Utandiko 21:1 - Amazwi Yakwe Leza 2013

¹ Yawe apolelela Sala wakwe vino walavile

Utandiko 21:1 ပူးပေါင်းရင်းမြစ်များ

Utandiko 17:16

Ndamupolelela nga nawe alakuvyalila umwana umonsi. Ndamupolelela alaya a nyina wa nko zyonsi. Mu mupanda wakwe mulafuma aene.”

Utandiko 17:19

Leza amunena ati, “Awe cisi vivyo. Lelo umuci wako Sala alakuvyalila umwana umonsi nga nawe ulamutemela izina Isaki. Ndafikilizya upangano wane na aliwe nga na amu mupanda wakwe amanda pe. Upangano uu ulaya uwa manda pe ku ana yakwe alalondelapo.

Utandiko 17:21

Lelo ndafikilizya upangano wane na Isaki wino Sala alakuvyalila mu nsita kwene ii, umwaka ukwiza.”

Utandiko 18:10

Wenga uwa munoyali ati, “Ukufuma ndakai ndawela ndi myezi fundimbali yasila mwaka ukwiza, nga Sala umuci wako alavyala umwana umonsi.” Sala ala akukutika pa mulyango wi taalu kwi tundu lyakwe wino wavwanganga.

Utandiko 18:14

Uzye kwaya cimwi icatalila Yawe? Ndi vino mvwanzile ndawela pa nsita isontwe mwaka ukwiza, mu mwezi uwalenga fundimbali Sala alavyala umwana umonsi.”

Utandiko 24:36

Sala umuci wa musambazi wane wavyalila Abulaamu umwana umonsi mu ukote, lyene umusambazi wane wapeela umwana icuma consi.

Utandiko 50:24

Yosefu anena aina yakwe ati, “Indi pipi nu kufwa, lelo Leza alamusunga nu kumutungulula ukufuma mu mpanga ii ukuya ku mpanga ino walavile kuli Abulaamu na Isaki, nga nakuli Yakobo.”

2 Yamwene 4:17

Lelo umwanaci wilya asenda indilwa, nga pa nsita kwene ilya, alela umwana umonsi, wakwe muno Elisya wamunenile.

Masamu 106:4

We Yawe, uwanjiusya lilyo lino ukwazwilizya antu yako, uwa mpempula lino ukupususya yamwi.

Masamu 12:6

Amazwi yakwe Yawe acumi. Yaya wakwe siluva umuzifiwe, wino yafumya umu kumwengulula umwi lungu amaila cinimbali.

Kufuma 20:5

Mutafukamila unkolanya wakwe tuleza nanti kutupepa. Pano ne Yawe Leza winu, nsizumilizya kuti mwapepa tuleza tuze, nupya nkavunuka ana pa maifyo yakwe yaisi, kufika ku nkulo yalenga citatu na yakwe cini, zyakwe yao ampata.

Kufuma 3:16

“Pitanga kakonganike intunguluzi zya ina Izlaeli pamwi. Ukayanene uti, ‘Yawe, Leza wa vikolwe vinu, Leza wakwe Abulaamu, na wakwe Isaki na wakwe Yakobo, wataloleka kunondi nga wali wanena wati, Nkamiwaka nupya natindola vino aina Eguputo yakucita kunomuli mu Eguputo.

Kufuma 4:31

Lino antu yalola vizungusyo vii iyataila. Nupya lino yuvwa ukuti Yawe wataiza kunoyali, nu kuti watalola vino yakuyasunga mu kukalala, iyafukama pansi yafupime, nga yapepa Yawe.

Mateo 24:35

Iyulu ni nsi vitalikalilila manda pe, lelo mazwi yane yene yalikalilila manda pe.

Luka 1:68

“Lekini tulumbanye Mwene Leza wa Izlaeli, pano wataiza ku kutandalila nu kukulula antu yakwe.

Luka 19:44

Yalakuwisya pansi nu konona antu yano aikala mwenemo. Nupya yatalasya iwe pa lyuze, pano utilwike kasita kakwiza kwakwe Leza kuti akutuule.”

Galatiya 4:23

Mwana wa mwanaci uwali muzya wavilwe mu musango uno onsi yakavyalwa. Lelo mwana wa mwanaci uwali muntungwa wene wavilwe pamulandu wa ulayo wakwe Leza.

Galatiya 4:28

Inane, ndakai mwemwe ana yakwe Leza avyalwa pamulandu wa ulayo wakwe, ndi vino Isaki wavilwe.

Tito 1:2

Utailo uwo nga nu kumanya vikafuma mu upaalilo witu uwa kuya nu umi wape. Leza wino asitumpoka uwatulaya umi kwene uu, kufuma lino kutandika kwa nsita kutali kuyeko.

Luti 1:6

Lino papisile insita, Naomi uvwile ukuti Yawe wapolelela antu yakwe apa kuyapeela ivyakulya ivingi. Acino wene pamwi na nyinavyala iyaiteyanya ukufuma ku Moabu.

1 Samueli 1:19

Katondotondo pa wanda uwalondelilepo iyakatuka nga iyapepa kuli Yawe, nga lyene iyaswilila kumwao ku Lama. Elikana pali pakumanya umuci wakwe, nga Yawe aasuka ipepo lyakwe Hana.

1 Samueli 2:21

Yawe nawe pali pakuvwila Hana uluse. Hana aca akwatilapo ana nayauze, aonsi yatatu na anaci yaili. Lelo Samueli wene akula umu kutumikila Yawe.