Utandiko 22:2 - Amazwi Yakwe Leza 2013

² Leza avwanga kunoli ati, “Tola umwana wako umonsi, umwana wako umonsi wenga sile Isaki wino watemwa, uye ku mpanga ya Moliya. Na kukwa akuno uye ukamumpeele impolelwa wa wila wakoca pa mwamba onga uno ndakulanga.”

Utandiko 22:2 ပူးပေါင်းရင်းမြစ်များ

Utandiko 17:19

Leza amunena ati, “Awe cisi vivyo. Lelo umuci wako Sala alakuvyalila umwana umonsi nga nawe ulamutemela izina Isaki. Ndafikilizya upangano wane na aliwe nga na amu mupanda wakwe amanda pe. Upangano uu ulaya uwa manda pe ku ana yakwe alalondelapo.

Utandiko 21:12

Nga Leza anena Abulaamu ati, “Utasakamikwa pa mwana na pa muzya wako Haga. Cita consi cino Sala wakunena ukucita, pano muli Isaki amuno ulakwatila ana yano nakulaya.

Utandiko 21:3

Abulaamu amutemela izina ati Isaki.

Utandiko 22:12

Alino mungeli ati, “Utezya ukukoma mulumendo nanti ukucita icili consi kunoli. Lyene nimanya ukuti wemo ukacindika nu kuyela Leza, pano utanjimile umwana wako umonsi uwaya sile wenga.”

Utandiko 22:16

nga amunena ati, “Ivyalanda ne Yawe: Nalaya umwi zina lyane ukuti ndakupolelela cuze, pano wazumila ukupeela kunondi umwana wako umonsi ali sile wenga.

Utandiko 22:3

Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

Utandiko 22:9

Lino yafika pa cifulo cino Mwene Leza wamunenyile, Abulaamu akuula kavuwa alonga ni nkwi papela. Anyepa Isaki umwana wakwe umonsi nga amulambalalika pa kavuwa, alino amwika papela pa nkwi.

Utandiko 8:20

Lyene Nowa akuulila Yawe kavuwa nga atoola conga ca musango onsi wa nyama ni vyunyi visangululwe avipela impolelwa ya mawila yakoca pa kavuwa.

2 Yamwene 3:27

Wasuka watola umwana wakwe uwiyeli, uwali nu kupyana apa wene. Ali wino wamupeela impolelwa kuli kaleza ka ina Moabu, apapela yi linga lya musumba ulya. Aina Izlaeli apakulola cico, iyuvwa intete, nga yatandika ukwelenganya ukuti kaleza kao akaluwi limwi kangacita penepo cimwi. Fwandi lyene ali vino yafumile ku musumba, yaswilila nu kumwao ku mpanga kuno yafumile.

2 Milandu 3:1

Lyene Solomoni atandika ku kuula Ng'anda ikulu yakwe Yawe apa Mwamba wa Moliya uku Yelusalemu, papa kwene pano Yawe walolekile umwene Davidi isi wakwe Solomoni. Davidi wateinye incende iyo mpiti. Ali ncende kwene apayelile ulwano lwa kupuulila lwakwe Alauna umwina Yebusi.

Mika 6:7

Uzye Yawe alazangila muli yasuuku amazimbi, nu mu nguzi izisikama zya mafuta ya miolivi? Uzye ningapela iyeli lyane kuti nkululwe uku maifyo yane? Uzye umwana wane angaya impolelwa yakulipila apa maifyo yane?

Yoane 3:16

Pano acino Leza watemilwe amu nsi nga apeela Mwana wakwe wino uwavilwe wenga, kuti wensi wino wataila munoli atakalowe, lelo aye nu umi wape.

Loma 5:8

Lelo Leza watulanga vino watutemwa, pano lino twali tucili yakaifya Klistu watufwilile.

Loma 8:32

Cumi Leza atakanyizye kufima Mwana wakwe, lelo wamupile pamulandu witu swensi! Vino wene watupile Mwana wakwe, uzye lyene atalatupela vintu vyonsi uwila?

Ayebulai 11:17

Utailo uwalenzile kuti Abulaamu apeele Isaki mwana wakwe kuya impolelwa. Cii cacitike lino Leza wezizye Abulaamu. Abulaamu awino Leza walavile, lelo wene waiteinye kupeela mwana wakwe wenga sile aye impolelwa.

Yakapingula 11:31

ale iciumbwa icili consi cino cilatandika ku nkomenkanya lino ndawela ku kucimvya aina Amoni cilaya icakwe Yawe, nupya cili cino ndapeela wa wila wakoca kunoli.”

Yakapingula 11:39

Pacisila ca myezi iili, awela kuli isi nga nawe amucitila wakwe vino walafile nu mulapo. Wene wali umukazyana atatala wamanya umonsi. Ukwafuma nu lutambi lwa ina Izlaeli