Utandiko 2:7 - Amazwi Yakwe Leza 2013

⁷ Lyene Yawe Leza atoola ivu ukufuma ku musili nga apanga umuntu. Alino aputa umupu ukapeela umi mu mpuno yakwe, nga umuntu aya nu umi.

Utandiko 2:7 ပူးပေါင်းရင်းမြစ်များ

Utandiko 1:27

Avino Leza waumvile umuntu mu cata cakwe. Leza wayaumvile umonsi nu mwanaci.

Utandiko 2:6

Lelo munyezi wakatukanga ukufuma pansi nu kutonsya musili.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

Utandiko 3:23

Caleka Yawe Leza apeela ilamulo ukuyafumya mu calo ca Edeni, kuti alima musili uno yaumvilweko.

Utandiko 7:22

Consi ca umi, icikafuta icali mu nsi cafwile.

Yobo 27:3

Insita zyonsi lino incili nu umi, nupya lino ncikweti umupu wakwe Leza kwene umu mpuno zyane,

Yobo 33:4

Pasi pano umupasi wakwe Leza ali uno uli muli nene. Umupasi wakwe Leza ali uno wampeela umi wane.

Yobo 33:6

Alino wemo ulinzile umanye ukuti nene nawe, sweswe ali yamwi pa manso yakwe Leza. Sweili kwene twaumvilwe ukufuma uku lukungu.

Yobo 4:19

Uzye wene angataila uli icaumbwa kwivu, icapangilwa ku lukungu, cico icingavungolwa wa kazizi.

Masamu 100:3

Manyini ukuti Yawe ali Leza. Aliwe uwatuumvile, nga sweswe akwakwe. Sweswe antu yakwe, imfwele zya ufyo wakwe.

Masamu 103:14

Pano wene wamanya vino watuumba, wamanya nu kuti swemo sweswe lukungu sile.

Mapinda 20:27

Yawe watupile amano na kampingu, vivyo vino tutangafisa foo.

Kasambilizya 12:7

Imili itu ilaswilila ku lukungu ku musili. Umupu ulaswilila kuli Leza wino watupile.

Kasambilizya 3:7

Kwaya insita ya kulepola ni nsita ya kusuma, kwaya insita ya kwikala cele ni nsita ya kuvwanga.

Ezaya 2:22

Ali cino fwandi mutaezya ukutaila umu muntu wasilesile, wiyo uwakwata sile umupu ukufuma umu mpuno zyakwe. Ata see, nga nawe uwacani? Pano wene uwakufwa sile!

Ezaya 64:8

Lelo kwene we Yawe, ala wewe uli Tata. Swemo twaya sile wa mbuulo, nawe wakwe nakamata. Umucumi awewe watuumba.

Nyimbo zya ndosya 4:20

Yalemile intulo ya umi witu, wiyo wino Yawe wasolola, wino twataile mwenemo ukutucingilila ku muzanzi ali wensi.

Ezekelo 37:5

Yanene ukuti ne Yawe nkuyanena ndivino namayaputilizya umupu wane nu kuyawezezyamo uumi.

Ezekelo 37:6

Nemo namafupilizya imikole iminyefu alino ni nkanda. Namaputilizyamo umupu nu kuyawezezya uumi. Alino lyene mumasininkizya ukuti nene indi Yawe.”

Zakaliya 12:1

Ii imbila ya mazwi yakwe Yawe akumile Izlaeli. Yawe, wiyo uwanzika amayulu, uwaumba insi, aliwe akapeela umi ku muntu. Wene wavwanga wati,

Mpendwa 16:22

Lelo Mose na Aaloni yafukama pansi yafupime nga yapunda yati, “Iye we Leza, wewe uli ntendekelo ya umi. Uzye ungasokela iuvi lyonsi lino umuntu wenga umwi uvi wifya?”

Mpendwa 27:16

“Si angala Yawe Leza, kapeela wa umi ku antu yonsi, asontele iuvi lii intunguluzi

Yoane 20:22

Lino wavwanga vii ayaputa mupu, ayanena ati, “Pokelelini Mupasi Wamuzilo.”

Milimo 17:25

“Nupya asilonda cimwi cino tungaleta kunoli apakumuombela, pano umwisikulu akapeela umi nu muza ni vintu vyonsi kuli onsi.

Loma 9:20

Uzye wemo, wewe weni uwakupazyanya na Leza? Uzye inyungu inguzya nakamata iti, “Uzye pacani wamatile mu mwata uu?”

1 Kolinto 15:45

Pano calembwa mu malembelo cati, “Muntu wakutandika, Adamu, waumvilwe aya ciumbwa ca umi.” Lelo Yesu wino ali Adamu wakusyalikizya, wene ali Mupasi wino akapeela umi.

1 Kolinto 15:47

Adamu wakutandika, wene waumvilwe kufuma kwi vu. Adamu wakwe cili wene wafumile kwiyulu.

2 Kolinto 4:7

Swemo tukoline wa nyungu muno cuma cii casungwa. Maka ya umi yakafuma kuli Leza, asi kuno tuli.

2 Kolinto 5:1

Umwili uno twakwata pano pansi waya wa mutanda. Twamanya vino umutanda ndi waca ononeka tukweti ng'anda yuze kwi yulu, yene itakulwa na makasa ya antu nupya iyape na pe.

1 Timoti 2:13

Pano Adamu uwa umvilwe nkolelo yakwe Eva.

Ayebulai 12:9

Akwasi itu yakatusunda, nga naswe tukayacindika. Uzye lyene tutangalusya kutontela Tata uwaku mupasi nga tuye nu umi?