Utandiko 3:19 - Amazwi Yakwe Leza 2013

¹⁹ Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Utandiko 3:19 ပူးပေါင်းရင်းမြစ်များ

Utandiko 18:27

Nupya Abulaamu avwanga ati, “Napapata unjelele pa kuuzya kunuli nu kupama. Nemo nene muntu silesile kunuli, nupya ntakweti nsambu yakulanda.

Utandiko 2:7

Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Utandiko 3:18

Umusili ulakumezezya vikona ni myunga, nga nawe ulalya vimelwa vyamu mpanga mu manda aumi wako onsi.

Utandiko 5:5

nga wafwile ala ali ni myaka 930.

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Yobo 10:9

We Leza icumi iusya ukuti nemo awewe wambumvile ukufuma ukwivu. Alino lyene fwandi ufutuke nu kunswilizya ukwivu kwene?

Yobo 19:26

Nanti ningasila insyale amafupa yatupu, namanya ukuti lino ndakatuka wene alampalamika kunoli. Alino lyene ndalola Leza nu mwili wane kwene.

Yobo 21:26

Lelo nanti cingaya vivyo imfwa yene ili yonga sile, nu kuzikwa yonsi yakazikwa icili conga umu musili. Ni ngonyo iziyalya yonsi kwene.

Yobo 34:15

lyene ivintu ivyaumi vyonsi vingalowa pyu. Nu muntu kwene angafwa aswilile nuku lukungu.

Yobo 4:19

Uzye wene angataila uli icaumbwa kwivu, icapangilwa ku lukungu, cico icingavungolwa wa kazizi.

Masamu 103:14

Pano wene wamanya vino watuumba, wamanya nu kuti swemo sweswe lukungu sile.

Masamu 104:23

Nga alino lyene umuntu nawe akatuka, aya uku ncito zyakwe aomba ukufika na manguzi.

Masamu 104:29

Ndi cakuti wavifutatila pasi pakuvwa intete. Ndi cakuti watala wavicilikila ukufuta, ala ali mifwile iviswilila nu kulukungu kuno vyafumile.

Masamu 127:2

Mukaicuzya sile ukuzyuka akatondotondo nu kucelwa apakuya umu kulala, pamulandu wakuculila ivyakulya. Pano Yawe akapeela kuli yayo yonsi yano watemwa, umu nsita lino yali umu tulo.

Masamu 22:15

Icikolomilo cane caticuma wa lukungu, nu lulimi lwane lwatilulematila ku kanwa. Watunsya wa mufwe umu lukungu lwa mfwa.

Masamu 22:29

Antu yonsi acilumba yalamufukamila, Yonsi akafwa yalamufukamila. Yayo atangaisunga kuti yaye nu umi.

Masamu 90:3

Wemo ukaswilizya umulawa uku lukungu uti nu kuti, “Swilila we, kuno wafumile!”

Mapinda 21:16

Wiyo asilonda kulondela inzila zya kuvwana, wene alapuuza mwi umba lya kuzimo.

Kasambilizya 1:13

Nelenginye kuti ningalondelezya pa vintu ivikacitika umu nsi. Si lolini icisendo cino Leza watufumbatika swe antunze.

Kasambilizya 1:3

Umuntu akasumba insita mu wikazi ala akuomba, akwazika, lelo uzye ivyani vino akatumbulamo?

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Kasambilizya 3:20

Vyoili kwene vikaya uku ncende ili yonga, ku lukungu. Akuno vyoili vyafumile, nupya akuno vyoili vilaswilila.

Kasambilizya 5:15

Tukafuma mu nsi ii tupu ndi vino twavilwe tupu. Pa milimo yonsi yakukailwa ino twaomvile, kusi nanti acimwi cino tungasenda mu minwe itu.

Danieli 12:2

Aingi muli yayo afwa mpiti yalazyukuka: yamwi uku umi wa pee, yamwi nayo ku kupupana kwa pee.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

Efeso 4:28

Muntu wino wiyanga alinzile kuta kwiya, nga atandike kuomba kwaula usomvi kuti azanilemo uwikazi nga nu kwankanya kweneko apina.

1 Tesalonika 2:9

Mwe ina itu akundwe, cumi kwene mukwiusya ntazi zitu lino twaombanga munomuli. Mukwiusya vino twaomvile musanya nu usiku kulonda vyakutwazwa kuti tutaya wa cisendo kunomuli, lino tukukosola Ilandwe Lisuma kunomuli lyakufuma kuli Leza.

2 Tesalonika 3:10

Lino twali pamwi namwe twamunenanga mazwi akuti, “Wino wensi akukana kuomba, nu kulya kwene atalya.”

Ayebulai 9:27

Muntu wensi alinzile ukufwa lyonga nga pacisila apingulwe na Leza.