Utandiko 23:2 - Amazwi Yakwe Leza 2013

² Wafwilile ku Kilyati Aliba (kuli kuti Hebuloni) mu mpanga ya Kenani. Lyene Abulaamu aingila mu ndosya nu kulila impoma.

Utandiko 23:2 ပူးပေါင်းရင်းမြစ်များ

Utandiko 13:18

Caleka Abulamu asama, aya aikala pipi ni miti yamuzilo ya Mamule ku Hebuloni, kuno wakuulile Yawe kavuwa.

Utandiko 23:1

Sala watenzi imyaka umwanda onga na makumi yaili na cinimbali.

Utandiko 23:19

Lyene Abulaamu azika umuci Sala mwi cele lilya mu musonso uwaku Makipela lwaku ufumondaka wakwe Mamule (uwaya mu Hebuloni) mu mpanga ya Kenani.

Utandiko 24:67

Lyene Isaki asenda Labeka ukwi taalu ilyali ilyakwe nyina Sala, nga amutwala aya umuci wakwe. Isaki atemwa Labeka cuze cakuti atekeziwa na pa ulanda wa kufwilwa nyina.

Utandiko 27:41

Esau apata Yakobo pamulandu wakuti isi wamupolelile, nga aelenganya ati, “Insita yakulosya tata yatipalama pipi. Lino insita ya kulosya ilasila, ndakoma Yakobo.”

Utandiko 35:27

Yakobo wawezile kuli isi ku Mamule, pipi nu ku Kilyati Aliba (kuli kuti, Hebuloni), kuno Abulaamu na Isaki yatenzi ku mpiti.

Utandiko 37:14

Izlaeli amunena ati, “Pita kapempule anyonko ukayuzye mutende wao nu wa viteekwa, nga wize unene.” Caleka Izlaeli atuma Yosefu umwana wakwe ukufuma mu cifoloma ca Hebuloni. Yosefu afika ku Syekemu,

Utandiko 50:1

Lyene Yosefu ainama inkolelo nu kukumbatila isi, nga alosya nu kutonsola pa mpumi ya cala.

Utandiko 50:10

Lino yafika pa lwano lwakupuulila ingano ku cifulo ca Atadi, ku ufumondaka wakwe Yodani yalosya nu kupoma cuze pa nsita itali kulingana nu lutambi. Pa manda cinimbali Yosefu ala akucita ntambi zya ndosya pa Atadi.

2 Samueli 1:12

Iyacula sana nu kulosya, cakuti yatalile icakulya mpaka na manguzi sana, pamulandu wakwe Saulo na Yonatani ni vita vyakwe Yawe nga na ina Izlaeli yonsi yano yakomilwe.

2 Samueli 1:17

Alino lyene Davidi watulwile impoma, atandika nu kulosya Saulo na Yonatani.

2 Samueli 2:11

Utali wa nsita ino Davidi wateesile umutundu wakwe Yuda umu Hebuloni cali imyaka cinimbali ni myezi mutanda.

2 Samueli 5:3

Ali vino aikolo amu Izlaeli yaile ku mwene Davidi ku Hebuloni, nga umwene apangana nayo kuku kwene pa manso yakwe Yawe. Alino iyapaka Davidi amafuta iyamulasika uwene wa Izlaeli.

2 Samueli 5:5

Wene wateesile umu Hebuloni umu mpanga yakwe Yuda imyaka cinimbali ni myezi mutanda. Alino umu Yelusalemu namo wateesile imyaka amakumi yatatu na itatu.

1 Milandu 6:57

Acino amu mupanda wakwe Aaloni yapilwe umusumba wa Hebuloni, uwa kuzina mwenemo, nga ni misumba ya Libina, Yatili, Esyitemoa,

2 Milandu 35:25

Kasema Yelemiya wasisile ulwimbo lwa ndosya ulwakulosezya Yosiya. Lulo luno yakiimba ya nyimbo aonsi na anaci yakaimba ukufika uwanda wilelo umu mpoma zyao umu kulosya Yosiya. Uo uli mwata wa ina Izlaeli, nu lwimbo lulo lukazanwa umu lupapulo lwa ndosya.

Neemiya 11:25

Antu yamwi amu mutundu wakwe Yuda yikalanga uku Kilyati Aliba ni mizi yakweo, uku Diboni ni mizi yakweo, ku Yekabuzeeli ni mizi yakweo.

