapunda.

Utandiko 31:3

Lyene Yawe anena Yakobo ati, “Pita swilila ku mpanga yakwe so nu ku aluko lwako, lelo ndaya nawe.”

Utandiko 32:5

Nalonka ing'ombe, yapunda, imfwele, imbuzi na azya. Acino musambazi natuma amazwi kunuli pakuti ungaswepa ku mwenzo ndi wandola.’ ”

Utandiko 32:7

Yakobo auvwa intete nu kusakamala. Lyene apaatula antu yano wali nayo mu maumba yaili. Aankanya ku maumba yaa yaili imfwele, ing'ombe, imbuzi ni ngamila.

2 Samueli 17:24

Lino Abusalomu pamwi na ina Izlaeli yalamvile Luzi lwa Yodani, walanga Davidi watafika mpiti ku Maanaimu.

2 Samueli 7:18

Lyene umwene Davidi aingila mwi Taalu lya Ukongano, nga aya aikala pansi atandika ukupepa kuli Yawe ati, “We Yawe Simwandalali, uzye nene weni pamwi na akazi kane, pa kunsunga ukufika na pano mpezile?

Yobo 17:9

Antu akailola kwati alio yakacita vyaololoke, yene caluta! Lyene yaya akailola kwati akayele, nayo kwene yatiyacila sile mwenemo.

Yobo 8:7

Ivyuma vyako vyonsi vino vyononike, vitalatala vilingane navino ulakwata uku nkolelo.

Masamu 16:2

Nanena Yawe nati, “Wewe uli Mwene wane. Wewe uli cuma cane pasi namuze.”

Masamu 18:35

Wemo wampeela ni cisyangu ica kumpususya. Ikasa lyako, ilyakwe ndilo lyancindamika, na amaka yako yambwaka.

Masamu 61:7

Sungala uleke ateeka amanda pe pa manso yako we Leza. Uwalukumuwakilila ni citemwiko cako icamuntaputuka na ucisinka wako.

Masamu 8:5

Wamucefizye sile panono pali we mweneco we Leza. Wamucindamike nu kumucita wa mwene.

Masamu 84:7

Amaka yao yakavulila kweneko iyasuka iyafika nuku Zioni ukukulolekela kuli Leza wakwe yaleza.

Masamu 85:10

Ukutemwa na ucumi vilakomenkana. Uololoke nu mutende vilazengelana.

Mapinda 4:18

Inzila ya antu asuma, yaya wa luswepo lwa pamacaca, lulo ulukakulilako mpaka ilanzi ilisanzama.

Ezaya 6:5

Nga alino nani ne Ezaya imvwanga inti, “Kalanda kunondi! Awe icumi ilelo lyene ali mpela yane! Pano kwene amazwi yonsi yano nkalanda yangaya aipe, nupya nikala na antu ya mazwi akanyengula umwenzo. Ilelo lyene casila nafwa, pano lyene nailolela na manso yane Yawe Wamaka yonsi.”

Ezaya 63:7

Nemo namatakolanga ivyaya uluse lwakwe Yawe pee. Namamulumbanyanga pa vintu vyonsi vyakuzunguka vino wacita kunotuli. Watupolelela wakwe cimwi swe antu yakwe aina Izlaeli, pano wakwatisya uluse na mizu amuntaputuka.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Luka 17:10

Icili conga namwe; lino mwati mucita vyonsi vino mwati munenwa kucita, mulande muti, ‘Sweswe aomvi sile nupya twati tucita vino tulinzile kucita.’”

Luka 5:8

Lino Simoni walola cati cicitika, afukama pa ngazo zyakwe Yesu amunena ati, “Ntaluke, Mwene, pano nene mwipe.”

2 Kolinto 12:11

Nacitanga vintu kwati nene mutumpe. Lelo mwemwe mwandenzile kucita vii, pano mwange mulande visuma vya pali nene. Pano nanti angala nemo nsi cimwi, lelo ntacepa kuluta pa atumwa inu yano mukati yacindamisya.

Malango 8:18

Mwaiusya ukuti Yawe Leza winu aliwe akamupeela amaka akuya akama. Wene akacita cii pamulandu wakuti ni lelo kwene acili uwacumi ku upangano uno wene wacisile ni vikolwe vinu.

1 Petulo 5:5

Mu musango uli onga kwene alumendo yalinzile kuyela aikolo. Nupya mwensi mulinzile kufukilana, pakuti mwatumikilana. Pano calembwa mu malembelo cati, “Leza akakanya yao aya ni cilumba, lelo waya ni cikuku kuli yao aicefya.”