Utandiko 3:18 - Amazwi Yakwe Leza 2013

¹⁸ Umusili ulakumezezya vikona ni myunga, nga nawe ulalya vimelwa vyamu mpanga mu manda aumi wako onsi.

Utandiko 3:18 ပူးပေါင်းရင်းမြစ်များ

Utandiko 3:17

Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Yobo 1:21

Alino avwanga ati, “Owe Mwe! Navilwe ukwaula nanti cimwi, nga nupya indafwa ukwaula nanti cimwi. Yawe aliwe wampile, nupya Yawe aliwe wapoka. Si Yawe sile wenga awino acindikwe!”

Yobo 31:40

Ndi cakuti vino nkuvwanga ivyaufi, ivilimwa vyamu calo kavilokote, nanti vipokwe, uleke insokolo na nkololwe avino vimele mwenemo. Baale kaipolwe, uleke nkololwe awino amele mwenemo.” Pakwene paa, ali pano amazwi yakwe Yobo yapelela.

Yobo 5:5

Antu ya nzala alio yalalya ni vilyo vyakwe, iyamutolela ni vyamu myunga kwene. Na antu ali nu lusala yamusampa ivyuma vyakwe.

Masamu 104:2

Wemo waya mu luswepo. Watangalalika ni yulu wi taalu,

Masamu 90:3

Wemo ukaswilizya umulawa uku lukungu uti nu kuti, “Swilila we, kuno wafumile!”

Mapinda 22:5

Umu nzila ya muntu mwipe mwaya imyunga ni nkose. Lelo wiyo uwatemwa umi wakwe, wene akafuntuka kuno vili.

Mapinda 24:31

Monsi sile nazanyile mwamela imyunga, na sensele ale wakula wakwe cimwi. Ni cimpinda ca mawe ala cawa mpiti.

Ezaya 32:13

Alino musakamale na pa myunga ino ilaakulila pamwi na yankololwe mu musili wa antu yane. Losyini amang'anda yonsi muno mukaikala antu nu luzango. Mulilisye mu musumba uno antu yakazevyamo.

Ezaya 5:6

Namaleka cisapilwe. Nemo nsikutungwilanga mwenemo nanti sile ukutukolela. Namaleka ukuti cimelelwe yankololo ni myunga. Namalesya ni mvula ukutonyelela mwenemo.”

Ezaya 7:23

“Mu wanda ulya ivyalo vyonsi ivisuma umwayanga amatingi imiti izimbi lyonga, nupya umwafumanga icuma ukulingana na siluva izimbi lyonga muli cila calo, vyonsi vilasapilwa ni myunga na kuli yankololwe aalamela mwenemo.

Ezaya 7:24

Antu yalautuka ukulyata mwenemo. Apa kwingila mwenemo suka yatiyaipangasya amalapwa ni nceto. Umu cumi, impanga yonsi ilalimba imyunga na yankololwe.

Yelemiya 12:13

Antu yane yatovya ingano, lelo yamazombola sile ivikona. Yaombesya apa maka, lelo yaicuzya sile. Apa mulandu ni cipyu cane ivyakulya vyakana.”

Yelemiya 4:3

Alino lyene Yawe anena antu amu Yuda na amu Yelusalemu ati, “Limini ivyalo vinu vino vitacili vilimwe. Mutezya ukukomela imbezu zinu mu myunga.

Mateo 13:7

Imbezu zimwi ziponela mu myunga. Lyene myunga ikula, izitotola, nazyo zitafukwile.

Loma 14:2

Muntu umwi akaelenganya vino angalya cilyo cili consi, lelo umuntu muze wino atali akome mu utailo akalya sile musalu.

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.

Yoswa 23:13

lyene mumanye nu kusininkizya ukuti Yawe Leza winu alata ukuzinga antu amu nko zi pa manso inu. Lelo yene yalaya wa viteyo ni nkose kunomuli. Nupya yalaya akalipe wakwe swepu pa matundu inu nanti wa myunga mu manso inu. Vii vyonsi vilamucitikila mpaka mukalowe pyu umu mpanga kwene ii isuma, ino Yawe Leza winu watamupeela.