Utandiko 3:20 - Amazwi Yakwe Leza 2013

²⁰ Adamu watemile umuci wakwe izina ati Eva, pamulandu wakuti ali nyina wa antu onsi.

Utandiko 3:20 ပူးပေါင်းရင်းမြစ်များ

Utandiko 16:11

Nupya mungeli wilya amunena ati, “Watusenda indilwa nga ulavyala umwana umonsi, ulamutemela izina Isumeli, pamulandu wakuti Yawe watauvwa ukulilizika kwako.

Utandiko 2:20

Caleka umuntu atemela inyama zyonsi mazina nga ni vyunyi vyonsi ivikapapuka. Lelo pali vii vyonsi patali icalingine wakwe kazwa wa muntu.

Utandiko 2:23

Lyene umonsi avwanga ati, “Ndakai, wii ifupa ukufuma ku mafupa yane nu munyefu ukufuma ku munyefu wane. Amaamwangwa ‘umwanaci,’ pano wapangwa ukufuma ku monsi.”

Utandiko 3:21

Lyene Yawe Leza anyukila Adamu nu muci wakwe impapa ya nyama, nga ayazwika.

Utandiko 35:18

Lelo Lakeli ala akufwa, nga umwi zwi lyakusyalikizya atemela umwana izina Beni Oni, lelo isi amutemela izina ati Benjamini.

Utandiko 5:29

Alino Lameki amutemela izina ati Nowa, ala akuti, “Ukufuma ku musili uno Yawe watipwizile, umwana wii alaleta upemwilo ukufuma ku milimo itu yonsi ikome.”

Kufuma 2:10

Pacisila, lino umwana wakula, umwanaci wilya amuleta ku mukazyana umwana wakwe Falao. Alino nawe atoola umwana wilya amucita ukuya umwana wakwe umonsi. Aelenganya ati, “Namuzuulwile mu manzi. Caleka namamutemela izina inti a Mose”

Mateo 1:21

Wene alavyala umwana umonsi nawe uce umutemele izina uti a Yesu, pano wene alatuula antu yakwe kufuma ku maifyo yao.”

Mateo 1:23

“Umukazyana atamanya umonsi alasenda indilwa nupya alavyala umwana umonsi, nga yalamutemela izina yati a Emanueli,” (kuli kuti, “Leza ali naswe”).

Milimo 17:26

Ukufuma ku muntu wenga, waumvileko imitundu yonsi iya antu nu kuleka kuti ikale mu nsi yonsi. Wisile utusita utwalinga na yanande ya vifulo vyao vya kwikalamo.

2 Kolinto 11:3

Ndi ni ntete zyakuti mwemo mulasombwa, wakwe vino Eva wasomvilwe ni nzoka ya usomvi. Ndi ni ntete zya kuti limwi mwemo mulata kwelenganya pamulandu wakwe Klistu mu musango usuma uwa cumi.

1 Timoti 2:13

Pano Adamu uwa umvilwe nkolelo yakwe Eva.

1 Samueli 1:20

Acino mukupita kwa nsita Hana asuka asenda indilwa nga aca avyala umwana umonsi. Alino atemela umwana wilya izina ati a Samueli, ala akuti, “Pamulandu wakuti namulenzile sile kuli Yawe.”