Utandiko 22:14 - Amazwi Yakwe Leza 2013

¹⁴ Abulaamu atemela cifulo cici izina ati, “Kapeela a Yawe.” Caleka kufika na pilelo kwene antu yakati, “Pa mwamba wakwe Yawe apano cilapelwa.”

Utandiko 22:14 ပူးပေါင်းရင်းမြစ်များ

Utandiko 22:13

Abulaamu alwenga nga alola suuku watalemya impembe mu cimpuza. Lyene aya amutola awino afyula, nga apeela wa wila wakoca mucifulo ca mwana wakwe.

Utandiko 22:15

Mungeli wakwe Yawe aama Abulaamu iila lyakwe ciili ukufuma umwiyulu

Utandiko 22:8

Abulaamu aasuka ati, “Leza umwisikulu amapeela umwana wa mfwele uwa kupeela wa wila wakoca.” Awe yatwalilila ukupita.

Utandiko 28:19

Atemela cifulo cici izina ati Betele. (Lelo umusumba ulya mpiti wamwangwa ukuti Luzi.)

Utandiko 32:30

Yakobo avwanga ati, “Nalola Leza na manso ntontonto kwaula ukufwa.” Acino atemela cifulo cici izina ati Peniwele.

1 Yamwene 17:8

Nupya Yawe anena Eliya ati,

Kufuma 17:15

Lyene Mose akuula kavuwa nu kukatemela izina ati, “Yawe ali luunga lwane.”

Ezekelo 48:35

Umusumba onsi kuzinguluka wali amamita 9,000 konsi konsi, nu kufuma wanda kwene ulya izina lya musumba lilaamwa ndi vino “Mwene ali Pano!”

Mika 4:10

Mwalu kwaseela nu kunyunguluka, mwe antu aku Yelusalemu, wa mwanaci wino ali pipi nu kulela. Pano ndakai mulinzile ukufuma mu musumba uo, kuti mukikale mu mitanda. Mulasendwa nu kuya ku Babiloni. Lelo kuku kwene Yawe alamukulula ku anisi inu.

Yoane 1:14

Izwi wiya wizile aya umuntu, wino uwa zuziwemo cikuku nga ni cumi, nupya wizile aikala pamwi naswe. Twaweni lulumbi lwakwe lwakuya Mwana wenga sile kufuma kuli Leza Tata.

Malango 32:36

Yawe alakulula antu yakwe lino alalola ukuti amaka yao yasila. Alaya na mizu kuli yao akamutumikila, lino walola ukuti awe lyene yacepelwa amaka. Nu kulola ukuti awe lyene yasyala ancepelwa, cisi cimwi yangaya azya nanti antungwa.

1 Timoti 3:16

Pasi umuntu nanti umwi angapazya ukulu wa nkama ya upefi witu ino ikati, Klistu walolike mu untu, Mupasi Wamuzilo wapile umboni pali aliwe ukuti wene umololoke, nupya walolike ku angeli. Wene yamukosozile mu nko zyonsi, antu yamutaile mu nsi yonsi, nga wene wasenzilwe kwiyulu mu lulumbi.

Yakapingula 6:24

Acino Gidyoni akuulila Yawe kavuwa kuku nga akatemela izina ati, “Yawe uli mutende kwene.” Na kavuwa kaka apano kacili ku Ofula, umusumba wa luko lwakwe Abiezeli.

1 Samueli 29:10

Lyene wemo ukatuke sile katondotondo pamwi na aomvi ya musambazi wako akulondile, mukaswilile nayo ku musumba uno nakupiile.”

1 Samueli 7:12

Lyene Samueli atoola iwe nga alisimpa pakasi kakwe Mizipa na Syeni. Alitemela ni zina lyakuti Ebenezeli, nga avwanga ati, “Avino ukufika na paa Yawe uwatatwazwa.”