Utandiko 22:18 - Amazwi Yakwe Leza 2013

¹⁸ Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

Utandiko 22:18 ပူးပေါင်းရင်းမြစ်များ

Utandiko 12:2

Ndakupeela ana avule, nga amu mupanda wako yalavula yaye umutundu ukalamba cuze. Indi nu kukupolelela muli vyonsi nu kulenga kuti ulumbuke, na kuti nce mpolelele antu yauze mu musango uli onga.

Utandiko 12:3

Ndapolelela yao alakupolelela. Lelo ndatipwila yao alakutipwila. Munuli ndapolelela inko zyonsi.”

Utandiko 18:18

Amu mupanda wakwe yalaya uluko lukulu nupya ulwa maka, ni mitundu yonsi yamu nsi ilanguzya kuti njipolelele ndi vino namupolelela.

Utandiko 18:19

Namusolola kuti nawe angapeela isunde ku ana yakwe pamwi na amu mupanda wakwe kuti yayela nene, yacita vyawololoke ni vyaulungami. Ndi avino yangaya, lyene ndamucitila vyonsi vino namulaya.”

Utandiko 22:10

Atoola nu mwele azunzula ni kasa kuti amukome.

Utandiko 22:3

Uca katondo Abulaamu aputola inkwi zya kocela uwila nga azinyepa pali punda. Asenda Isaki na aomvi yaili nga iyatenuka iyaya ku cifulo cino Leza wamunenyile.

Utandiko 28:14

Ndalenga kuti ana yako yavule wa musensenga uwamu nkumba yakwe Yemba. Ana amu mupanda wako yalasalangana ukuya mu ntunga zyonsi izya nsi. Kupitila munuli nu mu amu mupanda wako indapolelela antu amu nko zyonsi.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Kufuma 7:6

Mose na Aaloni iyacita wakwe vino Yawe wapeezile ilamulo kunoyali.

Yelemiya 4:2

Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Mateo 1:1

Kuu kuli kulondolola kwa mupanda wa vikolwe vyakwe Yesu Klistu, mwana wakwe Davidi, mwana wakwe Abulaamu.

Milimo 3:25

Malayo yakwe Leza ukupitila muli yakasema yakwe yene akwe mwemwe, nga namwe mwemwe mpyanyi zya upangano uno Leza wapangine ni vikolwe vinu. Wakwe vino wanenyile Abulaamu ati, ‘Mu mupanda wako amuno inko zyonsi zilapolelelwa.’

Loma 1:3

Lyene ilya pali Yesu Klistu Mwene witu, Mwana wakwe Leza! Muli u muntu wakwe, wene wavilwe mu mupanda wakwe Davidi.

Galatiya 3:16

Vii avino cili ku malayo yano Leza wacisile kuli Abulaamu ni cizikulula cakwe, vino malembelo yakati malayo yatapilwe ku “Vizikulula ivingi,” lelo “Ku cizikulula,” kuli kuti wenga, na wiyo a Klistu.

Galatiya 3:18

Pano ndi tukuyela Masunde pakuti tupokelele upolelelo wakwe Leza, lyene ale mu cumi upolelelo uwo utakupelwa kunotuli pamulandu wa ulayo wakwe Leza. Lelo cali apamulandu wa ulayo wakwe acino Leza wapile upolelelo kuli Abulaamu.

Efeso 1:3

Lekini tutaizye Leza nupya Isi wa Mwene witu Yesu Klistu! Pano muli Klistu amuno wene watupolelela pa kutupela upolelelo onsi uwa mupasi kufuma mwiyulu.

1 Samueli 2:30

Nene kwene ne Yawe, Leza wa ina Izlaeli nalavile ku mpiti ukuti ang'anda yako na aluko lwako yalizile kuntumikila wakwe yasimapepo amanda pe. Lelo ndakai inkuti citangaya vivyo! Indi nu kucindamika yao akancindika. Nu kusuula yao akansuula.