Utandiko 20:5 - Amazwi Yakwe Leza 2013

⁵ Abulaamu umwisikulu uwanenyile ukuti Sala akaci wakwe, na Sala kwene wanena cili cimwi. Namanyile ukuti usi mulandu kumutwala, nupya ntaponzile.”

Utandiko 20:5 ပူးပေါင်းရင်းမြစ်များ

Utandiko 12:13

Acino ukayanena ukuti wewe kaci wane, lyene pakulonda wewe yalansya mumi nu kunsunga ningo.”

Utandiko 20:13

Caleka lino Leza wanenyile ukufuma ku akazi kane ukuya mu masi, nanenyile Sala nati, ‘Pakulanga kuyela kunondi ufwile walanda konsi kuno twaya ukuti nene kalume wako.’ ”

Utandiko 20:16

Nupya anena Sala ati, “Napeela kalume wako impiya zyakwe siluva izimbi lyonga kuti ciye cimanyililo kuli yano muli nayo ukuti wewe wakaele. Nu muntu wensi alamanya ukuti usi nu mulandu.”

1 Yamwene 9:4

Ndi cakuti umantumikilanga umu cumi na muli ukaele ndi vino so Davidi wacitanga, umayela na malamulo yane ni vyeo nga na masunde yane,

2 Yamwene 20:3

“We Yawe, si ungala wiusye vino nakuombelanga usaka. Nakutontelanga amanda yonsi. Si angala wiusye vino nezyanga ukucita vyonsi vino wanena kuti incite.” Lyene Hezekiya alila aminsozi nu ulanda ukulu cuze.

1 Milandu 29:17

We leza wane, imanyile ukuti wemo ukaezya umwenzo wa muntu ali wensi, nu kuti ukazangila mu muntu akacita ivisuma. Ndakai nailolela ni nsansa kuno antu yako yakupeela kunuli mu kuitemelwa.

Yobo 33:9

‘Nene wa mwenzo uswepe, ntacita icintu nanti cimwi iciipe. Nanti ukutala umulandu uli onsi, awe.

Masamu 24:4

Awiyo uwa minwe yakaele nu wa mwenzo uswepe, nupya asipepa utuluwi nanti ukulaya ivyaufi.

Masamu 25:21

Si angala usuma na ucumi wane vile vincingilile, pano nemo nasintilila munuli.

Masamu 26:6

We Yawe, nkafulala uku minwe apakulanga ukuti nene uwakaele nga inkupepa apa kuzinguluka kavuwa kako.

Masamu 7:8

We Yawe, awewe ukaputwila antu yonsi imilandu. Lyene umvwangile nani, we Yawe, pano nene wakaele nu wa miyele isuma, we Leza wapapelapela.

Masamu 7:9

Mala ivicitwa vya ukakasi vya antu aipe. Lelo antu akacita ivisuma uyalambule. Pano wewe Leza wino akapima amelenganyo ni myenzo kwene. Antu ukayaputwila imilandu ukulingana navino yakalonda, nga na vino yakaelenganya.

Masamu 73:13

Uzye fwandi nemo lyene inkaicuzya sile, apakusunga umwenzo wane ukuya uwakaele, na pakufulala uku minwe lino nkuizifya?

Masamu 78:72

Davidi nawe, avino wasumvile amano yakwe uku kusunga antu, nupya nu kuyatungulula usaka sana.

Mapinda 11:3

Umpomvu wa antu akacita vyaololoke ukayatungulula, lelo antu asi acumi yakaononwa ku ucenjezi wao aeneco.

Mapinda 20:7

Umulungami, wiyo akapita umu nzila ya ukaele, ana yakwe alamulondelela pacisila yalasyuka.

Danieli 6:22

Leza wane waliwatuma umungeli wakwe, nga nawe wali wafumpika imilomo yakwe yacisama apakuti yatanduma. Wene watacita cico apamulandu wa kuzana ukuti nene wakaele apa manso yakwe nupya ntiifya kunuli, we mwene.”

2 Kolinto 1:12

Tungaitumika pano yakampingu itu yasininkizya kuno tuli ukuti umi witu muno nsi waya uwa cumi nupya uwaula ucenjezi, maka maka lino twali mu utandano namwe. Nupya twatungululwanga na maka acikuku cakwe Leza kuluta kutungululwa na mano ya untu.

1 Tesalonika 2:10

Mwemo pali pamwi na Leza mwemwe yakambone itu ukuti micitile itu kunomuli yali yamuzilo, yololoke, nupya yaula mulandu.

1 Timoti 1:13

Wene wacisile cii nanti angala mu manda apita cisila namuvwangile viipe, nu kumuzunya nga nu kumutuka. Lelo Leza wali na mizu kunondi pamulandu wakuti lilya ntakweti utailo nupya ntamanyile cino nacitanga.

Yoswa 22:22

“Uwamaka wilya ali Leza! Wene ali Yawe! Wene amanyile cino twacitile cii, nga naswe kwene tukasi kuti mumanye! Ndi cakuti twasangukile Yawe nu kuntaya acumi kunoli, lyene ilelo mutaleka tutwalilile ukuya nu umi.