Utandiko 3:17 - Amazwi Yakwe Leza 2013

¹⁷ Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

Utandiko 3:17 ပူးပေါင်းရင်းမြစ်များ

Utandiko 3:11

Leza amuuzya ati, “Uzye aweni uwali wakunena ukuti uli tupu?” “Uzye watulya iviseekwa vyaku muti uno namuinda ukulyako?”

Utandiko 3:18

Umusili ulakumezezya vikona ni myunga, nga nawe ulalya vimelwa vyamu mpanga mu manda aumi wako onsi.

Utandiko 3:6

Caleka umwanaci alola usuma wa muti ni viseekwa vyakweo vino vyalolekanga nu mulyo. Alino aelenganya usuma wa kuya na mano. Lyene atoola iviseekwa vimwi alya, nga atoola iviseekwa vimwi apeela iya nga nawe kwene alya.

Utandiko 5:29

Alino Lameki amutemela izina ati Nowa, ala akuti, “Ukufuma ku musili uno Yawe watipwizile, umwana wii alaleta upemwilo ukufuma ku milimo itu yonsi ikome.”

Utandiko 8:21

Lyene lino Yawe wanunsya umununko, nga umwisikulu avwanga ati, “Ntalatala ntipe insi nupya, pamulandu wa vicitwa vya muntu. Amelenganyo ya antu yaya ankota ukufuma ku civyalilwa. Ntalonona insi ni vyaumi vyonsi nupya, wakwe vino natincita.”

Yobo 14:1

“Umuntu wensi uwala wavyalwa ku mwanaci, umi wakwe pano nsi utaya utantalile. Lelo umi kwene uo, wavulisya amalanda.

Yobo 21:17

“Ale lelo uzye mukalola ilingi ukuti uluswepo lwa muntu mwipe lukazima? Nanti uzye caseeka uku umuntu mwipe ukuponelwa ni syamo? Nanti uzye mukatala imulola kuno Leza, mu ukali wakwe, wonona ivyuma vya muntu mwipe?

Masamu 127:2

Mukaicuzya sile ukuzyuka akatondotondo nu kucelwa apakuya umu kulala, pamulandu wakuculila ivyakulya. Pano Yawe akapeela kuli yayo yonsi yano watemwa, umu nsita lino yali umu tulo.

Kasambilizya 2:11

Lyene natandike kwelenganya pali vyonsi vino naomvile, alino nu kukailwa iyevu kuno nakailwe lino nkuomba ivintu vii, alino niiluka nga nzana ukuti vyonsi ivyasilesile. Cali kwati ukuzinganya umuza muno mutaya umuzano foo.

Kasambilizya 2:17

Fwandi umi wane utantumbwilile nanti cintu cimwi, pano vyonsi ivyacitikanga mutali umuzano, suka sile intazi. Umi wane wali uwasilesile. Nazinganyanga umuza.

Kasambilizya 5:17

Mu umi witu tukaikala mu kanda nu mu malanda, mu masakamiko, mu cipyu nu mu ndwala.

Mateo 22:12

Alino amuuzya ati, ‘Cuza, uzye wali wingila uli muno kwaula kuzwala vizwalo vya pa winga?’ Lelo umuntu atakweti cakuvwanga.

Mateo 25:45

Mwene alaasuka ati, ‘Cumi namunena, vino consi cino mwakanyile kucitila wenga munono uwamu antu yane, vivyo kwene mwakanyile kucitila nene.’

Luka 19:22

Mwene wakwe amunena ati, ‘We muomvi mwipe! Namakupingula pa mazwi yako! Wamanya vino nene muntu mutale, nkatola cino ntika nupya nkazombola pano ntakomile.

Yoane 16:33

Nati munena vintu vii pakuti muzane mutende munondi. Lino mucili mu nsi mulacula. Lelo posyini! Nemo nati ncimvya maka amu nsi ii.”

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Ayebulai 6:8

Lelo musili ndi wamezya myunga ni vikona wene ale utakweti mulimo nupya uli mu uzanzo wa kutipwa na Leza. Nga ulononwa ku moto.