Utandiko 20:7 - Amazwi Yakwe Leza 2013

⁷ Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 20:7 ပူးပေါင်းရင်းမြစ်များ

Utandiko 12:15

Lino aomvi yakwe Falao yalola Salai, iyaya yalumbanya usuma wakwe ku mwene Falao. Caleka yamusenda aya umusano.

Utandiko 12:17

Lelo Yawe aponya impungo ya ndwala pali Falao na amwi sano lyakwe, pamulandu wakuti Falao watozile Salai ukuya musano wakwe.

Utandiko 2:17

lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

Utandiko 20:18

Pano walanga Yawe wanyepa ukwasi mu anaci ali mwi sano lyakwe Abimeleki pamulandu wakwe Sala umuci wakwe Abulaamu.

Utandiko 20:3

Uwanda ulya usiku, Leza aloleka kuli Abimeleki mu ciloto nga amunena ati, “Umafwa pano Sala umuci wa mwine.”

Utandiko 20:8

Uca katondo Abimeleki atuma akuya ama aomvi yakwe yonsi akwisano ayanena vino Leza amunenyile mu ciloto. Aomvi yuvwa intete.

Utandiko 23:6

“Musambazi uvwa kunotuli, swemo twakumanya vino wewe ntunguluzi ya maka. Ufwile kuzika mama wako mwi lindi lisuma. Ali wensi muli sweswe angatemwa ukupeela ilindi kuti uzike Sala.”

2 Samueli 24:17

Lino Davidi walola umungeli uwakomanga antu, anena Yawe ati, “Nene ndi nu mulandu, nupya nene natinifya. Uzye antu yaa apelelwe yacita cani? Ulinzile ukuvunuka nene sile pamwi na aluko lwane.”

1 Yamwene 13:6

Umwene nawe pali pakunena kasema wakwe Leza ati, “Mpapatila kweneko kuli Yawe Leza wako pakuti inje namaka akuwezya ikasa lyane.” Awe kasema wakwe Yawe amupapatila kuli Yawe ni kasa lyakwe liya vino lyali mpiti.

2 Yamwene 5:11

Lelo Naamani wene apakulola vivyo, asoka sana nu kufumapo nga avwanga ati, “Nemo nali nkwelenganya ukuti amafumila apanzi pakuti tulolane nawe, alino apepe kuli Yawe Leza wakwe nga aswelule ikasa lyakwe pa vilonda vyane, alino ampozye kuli tembwe!

1 Milandu 16:22

Wavwanzile ati, “Mutezya ukuzanza aomvi yane, nanti ukukumya yakasema yane.”

2 Milandu 30:18

Alino ukulunda penepo yao yonsi afumile ku mitundu ya ina Efulemu, Manase, Isakali na Zebuluni, aingi muno yali yataizifizye foo. Yalile sile Cimulo ca Ucilo ukwaula kuti yalondele amasunde alembwa. Nga lelo Hezekiya wene ayapepela, ala akuti, “Si Yawe, umusuma, aelele sile uluse

Yobo 34:19

Wene nu kuntunguluzi kwene atakwata akasoozi, asipaatulula pakasi ka akama na apina, pano yonsi kwene, iviumbwa vya kumakasa yakwe.

Yobo 42:8

Ali cino mwemo, yangini mukatole yacipambasi ya ng'ombe cinimbali, na yasuuku nayo kwene cinimbali. Muye nayo uku muonvi wane Yobo. Muye mukayocele apa kuyapela wa mpolelwa iyakuipapatila kweneko mwe eneco. Alino apa nsita kwene iyo, umuomvi wane Yobo amaya akamupapatile, pano wene ali wino ninguvwa ipepo lyakwe. Ndi caya vivyo, ale lyene ningasuula ukukuponga kwinu kuno mwaifizye, icakukana vwanga ivyampomvu kuli nene wakwe vino Yobo avwanzile.”

Masamu 25:14

Yawe akasokolwela inkama zyakwe kuli yao akamoopa, nu kuleka upangano wakwe umanyike kunoyali.

