Utandiko 30:1 - Amazwi Yakwe Leza 2013

¹ Lelo lino Lakeli walola ukuti atakuvyalila Yakobo ana, aya nu uzuwa pali nyinalenzi, nga anena Yakobo ati, “Mpela ana, nanti mfwe!”

Utandiko 30:1 ပူးပေါင်းရင်းမြစ်များ

Utandiko 29:31

Lino Yawe walola ukuti Yakobo watemwa Lakeli ukuluta Leya, apeela Leya ukwasi, lelo Lakeli aya ng'umba.

Utandiko 37:11

Aina yakwe Yosefu yaya nu uzuwa panoli, lelo isi wene acisunga mu mwenzo.

1 Yamwene 19:4

Lelo Eliya umwisikulu apita pa ulendo wa wanda onga mu lwanga. Asuka afika umu cimuti ca yunipa, nga aikala pansi mu cisao. Alino apepa kuti afwe, ati, “Owe! Yawe, ala cacilamo sile! Awe cumi ni mfwa yazipa! Uzye nene nacila pa vikolwe vyane?”

Yobo 13:19

Uzye akunoli umwi angampeela umulandu? Ndi cakuti akunoli, lekini aize. Ninjiteyanya namazuka cele nga mfwe.

Yobo 3:11

“Owe mwe! Uzye pacani cino ntafwilile lino nkuvyalwa, nanti pacisila cakufuma mu ndilwa inte ukufuta?

Yobo 5:2

Icikonko cikakoma umuntu iciwelewele, ulunkumbwa nalo lukafyula umuntu uwaula amano.

Masamu 106:16

Lyene umu nsakwe ali pakukwatila Mose na Aaloni uzuwa, umucindami wakwe Leza.

Mapinda 14:30

Umwenzo utambalale uli umi wa mwili. Uzuwa wene uli ulwale ukalya amafupa.

Mapinda 30:16

Ilindi, indilwa ya ng'umba, umusili uno amanzi yaposiwa ukwikusya, nga nu moto uno usitala iuti, ‘Vyavula!’

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Mpendwa 11:15

Ndi cakuti ali vino ukulonda uncitile, awe lyene cazipa sile nu kunkoma. Uncitila uluse, ngano utanzunyizye nupya.”

Mpendwa 11:29

Lelo Mose amwaasuka ati, “Si uvwa uzuwa pali nene? Si cange cizipe ndi antu yonsi yakwe Yawe yaya yakasema, yapeelwa nu mupasi wakwe!”

Yoane 4:3

Caleka lino Yesu uvwa vino yakulanda, afuma mu Yudeya nga aswilila ku Galile.

Yoane 4:8

Alondezi yakwe yene ala yati yaya ku muzi kukukala vyakulya.

1 Kolinto 3:3

pano micitile inu icili wa micitile ya antu amu nsi. Pakasi kinu mukuzuwilana nu kulemanila wenga nu muze. Uzye cii cisyakusininkizya vino mwemwe amu nsi, mukucita vintu kulingana ni miyele ya muno nsi?

2 Kolinto 7:10

Pano ulanda uno Leza akaomvya wene ukuleta ukuzenzuka kuno kukatungulula ku ufyusi. Caleka mutalinzile kuvwa ulanda pali cii. Pano kuvwa ulanda wakwe vino amu nsi yakacita kwene kukaleta imfwa.

Galatiya 5:21

Yene yaya nu muvimbila, akolesi nupya yakacita ya muzangalwe nga navyuze vikoline na vii. Ndakai nkumuceula ndi vino namucewile inkolelo ukuti, yao akacita vintu vii yene yatalapyana Wene wakwe Leza.

Tito 3:3

Pano mpiti twali awelewele, asyayela nupya antu akaluvyanya. Twacisilwe uzya ku nsuna ni misango yonsi ya vintu vyakuizanzya. Twasumvile nsita zitu mu kucita vyalufyengo nga nu kuzuwilana. Antu yauze yatupasile nga naswe twayapasile.

Yakobo 3:14

Lelo ndi cakuti mu mwenzo muli uzuwa, muvimbila, kuitemwa, lyene mutaitumika pa mano inu nanti kufisa cumi mu kutumpoka kwinu.

Yakobo 4:5

Mutatwisika cumi icaya mu malembelo yano yakati, “Leza akasakamala pamulandu wa mupasi uno wika munotuli.”

1 Samueli 1:10

Papo ale Hana akuuvwa ulanda wakwe cimwi, atandika ukupepa nu kulila alila.