Utandiko 3:5 - Amazwi Yakwe Leza 2013

⁵ Pano Leza wamanya vino uwanda uno mulalyako iviseekwa vivyo mulalingana na aliwe nu kumanya visuma ni viipe.”

Utandiko 3:5 ပူးပေါင်းရင်းမြစ်များ

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

Utandiko 2:9

Alino Yawe Leza alenga kuti musili umezye imiti iyembe ya misango yonsi nu kuti yaseeka iviseekwa visuma. Pa kasi ka calo pali umuti ukapeela umi nu muti ukapeela amano akumanya visuma ni viipe.

Utandiko 3:10

Umonsi nawe aasuka ati, “Inuvwa mutinti wako mu calo, pali pakuvwa intete, nafisama pano indi tupu.”

Utandiko 3:22

Alino Yawe Leza avwanga ati, “Ndakai umuntu wakolana naswe, pano wakwata amano akumanya visuma ni viipe. Atalinzile kuzumiliziwa nupya ukulya ciseekwa caku muti uno ukapeela umi, nga aikalilile nu umi.”

Utandiko 3:7

Lilyo kwene lino yalya iviseekwa vyaku muti uwo, yapeelwa kumanya nga yiluka ukuti yali tupu. Acino yasuminkanya amafwa ya musamvu iyaindizya mu misana yao.

1 Yamwene 22:6

Acino Aabu akonganika yakasema yakwe ali manye imyanda ini, nga ayuzya ati, “Uzye nje nkalwisye umusumba wa Lamoti Gileadi, nanti foo?” Nayo yamwasuka yati, “Yanga, pano Yawe amaupeela mu makasa yako we mwene.”

2 Milandu 32:15

Ali cino fwandi mwe yayame mutaleka Hezekiya amutumpike. Mutamuuvwa! Pano kwene, kutatala kwaya Leza wa mpanga ili yonsi uwatuula antu yakwe uku mwene waku Asilya nanti uku vikolwe vyakwe. Fwandi intange intwisike ukuti Leza winu atalamutuula mu makasa yane awe.’ ”

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 5:2

Lelo Falao auzya ati, “Uzye Yawe aweni wakuti ninguvwa kunoli kuti inte aina Izlaeli yapite? Nemo ntamumanyile Yawe wiyo, nupya nkukunena vino ntalata aina Izlaeli yapite.”

Ezaya 14:14

Nupya ndakwela apapelapela ya makumbi. Ndakolana wa Mucindami.

Ezekelo 13:22

Pano uku ufi winu mukacuzya imyenzo ya mulungami, wino nemo nsyacuzya foo. Alino mukakomelezya nu mwipe apakuti atata ivicitwa vyakwe iviipe, lelo asyukile nupya uumi.

Ezekelo 28:12

“We mwana wa muntu, saula ulwimbo lwakulosya umwene waku Tuli. Munene ukuti ne Yawe nkunena umwene waku Tuli inti, ‘Wemo wali icilangililo cimalilike, amano yako yazile tupu nu kuyemba kufumaluke.

Ezekelo 28:2

“We mwana wa muntu, nena intunguluzi yakwe Tuli uti, Yawe Simwandalali walanda akuti wemo mu cilumba camu mwenzo wako walanda wati wewe uli Leza. Nikala wa mwene pa cilimba cakwe yaleza umwi ziya muli yemba. Lelo wewe muntu, usi leza awe, nanti angala ukwelenganya ukuti wewe wamano wakwe leza.

Ezekelo 28:9

Uzye lyene ulasya uvwange ukuti wewe kaleza apa manso yakwe yayo alakukoma? Awe, wemo ulaloleka wa muntu, lino ulaya mu makasa yakwe yayo alakukoma, lelo asi wakwe kaleza foo.

Ezekelo 29:3

Vwanga kunoli uti, Yawe Simwandalali walanda wati, lyene namakufutukila we Falao, umwene waku Eguputo, mung'amba mukulu we, wemuno ukalambalala mukasi kakwe Nailo nu kuitanka uti, ‘Nailo ali cuma cane, nene namupanga.’

Danieli 4:30

avwanga ati, “Silolini vino Babiloni waya umukulu! Nene nakuuzile umusumba uu ukulu kuti uye uwakwane wakwikalamo na kuti ndange amaka nu ulamba wane, ululumbi nu usambazi wane.”

Danieli 6:7

Swe aomvi swensi kwene, angalizi, alasi, angalizi ya alasi, ni ntunguluzi zyuze, twatituzumilizyanya ukuti we musambazi upele ilamulo nu kukonkomezya ukuti umuntu ali wensi wino alapepa kuli leza ali wensi nanti ku muntu umu manda amakumi yatatu akwiza, umu cifulo ca kupepa kunuli, we mwene, wene alasumbilwa mu ninga yakwe yacisama.

Mateo 6:23

Lelo manso inu ndi yasi ningo, mili inu ilazulamo mfinzi. Caleka luswepo ululi munomuli ndi lwasenuka lwaya mfinzi, mfinzi iyo imaya ikulu cuze.

Milimo 26:18

Uli nu kuyayula amanso, kuti yafume mu kanda iize ku luswepo, na kuti yafume mu maka yakwe Ciwa iize kuli Leza, na kuti maifyo yao yelelwe kupitila mu utailo wao munondi, nga yapokelele cifulo pamwi na antu yano Leza wasola ukuti yaye akwakwe.’

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

2 Kolinto 4:4

Yene yatataila, pano Satana wino ali leza uwa nsi ii, walesyanya kuti yatalola luswepo ululi Ilandwe Lisuma lya pali Klistu uwa lulumbi.

2 Tesalonika 2:4

Wene alaitumika nu kukatukila camuzilo consi nanti cino antu yakati leza. Wene alikala mu Ng'anda ikulu yakwe Leza nu kuitaka vino wene a Leza.

Umbwilo 13:14

Nupya cisomba antu yonsi akaikala pano pa nsi ku vinjelengwe vino cazumiliziwe kucita pa manso ya cilyanyi ca kutandika. Cilyanyi cinena antu kupanga unkolanya kuti yacindikilemo cilyanyi cino yacisa ku lupanga lelo cili nu umi.

Umbwilo 13:4

Cila muntu wapefile cizoka pano cene capile maka akuteeka ku cilyanyi. Alino yapepa ni cilyanyi kwene yati, “Uzye aweni akoline wa cilyanyi? Uzye aweni angalwa naco?”

Yakapingula 3:2

Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.