Utandiko 22:3 - Amazwi Yakwe Leza 2013

³ Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

Utandiko 22:3 ပူးပေါင်းရင်းမြစ်များ

Utandiko 17:23

Ukufuma uwanda kwene ulya Abulaamu wasilamwile Isumeli umwana wakwe umonsi, na azya yonsi yano avyalilwe mu ng'anda yakwe na yano wakazile, nu mwana wensi umonsi mu ng'anda yakwe ndi vino Leza wamunenyile ukucita.

Utandiko 21:14

Lino waca katondo Abulaamu apeela Haga ivyakulya nu lufinga luzile amanzi, amutwika nu kumupapika umwana, nga amuzinga. Alino Haga apita afuma akululumba mu Lwanga lwa Belisyeba.

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Utandiko 22:2

Leza avwanga kunoli ati, “Tola umwana wako umonsi, umwana wako umonsi wenga sile Isaki wino watemwa, uye ku mpanga ya Moliya. Na kukwa akuno uye ukamumpeele impolelwa wa wila wakoca pa mwamba onga uno ndakulanga.”

Utandiko 22:4

Mu wanda uwalenga yatatu Abulaamu alola katalamukila cifulo cino yamulanzile.

Masamu 119:60

Ukwaula nu kuzingota, nakalauka ukulondela amalamulo yako.

Kasambilizya 9:10

Uwaombesya muli vyonsi vino ukucita, pano kuzimo kutalaya vicitwa, kutalaya amelenganyo, kutalaya kumanya, kutalaya amano, nga kuko akuno ukuya.

Mateo 10:37

Wino wensi uwatemwa isi na nyina kuluta nene wene ataine kuya mulondezi wane. Na wino wensi uwatemwa umwana umonsi nanti kaci kuluta nene, wene ataine kuya mulondezi wane.

Luka 14:26

“Wensi angiza kunondi atangaya mulondezi wane suka ndi wantemwa kuluta vino watemwa isi na nyina, nu muci na ana yakwe, aina aonsi, na yakaci yakwe, na vino watemwa umi wakwe kwene.

Galatiya 1:16

Wasokolwile Mwana wakwe kunondi, pakuti ningakosola Ilandwe Lisuma lya pali aliwe ku Akulukuwa, nemo ntaile ku muntu ali wensi kuti ampande mano,

Ayebulai 11:8

Utailo uwalenzile kuti Abulaamu ayele Leza lino wamwamile kuti afume kumwao, aye ku mpanga ino Leza wamulavile kumupeela. Wene wasile mpanga ya kumwao kwaula kumanya kuno wayanga.

Yoswa 3:1

Katondotondo Yoswa na Ina Izlaeli yonsi iyatenuka ukufuma ku Syitimu nga iyaya ku Yodani, kuno yakuuzile insakwe lino yatacili yalambe.

Yoswa 8:10

Katondotondo uwanda uwalondelilepo Yoswa akonganika antu yakwe, nga aliwe pamwi ni ntunguluzi zya ina Izlaeli iyayatungulula iyaya ku Ai.