Yelemiya 22:10

Mwe antu amu Yuda mutalilila umwene Yoaazi. Mutalilila imfwa yakwe. Lelo lililini Yoaazi, wino yakusenda ku uzya, pamulandu wakuti wene atalatala awele, nu kwiza lola impanga muno wavyalilwe.

Yelemiya 22:18

Caleka Yawe wavwanga apamulandu wakwe Yosiya umwana umonsi wakwe Yeoyakimu, umwene waku Yuda, ati, “Kusi nanti umwi alamulosya, ‘Silolini vino caipa wakwe cimwi mwe yacuza yane!’ Kusi nanti umwi alamulila ati, ‘Mwene wane! Musambazi wane!’

Mpendwa 13:22

Yapuzinkanya ukuya pita ku Negebu nu kwizafika ku Hebuloni, ukwikalanga Aiimani, Syesyai, na Talimai, amu mupanda wakwe Anaki. (Musumba wa Hebuloni wakuzilwe imyaka cinimbali lino umusumba wa Zoani uwamu Eguputo utali ukuulwe.)

Mpendwa 20:29

Lino iuvi lyonsi lyalola ukuti icacumi Aaloni watafwa, aina Izlaeli yonsi iyamulosya pa manda amakumi yatatu.

Yoane 11:31

Lyene Ayuda yano ali mu ng'anda pamwi na Maliya, ala yakumutekezya, lino yalola vino Maliya wakatuka wacincila nu kufuma, yamulondela. Yene yelenganya vino waya kwi lindi kukulosya.

Yoane 11:35

Yesu alila.

Milimo 8:2

Antu yamwi aoopanga Leza yazika Sitivini, yamulosya cuze.

Malango 34:8

Aina Izlaeli yamulosizye amanda amakumi yatatu mu manyika aku Moabu.

Yoswa 10:39

Iyapokolola umusumba, nu mwene nga ni mizi yakweo, nga iyakomola aikazi ya mwenemo. Yatasile umuntu nanti umwi umupuma. Yacitile umusumba wa Debili nu mwene wauko wakwe vino yacitile umusumba wa Hebuloni nu wa Libina nu mwene wauko.

Yoswa 15:13

Ukulingana ni lamulo lino Yawe wamupile, Yoswa apeela Kalebu umwana wakwe Yefune icipande ca mpanga mukasi ka mpanga yamu mutundu wakwe Yuda. Amupeela Kilyati Aliba, kuli kuti Hebuloni. (Aliba wali icikolwe cakwe Anaki.)

Yoswa 15:54

Humata, Kilyati Aliba (kuli kuti, Hebuloni) nga na Zioli. Yonsi pamwi yali imisumba fundimbali ni mizi yakweyo.

Yoswa 20:7

Acino iyapaatula umusumba wa Kedesyi mu Galile mu mpanga ya myamba yakwe Nafutali, nu musumba wa Syekemu mu mpanga ya myamba yakwe Efulemu, nga na Kilyati Aliba (kuli kuti Hebuloni) mu mpanga ya myamba yakwe Yuda.

Yoswa 21:11

Yene yapilwe umusumba wa Kilyati Aliba (kuli kuti, Hebuloni), kumwi na manyika yakweo ukuzinguluka, mu mpanga ya myamba yakwe Yuda. (Aliba wali icikolwe cakwe Anaki.)

Yakapingula 1:10

Nupya iyaya iyalwisya aina Kenani aikalanga mu musumba wa Hebuloni uno yamanga yati Kilyati Aliba. Kuku akuno yacimvizye inko zyakwe Syesyai, Aiimani na Talimai.

1 Samueli 20:31

Uzye utamanyile ukuti lino umwana wakwe Yese acili nu umi pa mpanga ya pano pansi, wemo utalatala uye umwene wa mpanga ii? Acino pita ukamulete kunondi, pano wene alinzile ukufwa.”

1 Samueli 25:1

Samueli afwa, nga aina Izlaeli yonsi iyakongana ku kumulosya. Yamuzisile apakwe kwene ku Lama. Alino Davidi atentemukila ku lwanga lwa Maoni. Pacisila cakwe vii, Davidi atentemukila ku Lwanga lwa Palani.

1 Samueli 28:3

Pa nsita ilya walanga Samueli wafwa, na ina Izlaeli yonsi yamulosizye nga iyamuzika umu Lama, umusumba wa kumwao. Saulo wazinzile yancimya na yakasapoola yonsi umu mpanga ya Izlaeli.