Utandiko 24:3 - Amazwi Yakwe Leza 2013

³ Nkulonda ulape mwi zina lyakwe Yawe, Leza uwa mwiyulu na pano nsi, ukuti utalalondela umwana wane mukazyana wakutwala ukufuma mu mpanga ya Kenani, mukwene muno nkwikala.

Utandiko 24:3 ပူးပေါင်းရင်းမြစ်များ

Utandiko 14:19

Alino apolelela Abulamu, avwanga ati, “Leza wapapelapela uwaumvile insi ni yulu, apolelele Abulamu!

Utandiko 14:22

Abulamu aasuka ati, “Nkulapa pa manso yakwe Yawe, Leza wapapelapela kaumba wa nsi ni yulu,

Utandiko 21:23

Caleka laya nu mulapo pa manso yakwe Leza ukuti utalantumpika, nene nanti ana yane, nanti amu mupanda wane. Nemo indi uwakutailwa kunuli, caleka nawe kwene laya ukuti umayanga uwakutailwa kunondi nu ku mpanga yane kwene ino utenzimo wa mwinamasi.”

Utandiko 24:7

Yawe, Leza uwa mwiyulu, uwandesile kuno ukufuma kuli tata nu kufuma ku mpanga ya antu aluko lwane, wandaya nu mulapo ukuti alapeela impanga ino ku ana yane. Alatuma mungeli kunuli kuti akwazwe kulondela umwana wane umuci ukufuma kweneko.

Utandiko 27:46

Labeka anena Isaki ati, “Nemo caticimfulila nupya natonta na aci yakwe Esau ainamasi. Ndi cakuti na Yakobo kwene angatwala wenga uwamu ina Hiti, ale lyene cinganzipila ukufwa.”

Utandiko 28:1

Acino Isaki aama Yakobo nga amupolelela, alino amunena ati, “Utange utwale umwanaci mwina Kenani.

Utandiko 28:8

Lyene Esau asininkizya ukuti isi Isaki asilonda anaci amu Kenani.

Utandiko 34:9

Lekini tuye akuvwana mu kutwalizyanya, twatwala ana inu yakaci namwe mwatwala ana itu.

Utandiko 38:2

Kuku Yuda akuno yamanyana nu mwanaci mwina Kenani, amutwala. Isi wa mwanaci wali a Syuwa.

Utandiko 47:31

Lyene Yakobo anena Yosefu ati, “Lapa mulapo ukuti ulacita vii.” Alino Yosefu alapa mulapo, nga Yakobo ainama pa musanzi wakwe, ataizya.

Utandiko 50:25

Lyene Yosefu anena aina yakwe kuti yalape nu mulapo. Ayanena ati, “Lapini kunondi, ukuti lino Leza alamutungulula ku mpanga ilya, mulasenda amafupa yane ukufuma kuno.”

Utandiko 6:2

Lyene ana yakwe Leza aonsi yalola ukuti akazyana yaa yayazipila cuze. Pali pakutwala yano yatemwa.

Utandiko 6:4

Lyene mu manda yalya nu mu manda alondelela kwali vipombolo vya antu pano nsi, vivyo ivyavilwe ku anaci atwitwe ku ana yakwe Leza aonsi. Yene yali ali antu yamaka, alumbuke.

2 Yamwene 19:15

Lyene Hezekiya apepa kuli Yawe ati, “Iye, we Yawe, Leza waku Izlaeli, wemuno watekwa apapela yakwe yakelubi apa cilimba cako ica wene. Awewe sile wenga, wewe uli Leza nupya awewe sile wateeka insi yonsi nu wene onsi uwa pano nsi. Awewe waumba iyulu ni nsi.

2 Milandu 2:12

Nga Hilamu alundapo ukuvwanga ati, “Alumbanyiwe Yawe, Leza wa ina Izlaeli, kaumba uwiyulu ni nsi! Wapeela umwene Davidi umwanakwe uwa mano wiyo uwakwata amalango yakwiluka. Nupya fundi akweti amapange a kukuulila Yawe Ng'anda ikulu ni sano lyakwe umweneco.

Ezila 5:11

“Lelo yene yatwaswike iyati, ‘Sweswe aomvi yakwe Leza wi yulu ni nsi, nupya tukukuula cipya cipya Ng'anda ikulu yakwe Leza ino yakuuzilwe uku mpiti mu myaka yapita, ino mwene mukulu uwamu Izlaeli wakuuzile nu kuimalila.

Neemiya 13:25

Lyene mpazyanya nayo nu kuyatiipa nga numa yamwi nu kuyanyunkula inyele. Nga njanena kuti yacite umulapo mwi zina lyakwe Leza inti, “Mutakezye ukutwalizya ana inu anaci ku onsi ainamasi, nga ana inu aonsi kumwi namwe kwene mutakezye kutwala anaci ainamasi.

