Utandiko 22:9 - Amazwi Yakwe Leza 2013

⁹ Lino yafika pa cifulo cino Mwene Leza wamunenyile, Abulaamu akuula kavuwa alonga ni nkwi papela. Anyepa Isaki umwana wakwe umonsi nga amulambalalika pa kavuwa, alino amwika papela pa nkwi.

Utandiko 22:9 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 12:8

Nga Abulamu afumapo alungama ku kaeya ka Betele ku mpanga ya myamba, aya aimika itaalu pakasi, Betele ku uwondaka na Ai nawe ku ufumondaka. Kuku akuno akuulila Yawe kavuwa nga amupepa.

Utandiko 13:18

Caleka Abulamu asama, aya aikala pipi ni miti yamuzilo ya Mamule ku Hebuloni, kuno wakuulile Yawe kavuwa.

Utandiko 22:10

Atoola nu mwele azunzula ni kasa kuti amukome.

Utandiko 22:8

Abulaamu aasuka ati, “Leza umwisikulu amapeela umwana wa mfwele uwa kupeela wa wila wakoca.” Awe yatwalilila ukupita.

Utandiko 8:20

Lyene Nowa akuulila Yawe kavuwa nga atoola conga ca musango onsi wa nyama ni vyunyi visangululwe avipela impolelwa ya mawila yakoca pa kavuwa.

1 Yamwene 18:33

Alino aika ni nkwi pa kavuwa, aputola cipambasi wenga wilya mu vipimfya nga amwika papela apa nkwi. Lyene anena antu ati, “Tapilizini amanzi mu nsembo zini zikulu, nga mwitile papela ya kavuwa napa nkwi kwene pakuti zitipate.”

Masamu 118:27

Yawe ali Leza, aliwe watulanga ni vyakucita. Lemini imisambo ya miti umu minwe, tutandike ukumuzengela, twapita ale tukuzinguluka kavuwa kakocelapo impolelwa.

Mateo 27:2

Alino yamunyepa yamusenda, nu kumupeela kuli Pilato uwali mulasi.

Mako 15:1

Lyene katondo, yasimapepo akalamba, aikolo Ayuda, yakasambilizya ya Masunde, pamwi ni nkombe zya mwi Tengo zyonsi, yakongana, yalanzyanya vya kucita. Alino yamunyepa, yamusenda nu kumupeela kuli Pilato.

Milimo 8:32

Iciputulwa ca malembelo pano wawelenganga cikati, “Wakoline wa mfwele iyasenzilwe ku kukomwa, wa kana ka mfwele akasiikavya lino yakukasenya amavumbu. Avino atamamwile mulomo.

Galatiya 3:13

Lelo Klistu watukulula ku citipu ca Masunde, lino umwisikulu waipile kuya citipu mu cifulo citu. Pano calembwa mu malembelo cati, “Wiyo wensi uwatanwa pa cimuti ala citipu cakwe Leza cili panoli.”

Efeso 5:2

Lekini umi winu watungululwa nu kutemwa, wakwe vino Klistu watutemilwe nu kupeela umi wakwe pamulandu witu, kuti uye mununko usuma uwa mpolelwa ino ikazanzya Leza.

Ayebulai 9:28

Mu musango uli onga Klistu wapilwe kuya impolelwa yakufumya maifyo ya antu aingi. Wene alaloleka iila lyakwe ciili, asi ku kufumya maifyo, lelo ukwiza tuula yao akumulolela.

Yakobo 2:21

Uzye Abulaamu cikolwe citu wacisilwe uli mololoke pa manso yakwe Leza? Cali umu milimo yakwe isuma lino wene wapile Isaki mwana wakwe impolelwa pa kavuwa.

1 Petulo 2:24

Klistu umwisikulu wasenzile cisendo ca maifyo itu mu mwili wakwe. Wene watanyilwe pa lupanda pakuti swemo tute ukwifya tutandike kucita vyawololoke. Vitotwa ni vyumo vyakwe ivikatupozya.