Utandiko 22:1 - Amazwi Yakwe Leza 2013

¹ Insita imwi Leza wezizye Abulaamu avwanga kunoli, ati, “Abulaamu!” Nawe aasuka ati, “Mukwai, nkutezya!”

Utandiko 22:1 ပူးပေါင်းရင်းမြစ်များ

Utandiko 15:1

Pacisila ca vintu vii Yawe aloleka kuli Abulamu mu cilolwa, nga amunena ati, “Utuvwa intete, Abulamu, kunuli indi wa cisyangu cakukucinga. Ndakupeela uwila ukulu cuze.”

Utandiko 21:11

Pa kuvwa vivyo Abulaamu umwenzo umuwaya, asakamikwa cuze pano Isumeli nawe kwene wali umwana wakwe.

Utandiko 22:11

Lelo mungeli wakwe Yawe alaizya ukufuma umwiyulu ati, “Abulaamu, Abulaamu!” Nawe aasuka ati, “Anene mukwai.”

Utandiko 22:7

Isaki avwanga kuli Isi ati, “Tata.” Isi nawe aasuka ati, “Anene mwanane?” Isaki auzya ati, “Nalola kuti tukweti umoto ni nkwi. Uzye imfwele yene ilikwi iyakupeela uwila wakoca?”

Utandiko 37:13

Izlaeli anena Yosefu ati, “Anyonko yakucemela iviteekwa ku Syekemu. Iteyanye nkulonda nkutume kweneko.” Yosefu avwanga ati, “Tata njiteinye, ntumini.”

Utandiko 46:2

Usiku Leza avwanga kunoli mu cilolwa, amwama ati, “Yakobo, Yakobo!” Nawe aasuka ati, “Endi, indi pano.”

2 Samueli 24:1

Yawe asokela aina Izlaeli nupya kwene, nga alenga kuti Davidi alete intazi panoyali. Yawe amunena ati, “Pitanga ukapende aina Izlaeli na ina Yuda.”

2 Milandu 32:31

Nanti sile lino na alasi yaku Babiloni yatumile uku kumuuzya ivyapa cinjelengwe cimwi icacitike umu mpanga ilya, Yawe wamutazyezile apakumwezya nu kulola ivili umu mwenzo wakwe.

Masamu 11:5

Yawe wapima mpiti umololoke nga ni nkakasi. Wapata uwatemwa ukang'ansi.

Kufuma 16:4

Lyene Yawe anena Mose ati, “Ndakai namalenga kuti ivyakulya vinu mwensi vipone wa mvula ukufuma mwi yulu. Antu yalinzile yafuma yaya yakolonganika ivyakulya nu kusenda vyakulingana nu kulya kwa wanda onga. Mu nzila kwene ii ningamanya ndi antu yangalondela malamulo yane.

Kufuma 3:4

Lino Yawe walola ukuti Mose akupalamila pipi, alaizya kunoli mukasi ka cimpuza ati, “Mose! Mose!” Nga Mose aasuka ati, “Mukwai.”

Mapinda 17:3

Siluva akaengululwa umu cikopo, zaabu nawe umwi lungu. Lelo Yawe aliwe akaezya imyenzo.

Ezaya 6:8

Alino nuvwa Mwene uuzya ati, “Uzye aweni wino namatuma? Aweni amaya inkombe itu?” Nani imwasuka inti, “Mukwai namayako! Ntumini nene!”

1 Kolinto 10:13

Ukweziwa konsi kuno kukamucitikila, kuli kumwi kwene ukukacitikila antu yauze. Lelo Leza wene uwakutailwa. Wene atalazumilizya kuti mweziwe kuluta pali vino mungaposya. Pa nsita ino mukweziwa, wene alamulanga inzila yakuleukila matunko pa kumupeela maka akuti muposye.

Malango 13:3

mutakezye ukusumbako amano kunoli. Yawe Leza winu akuomvya kasema wiyo kuti aezye mwemwe, pakuti alole ndi cakuti mwamutemwa ni myenzo inu yonsi nga nu umi winu onsi.

Malango 8:16

Wene wamupeezile mana mu lwanga kuti mulye, ivyakulya vino ivikolwe vinu vitatazile vilye. Wene wamuletile intazi kuti amwezye, pakuti lino zyasila amupeele ulongo nga na vyonsi vimuzipile.

Malango 8:2

Mwaiusya vino Yawe Leza winu wamutungulwile mu lwendo luu lutali nzila yonsi mu lwanga pa myaka iyapita amakumi yani, ala akumutumila intazi kuti amwezye nga alole ndi mumayelanga amalamulo yakwe.

Ayebulai 11:17

Utailo uwalenzile kuti Abulaamu apeele Isaki mwana wakwe kuya impolelwa. Cii cacitike lino Leza wezizye Abulaamu. Abulaamu awino Leza walavile, lelo wene waiteinye kupeela mwana wakwe wenga sile aye impolelwa.

Yakobo 2:21

Uzye Abulaamu cikolwe citu wacisilwe uli mololoke pa manso yakwe Leza? Cali umu milimo yakwe isuma lino wene wapile Isaki mwana wakwe impolelwa pa kavuwa.

1 Petulo 1:7

Mulimo wa kweziwa ukusininkizya cumi ca utailo winu. Wakwe vino zaabu, wino akaononeka, yakamwezya pa kumoca mu moto kuti yalole ndi umukome, avino nu utailo winu uno waluta pali zaabu ndi waposya mukweziwa, lyene mulatasiwa nu kupelwa lulumbi nu mucinzi pa wanda uno Yesu Klistu alasokololwa.

Yakapingula 2:22

Namaziomvyanga pa kwezya aina Izlaeli kuti indole ndi cakuti yene yakaalondela inzila zyakwe ne Yawe wakwe vino vikolwe vyao vyacitanga.”

1 Samueli 3:4

Lyene Yawe aama Samueli nga Samueli aasuka ati, “Anene mukwai!”