Utandiko 24:12 - Amazwi Yakwe Leza 2013

¹² Alino apepa ati, “We Yawe, Leza wakwe Abulaamu umusambazi wane, ilelo fikilizya ulayo wako ku musambazi wane.

Utandiko 24:12 ပူးပေါင်းရင်းမြစ်များ

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 24:21

Muomvi wakwe Abulaamu ala akumulolekesya cimyamya kuti alole ndi Yawe watamupeela cino walondanga.

Utandiko 24:27

Avwanga ati, “Lumbanyini Yawe, Leza wa musambazi wane Abulaamu, wino watafikilizya ulayo wakwe nu utailo ukulu. Leza watantungulula ku ng'anda ya mwina wa musambazi wane.”

Utandiko 24:42

“Lino nalinafika pa cifula ilelo, nalinapepa nati, ‘We Yawe, Leza wa musambazi wane Abulaamu, napapata ngazwe kuti nzane cino nkulonda mu ulendo wane.

Utandiko 24:48

Lyene imfukama pansi nu kupepa kuli Yawe. Indumbanya Yawe, Leza wakwe Abulaamu umusambazi wane wino watantungulula ningo ku ng'anda ya mwina wakwe, kuno niza nazana umwizikulu wa mwina wakuti akaye ali muci wa mwana wa musambazi wane.

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 27:10

Wize utwale kuli so kuti alye, nga akupolelele lino atacili afwe.”

Utandiko 27:20

Isaki auzya umwana wakwe umonsi ati, “Uzye waya wakoma zuwa uli nyama, we mwanane?” Yakobo aasuka ati, “Yawe, Mwene Leza wako wali wampela.”

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 31:42

Ndi Leza wakwe tata, Leza wakwe Abulaamu na Isaki atali nani, nga wanzinga mpita minwe. Lelo Leza walola ucuzi wane ni ntazi yapa ncito ino naomba. Caleka usiku wilelo wali wakuvunuka pa uyi wako.”

Utandiko 32:10

Luse lwako ni cumi cino walanga kunondi vitandinzile ne muzya wako. Pakwiza nalamvile Luzi lwa Yodani ni ntuwa itupu, lelo ndakai nawela na maumba yaili.

Utandiko 32:9

Yakobo apepa ati, “Leza wakwe kuku Abulaamu na Leza wakwe tata Isaki! Owe Mwene! Wemuno wanenyile uti, ‘Pita swilila ku mpanga yakumwinu nu ku aluko lwako, nani ndalenga kuti vintu vyonsi vikuzipile.’

Utandiko 43:14

Si Leza Wamaka yonsi angalenga umuntu wiyo akaye na mizu panomuli, pakuti akamuwezezye munyonko wino wasyala pamwi na Benjamini. Lyene nemo ndi ukufwilwa kwa ana, kaciye vivyo kwene usi mulandu.”

1 Yamwene 18:36

Alino amanguzi, pa nsita ino yakapeelelapo impolelwa, kasema Eliya apalama atandika nu kupepa ati, “We Yawe Leza wakwe Abulaamu, na wakwe Isaki, na wakwe Izlaeli, sungaleka ukuti antu yaa yasininkizye ukuti wewe uli Leza mu mpanga ya Izlaeli. Alino nu kuti nene nenga ndi kasema wako nu kuti natincita vii vyonsi api lamulo lyako.

2 Yamwene 2:14

Lyene atoola ikoti lyakwe Eliya nga auma pa manzi nalyo, auzya ati, “Uzye Yawe, Leza wakwe Eliya ali kwi?” Lino uma pa manzi, amanzi yalepuka paili, yamwi yaya kwilunji na yamwi kwimani, nga Elisya alamba.

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Neemiya 2:4

Umwene ali pakunguzya ati, “Icani fwandi cino wemo ukulonda?” Lyene intala impepa kuli Leza wa kwiyulu,

Masamu 118:25

We Yawe, sungala ututuule! We Yawe, si leka tuye nu longo.

Masamu 122:6

Pepini kuti mu Yelusalemu muye umutende, mule muti, “Lekini antu yayo akutemwa we Yelusalemu yaye nu longo.

Masamu 127:1

Yawe ndi cakuti aliwe asikukuula ing'anda, ala yakakuula yakwalangana sile. Yawe ndi cakuti asikulinda umusumba, ala yakalinda yakuicuzya sile.

Masamu 37:5

Sekezya amikalo yako kuli Yawe, umutaile nawe alakwazwa.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Mapinda 3:6

Waiusya Yawe muli vyonsi vino ukucita, nga nawe amakulanganga muno ungacitila pe.

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Filipi 4:6

Mutasakamikwa pa cintu cili consi, lelo pepini pamulandu wa vintu vyonsi, mule mukulenga Leza nu kutaizya mu myenzo.