Utandiko 3:7 - Amazwi Yakwe Leza 2013

⁷ Lilyo kwene lino yalya iviseekwa vyaku muti uwo, yapeelwa kumanya nga yiluka ukuti yali tupu. Acino yasuminkanya amafwa ya musamvu iyaindizya mu misana yao.

Utandiko 3:7 ပူးပေါင်းရင်းမြစ်များ

Utandiko 2:25

Na onsi oili, umonsi nu muci wakwe yali tupu, lelo yatali ni nsonyi.

Utandiko 3:5

Pano Leza wamanya vino uwanda uno mulalyako iviseekwa vivyo mulalingana na aliwe nu kumanya visuma ni viipe.”

2 Yamwene 6:20

Lili kwene sile lino yatiingila mu musumba ulya, Elisya apepa kuli Yawe ati, “We Yawe, yayulile amanso kuti yalola.” Yawe nawe auvwa ipepo lwakwe Elisya, nga ayalenga nu kulola. Ali vino yiukila sile ukuti yali mu musumba wa Samaliya.

Ezaya 28:20

Mulaya wa muntu wiya wino yakataka umwi pinda yati, “Umuntu umwi watatambalala apa katala akiipi, nu kwezya ukuvimbala kaulangeti akali wa citambala uku wipi.”

Ezaya 47:3

Ali pakuti antu yakulole tupu, ni nsonyi kazikuleme wakwe cimwi. Nemo nkulandula sile, nu wakundesya kusi.”

Ezaya 59:6

Fwandi vino mwemo mukapanga, visi vyakumuombela akantu nanti kamwi foo. Vyene ivyaciwelewele sile. Icili conga sile na vino insalu ino yapikwilwa nu usavu wakwe pengauyo!

Nyimbo zya ndosya 1:8

Yelusalemu waifya apakalamba, nga acino wataikowezya asyala tupu! Yonsi amucindikanga mpiti yatiyamusuula. Ali cino lyene akufuteka nu kuvimba apa manso pamulandu ni nsonyi.

Luka 16:23

Lyene kuzimo kuno wali mukucula kukulu cuze, asanzula amanso alola Abulaamu patali, na Lazalo ala atenzi pipi nawe.

1 Kolinto 12:23

Tukasakamala kusunga ningo vilundwa vya mwili vino tukaelenganya ukuti visi vya mpomvu kuluta. Ku mbali yuze, vilundwa vya mwili vino vikatuletela insonyi vili vino tukazwika ningo

Malango 28:34

Ucuzi winu ulamulenga ukuvulungana.

Yakapingula 3:2

Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.