Utandiko 3:8 - Amazwi Yakwe Leza 2013

⁸ Manguzi uwanda kwene ulya umonsi nu muci yuvwa mutinti wakwe Yawe Leza ala akupita mu calo. Lyene yafisama mu miti kuti Leza atayalola.

Utandiko 3:8 ပူးပေါင်းရင်းမြစ်များ

Utandiko 18:33

Lino Yawe wamala kulanda na Abulaamu, apita amusya, nga Abulaamu nawe aswilila ukwakwe.

Utandiko 3:10

Umonsi nawe aasuka ati, “Inuvwa mutinti wako mu calo, pali pakuvwa intete, nafisama pano indi tupu.”

Yobo 22:14

Pano wene amakumbi yamuvimbilikizya, nu kutulola atange atulole ningo. Lilyo lino akutandalila sile apapela umu muputule wa mwiyulu.’

Yobo 31:33

“Nemo ntatala nafisa antu amaifyo yane. Ntatala namaninkizya imilandu yane umu mwenzo wane.

Yobo 38:1

Lyene Yawe aasuka Yobo umwi zwi ukufuma mu cipuupu.

Mapinda 15:3

Amanso yakwe Yawe yaya mpanga yonsi, yakalola aipe nga na asuma kwene.

Yelemiya 23:24

Uzye umuntu angafisama mu kafyototi inkane kumulola? Uzye mutamanyile vino nemo naya sile ponsi, umwiyulu na muno nsi kwene?” Ivyalanda Yawe.

Oseya 10:8

Ncende zyakupepelapo tuleza twaufi, utwalenga kuti aina Izlaeli yifye, zilononwa. Imyunga na yakasokopyo vilamela nu kukula apa tuvuwa twao. Antu yalanena imyamba iyo yati, “Tufisini!” Yalanena utulundu yati, “Tufupilizini!”

Aina Levi 26:12

Nkaaya namwe. Nene Leza winu namwe mwemwe antu yane.

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Loma 2:15

Pano micitile yao ikulanga ukuti vino Masunde yakataka ivyalembwa mu myenzo yao. Ni myenzo yao kwene ikasininkizya ukuti vino Masunde yataka ivya cumi, pano limwi melenganyo yao yakayavunuka limwi yakayazumilizya mu kuluvyanya kwao.

Malango 23:14

Fwandi muce mwasunga ningo kamba kinu ka asilika mu usaka, pamulandu wakuti Yawe Leza winu amayanga namwe mu kamba ka asilika, kuti amucingilile na kuti amupeele ucimvyo pa anisi inu. Mutakezye ukucita icintu nanti cimwi cawinyi cino cingalenga Yawe amufutatile.

Malango 4:33

Uzye kwatala kwaya antu yamwi acili apuma yano yatala yuvwa kuno Yawe wavwangila mu moto, wakwe vino mwemo muvwile?

Malango 5:25

Ale lyene pacani cino tungafwila? Umoto uu uwakoofya umatulovya, nga ndi tuvwa nupya izwi lyakwe Yawe Leza witu, ale tumafwa.

Ayebulai 4:13

Kusi cimwi cingafisama ku manso yakwe Leza. Vintu vyonsi mu uumbo onsi vili paswe nupya wene akavilola. Swensi kwene tulinzile kuilondolwela kunoli.

Umbwilo 6:15

Lyene yakateeka amu nsi, intunguluzi na yamusika akulu avita, akama na antu ya maka, nga na antu yauze, azya na antungwa yonsi yafisama mu macele nu mwisika lya milunda yamu myamba.