Utandiko 3:10 - Amazwi Yakwe Leza 2013

¹⁰ Umonsi nawe aasuka ati, “Inuvwa mutinti wako mu calo, pali pakuvwa intete, nafisama pano indi tupu.”

Utandiko 3:10 ပူးပေါင်းရင်းမြစ်များ

Utandiko 2:25

Na onsi oili, umonsi nu muci wakwe yali tupu, lelo yatali ni nsonyi.

Utandiko 3:11

Leza amuuzya ati, “Uzye aweni uwali wakunena ukuti uli tupu?” “Uzye watulya iviseekwa vyaku muti uno namuinda ukulyako?”

Utandiko 3:7

Lilyo kwene lino yalya iviseekwa vyaku muti uwo, yapeelwa kumanya nga yiluka ukuti yali tupu. Acino yasuminkanya amafwa ya musamvu iyaindizya mu misana yao.

Yobo 23:15

Fwandi cico kwene ali mulandu kwene uno nkuvwila intete zyakuyatankamala panoli. Pasi pano ndi natandika ukwelenganya, ali lino ni ntete zikucilila mwenemo ukundema.

Yobo 31:33

“Nemo ntatala nafisa antu amaifyo yane. Ntatala namaninkizya imilandu yane umu mwenzo wane.

Masamu 119:120

Umwili wane ukuzakaza pamulandu wa koopa wewe, nemo indi ni ntete zya upinguzi wako.

Kufuma 20:18

Lino antu yonsi yuvwa kupangalansya, nu kulila kwa ntandala, yalola kumyansya kwa nkuwa ni cunsi pa mwamba, yazakaza ku ntete, yimilila kutali.

Kufuma 20:19

Yanena Mose yati, “Wewe ndi wavwanga kunotuli, tumakuvwa. Lelo tuli ni ntete ukuti ndi Leza wavwanga kunotuli, tungafwa.”

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 32:25

Mose alola ukuti Aaloni uwalenzile kuti antu yavulungane, pamulandu wakuti Aaloni wayalekelizye yasuka yamunenola na pa manso ya anisi yao.

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Ezaya 47:3

Ali pakuti antu yakulole tupu, ni nsonyi kazikuleme wakwe cimwi. Nemo nkulandula sile, nu wakundesya kusi.”

Ezaya 57:11

Aweni fwandi wino oopanga nu kuzakaza kunoli, apakuti wize unsangukile vikwene vii, ukane nu kunjiusya icakuti lyene watunjima ni ncende apakunjika, umu mwenzo wako? Uzye namanye umulandu wakuti nkutumile cele, icingalenga ukuti utangoopa?

Malango 5:25

Ale lyene pacani cino tungafwila? Umoto uu uwakoofya umatulovya, nga ndi tuvwa nupya izwi lyakwe Yawe Leza witu, ale tumafwa.

1 Yoane 3:20

Yakampingu itu ndi yatuvunuka, twamanya ukuti Leza wene umukulu kuluta yakampingu itu. Wene wamanya vintu vyonsi.

Umbwilo 16:15

“Uvwini! Nkwiza wa mwivi! Walongo awiyo wino akulola nu kucingilila vizwalo vyakwe pakuti atakapite tupu nu kuya ni nsonyi pa lwalala!”