Kufuma 18:17

Lyene Yetulo, sivyala wakwe Mose avwanga ati, “Utakuomba ningo foo.

Kufuma 4:16

Aaloni alaakuvwangila ku antu mu cifulo cako. Wemo kunoli ulaya wakwe Leza, ule ukumunena ivyakuvwanga.

Kufuma 7:1

Yawe anena Mose ati, “Namalenga kuti uye wakwe Leza kuli Falao, nu munyonko Aaloni alavwanga kunoli wakwe kasema wako.

Yelemiya 14:11

Lyene Yawe anena nupya ati, “Utakezye ukumpapata kuti nazwilizye antu yaa.

Yelemiya 15:1

Lyene Yawe avwanga kunondi ati, “Nanti angala Mose na Samueli yangimilila apa manso yane nu kupapata, nemo ntange nezye ukuuvwila antu yaa uluse. Wemo uyazingile sile ukutali uleke yapita.

Yelemiya 27:18

Iyaya ayakasema yampomvu ni zwi lyakwe Yawe likala kunoyali, ngano yakapapatila kuli Yawe Wamaka yonsi apakuti iviya vino vyasyala mu ng'anda yakwe Yawe, nu mu ng'anda ya mwene wa ina Yuda nu mu Yelusalemu, vitaca visendwe ku Babiloni.

Ezekelo 3:18

Nemo ndi napingwila umuntu mwipe umwi ukufwa, nawe wakana ukumusokako kuti ate imicitile yakwe iipe, alole nu kwikala umu umi, ala umuntu wiyo umwipe alafwa pamulandu wa uyi wakwe. Lelo kwene nawe kwene ulakumpwilapo umulandu pa lwa mfwa yakwe.

Ezekelo 33:8

Nemo ndi napingwila umuntu mwipe ukufwa, alino nawe wakana kumuceula apakusenula imisango yakwe, pakuti aikala nu umi, umwipe wiyo ndi wafwa apa uyi wakwe, awewe ndapeela umulandu apa mfwa yakwe.

Aina Levi 6:4

Avino umuntu ndi wifya mu musango umwi ndi uu, alinzile kuwezezya umuze consi cino watola mu ucenjezi.

Aina Levi 6:7

Lyene simapepo acite ulutambi lwa kufuta iifyo lino umuntu wiyo wacita.”

Milimo 8:24

Simoni anena Petulo na Yoane ati, “Napapata mumpepele ku Mwene, pakuti cimwi ica mu vintu vino mwavwanga citancitikila.”

1 Kolinto 14:4

Umuntu wino akalandila mu ndimi zitamanyika wene akayazwa umwisikulu sile, lelo wino akasema ilandwe kufuma kuli Leza wene akaazwa iuvi lyonsi.

Ayebulai 1:1

Ku mpiti Leza wavwanzile ku vikolwe vitu umu nzila zipusanepusane na maila avule kupitila muli yakasema.

Ayebulai 13:4

Ing'anda ilinzile kucindikwa na antu onsi. Yaiya na Aci yalinzile kutailana. Leza alapingula yao akacita uzelele na yao akacita ulenzyo.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

1 Samueli 12:19

Alino antu yonsi pamwi iyanena Samueli iyati, “Sungala utupepele swe aomvi yako kuli Yawe Leza wako pakuti tutafwa, pasi pano twatitulunda pa maifyo itu yonsi iifyo lii ilya kuilengela umwene.”

1 Samueli 12:23

Nemo ne Samueli, cipelele ukutali ukwifya Yawe pa kuposiwa ukupepela mwemwe. Namamusambilizyanga imiyele isuma nupya iyampomvu.

1 Samueli 7:5

Lyene Samueli aama aina Izlaeli yonsi ku kwiza kongana ku Mizipa, ayanena ati, “Namamupapatila kuli Yawe kuku kwene.”

1 Samueli 7:8

Alino iyanena Samueli iyati, “Ule utwalilile ukupepa kuli Yawe Leza witu kuti atutuule ku ina Filisti.”