Utandiko 20:1 - Amazwi Yakwe Leza 2013

¹ Abulaamu wafumile ku Mamule aya ku mpanga ya Negebu ukuya ikala pakasi ka Kadesyi na Syuli. Lelo watazile atulila mu Gelali.

Utandiko 20:1 ပူးပေါင်းရင်းမြစ်များ

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

Utandiko 12:9

Lyene Abulamu atenuka nga atwalilila kwendezya impanga aya ku kaeya afika ku Lwanga lwa Negebu.

Utandiko 13:1

Caleka Abulamu nu muci pamwi na Loti na vyonsi vino yakweti, yafuma mu Eguputo yalungama ku katutu ku Lwanga lwa Negebu.

Utandiko 14:7

Lyene iyasenuka iza ku Kadesyi (kuno yamanga yati Enimisipati, kuli kuti kafukoka ka uputuzi) yacimvya impanga ilya yonsi ya ina Amaleke ni ya ina Amoli atenzi mu Hazazoni Tamala.

Utandiko 16:1

Lyene Salai, umuci wakwe Abulamu atavyalile iya umwana nanti wenga. Lelo wakweti muzya mukazyana mwina Eguputo izina lyakwe a Haga.

Utandiko 16:14

Acino antu yakaama icifula icaya pakasi ka Kadesyi na Beledi yati, “Beeli Laai Loi.”

Utandiko 16:7

Mungeli wakwe Yawe akomanya Haga mu lwanga pa kafukoka ka manzi mu museo uwaya ku Syuli.

Utandiko 18:1

Yawe aloleka kuli Abulaamu ku miti yamuzilo yakwe Mamule. Abulaamu watenzi pa mulyango wi taalu lyakwe mu nsita ino ilanzi lyatiliwalisya nu kukaya cuze.

Utandiko 21:34

Abulaamu aikala mu mpanga ya Filisti pa nsita ntali.

Utandiko 24:62

Lyene Isaki aiza ku cifula camwangwa ukuti Beeli Laai Loi, nga wikalanga ku mpanga ya Lwanga lwa Negebu.

Utandiko 25:18

Ana yakwe Isumeli yatenzi pakasi ka mpanga ya Havila na Syuli, ku ufumondaka wa Eguputo, lwa kuya ku Asyuli. Yatenzi apalukane ukufuma ku ina yauze, ana yakwe Abulaamu.

Utandiko 26:1

Kwali cipowe nacuze mu mpanga ilya wakwe cici icali pa nsita yakwe Abulaamu. Isaki aya kuli Abimeleki, umwene wa ina Filisti ku Gelali.

Utandiko 26:20

Cifula cici cileta kupazyanya pali yakacema ya ina Gelali na yakacema yakwe Isaki yala yakuti, “Amanzi akwitu!” Lyene Isaki atemela cifula cici izina ati Eseki, pamulandu wakuti yacitine ivikanza na aliwe.

Utandiko 26:26

Abimeleki afuma ku Gelali ukwizalola Isaki, wali pamwi na Auzati inkombe yakwe, na Fikoli musika mukalamba wa vita vyakwe.

Utandiko 26:6

Caleka Isaki watenzi mu Gelali.

Masamu 29:8

Izwi lyakwe Yawe likupunganya imitengo, umwene akupunganya ulwanga lwaku Kadesyi.

Kufuma 15:22

Lyene Mose apeela ilamulo ku ina Izlaeli kuti yafume kuli Yemba Muyenzu, alino ayatungulula mu Lwanga lwa Syuli. Mu lwanga iyapita amanda yatatu, lelo kwaula kuzana amanzi.

Mpendwa 13:26

Yiza yazana Mose na Aaloni pamwi na ina Izlaeli yonsi pa Kadesyi mu Lwanga lwa Palani. Kuku kwene yayalondolwela vyonsi vino yaile yalola nga iyayalanga ni viseekwa vya mpanga ilya.

Mpendwa 20:16

Ali lino twalaizye kuli Yawe, nga nawe uvwile ukulila kwitu nga atutumila mungeli uwatufumizye mu Eguputo. Api lelo asweswe yano ku Kadesyi, umusumba uwaya mu mupaka ni mpanga yako.

Malango 1:19

“Lyene wakwe vino Yawe watupeezile ilamulo kuti tucite, twafumile pa Mwamba wa Holebu nga tusalala ulwanga lulu lukulu ulwakofya itulungama ku mpanga ya myamba iya ina Amoli. Alino tufika ku Kadesyi Banea.

Malango 32:51

pamulandu wakuti mweili kwene mutali acumi kunondi pa manso ya ina Izlaeli. Lino mwali ku manzi aku Meliba, pipi nu musumba wa Kadesyi, mu lwanga lwa Zini, mwemwe mweili kwene mutankwatile umucinzi icilingane pa manso ya ina Izlaeli.

1 Samueli 15:7

Lyene Saulo azanza aina Amaleke nzila yonsi ukutandikila sile ku Havila mpaka ukufika nu ku Syuli, lwaku ufumondaka wakwe Eguputo.