Utandiko 2:8 - Amazwi Yakwe Leza 2013

⁸ Lyene Yawe Leza apanza icalo ca Edeni lwaku ufumondaka, nga aikamo umuntu wino wapanzile.

Utandiko 2:8 ပူးပေါင်းရင်းမြစ်များ

Utandiko 13:10

Caleka Loti acelecensya monsi azana ukuti cifoloma consi ca Luzi lwa Yodani, na konsi ukufuma ku Zoali kwali amanzi aingi wamu calo ca Edeni cino Yawe wapanzile, nanti wamu mpanga ya Eguputo (cii cali lino Yawe atali aonone imisumba ya Sodoma na Gomola).

Utandiko 3:23

Caleka Yawe Leza apeela ilamulo ukuyafumya mu calo ca Edeni, kuti alima musili uno yaumvilweko.

Utandiko 3:24

Lino wayafumya mu Edeni, Yawe Leza aika yakelubi nu lupanga lwa moto ku ufumondaka wa calo. Lupanga lwacingililanga umuti uno ukapeela umi kuti umwi atapalamilako.

Utandiko 4:16

Lyene Kaini afuma ku manso yakwe Yawe aya aikala mu mpanga ya Nodi, ku ufumondaka wa calo ca Edeni.

2 Yamwene 19:12

Ivikolwe vyane, ali vino vyononyile uwaku Gozani, uwaku Halani nu ku Lezefu. Vyononyile na antu aku Betiedeni, aikalanga umu musumba wa Telasala. Uzye ukunena ukuti utuluwi, tuleza twao twatazile ituyatuula?

Ezaya 51:3

“Icumi cumi nemo nkatezela umusumba wa Zioni. Indatezela nu muntu ali wensi wino wikala umu vitalang'anda vya uko. Nanti angala impanga yao yononeka, nemo ndaisangula wa mpanga ino nacisile umu Edeni. Mulaya sile ukuzanga wakwe cimwi nga nu kwimba inyimbo zya kundumbanya nu kuntaizya.

Ezekelo 27:23

Amu misumba ya Halani, Kane na Edeni, nga na aculuzi aku Syeba, aku Asyuli na aku Kilimadi yaculuzyanyanga nawe.

Ezekelo 28:13

Wikalanga mu Edeni, mu calo cakwe Leza, wazwalanga tumawe tukankala twa misango yonsi. Utuli wakwe lubi, topazi, emalodi, belulo, onikisi, yaspele, safilo, na daimondi. Tuto tonsi awewe twapangilwe uwanda uno waumvilwe.

Ezekelo 31:16

Nalenzile kuti antu amitundu yamu nko zyuze yazakaze uku ntete apa kuvwa ukuwa kwakweco, lilyo lino nacilambalalike mwi lindi pamwi na afwe. Lyene imiti yonsi yamu Edeni, kumwi na yonsi iyembe yamu Lebanoni, imiti yonsi iyatapililwe ningo, ino ili kuzimo, ilazangila mu kuwa kwakweco.

Ezekelo 31:18

“Uzye umuti cii umu miti yamu Edeni uno ungakolana nawe mu lulumbi nu ukulu? Lelo nawe kwene pamwi ni miti yamu Edeni yalamutwala kuzimo. Mulalambalala pamwi na yayo atamanya Leza nga na yayo akomilwe umu nkondo. Cimuti cici, ali Falao kwene pamwi ni vita vyakwe vyonsi. Ivyalanda ne Yawe Simwandalali.”

Yowelo 2:3

Ku nkolelo nako kuli umoto ukaonona, kunsizi nako kuli amakala ya moto akoca ivintu. Lino yene yatacili yafike, impanga yali wa muyanda wa Edeni. Lelo lino yafumilemo, yasangwike iya wa lwanga, umutasile akantu nanti kamwi.