Neemiya 9:6

Lyene aina Izlaeli yapepa ipepo lii: “Awewe wenga mpo, wewe uli Yawe. Awewe waumvile iyulu pamwi ni ntanda izyaya mwenemo. Awewe waumvile insi pamwi na vyonsi vino vyaya mwenemo. Awewe waumvile Yemba pamwi na vyonsi vino vyaya mwenemo. Awewe ukapeela umi kuli vyonsi, nga ni vya maka vya mwiyulu vikaoopa wewe nu kukufukamila.

Masamu 115:15

Yawe sangala amupolelele, wiyo uwaumvile iyulu ni nsi!

Masamu 136:26

Taizini Leza wa mwiyulu, pano luse lwakwe ulwa pe na pee.

Kufuma 20:7

“Utalumbula izina lyakwe Yawe Leza wako mu mwata wipe. Pano Nene, ne Yawe Leza wako, ndavunuka ali wensi akalumbula izina lyane mu mwata wipe.

Kufuma 22:11

umuntu wiyo alinzile kulapa mwi zina lyane ne Yawe pamwi ndi kambone wakwe ukuti wene atiya citeekwa ca muntu muze. Lyene umweneco wa citeekwa alinzile kuzumila ukuti citeekwa caticiponga, nga muze atalinzile kumulipila cuze cakupyanikizya.

Kufuma 23:13

Muvwikisye vyonsi vii vino namunena. Mutapepa tuleza tuze, mutalumbula na mazina yatuko.

Kufuma 34:16

Nupya limwi ana inu aonsi yangatwala ana yao anaci, nga nayo yangalenga kuti yamfutatile nu kupepa tuluwi twao.

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Ezaya 48:1

Uvwini kuno mwe ang'anda yakwe Yakobo, mwemuno mukaamilwa kwi zina lyakwe Izlaeli, mwe amu mupanda wakwe Yuda. Mwemuno mukalapa mwi zina lyakwe Yawe, nu kwama Leza wakwe Izlaeli ukwaula ufumacumi nu wololoke.

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 10:11

Mwe antu fwandi muyanene ukuti tuleza ututaumvile iyulu nanti insi, tulalowa. Tutalatala tuvwike muno nsi awe.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 29:6

Twalanini muvyale ana yakalume na yakaci. Mulondele ana yinu aci yampomvu, apakuti yakavyalemo ana aonsi na anaci, muce musanduluke kuko kwene mutakacepe foo.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Aina Levi 19:12

Mutalapa ufi mwi zina lyane. Cico cikaleta muzewanya pi zina lyane. Nene Yawe Leza winu.

Zefaniya 1:5

Ndonona yayo akakwela apa mapaala yao nu kupepa ilanzi, umwezi ni ntanda, yayo akati yakapepa Yawe nu kulapa umwi zina lyakwe, lino yene yakulapa mwi zina lyakwe Moleki.

Mpendwa 5:21

pa pene simapepo alinzile anene umwanaci wiyo kuzumila mulapo uu avwange kunoli ati, “Si Yawe aleke antu yako yakutipe nupya aleke uzewane pakuleka ivyanzwalo vyako vinyaluluke ni ila lya uvyazi wako lifupame, nga ni ndilwa yako ivimbe.

1 Kolinto 7:39

Mwanaci wino watwalwa wene asi nu untungwa wa kutwalwa lino iya acili nu umi. Lelo ndi iya wafwa, lyene ala waya nu untungwa wakutwalwa ku monsi wensi wino akulonda, cikulu sile ale umonsi wiyo umwina Klistu.

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Ayebulai 6:16

Lino umuntu akalaya nu mulapo, wene akaomvya zina lyakwe umwi mukulu kuluta aliwe, nu mulapo ukamala vikanza vyonsi.

Yoswa 2:12

Caleka, ndakai lapini kunondi mwi zina lyakwe Leza ukuti muli nu kulanga uluse ku ang'anda yane wakwe vino nemo namucitile. Mumpeele ni cimanyililo icakusininkizizya

Yakapingula 14:3

Lelo akwasi yakwe iyamukanya yati, “Uzye mu akazi kako nu mu antu yako mutange muzanwe umukazyana wino ungatwala? Uzye pacani cino ungaya ku kutwala umwanaci uwamu ina Filisti yano yatasilamulwa?” Lelo Samusoni anena isi ati, “Ndetelini wiyo kwene, pano ali wino ntemilwe sana.”

1 Samueli 20:17

Nupya kwene Yonatani alenga Davidi ukulaya nu mulapo kuti amamutemwanga, pamulandu wakuti Yonatani watemilwe Davidi wakwe vino waitemilwe umwisikulu.

1 Samueli 30:15

Alino Davidi amuuzya ati, “Uzye ungantungulula ku azanzi yalya?” Umuntu wilya nawe aasuka ati, “Endi, namamutungulula! Cikulu sile ndi walapa ukuti usyakunkoma, nupya usikuya ukansye ku musambazi wane.”