Utandiko 2:4 - Amazwi Yakwe Leza 2013

⁴ Vii avino iyulu ni nsi vyaumvilwe. Lino Yawe Leza waumvile insi ni yulu na vyonsi vyayamo,

Utandiko 2:4 ပူးပေါင်းရင်းမြစ်များ

Utandiko 1:1

Pa kutandika Leza waumvile iyulu ni nsi.

Utandiko 1:28

Nga Leza ayapolelela, ayanena ati, “Muvyalane muvule mulimbe insi yonsi nu kuyangalila. Namupeela uwangalizi pa nswi, ivyunyi ivikapapuka ni nyama zyonsi zyamu nsi.”

Utandiko 1:3

Alino Leza avwanga ati, “Kakuye uluswepo,” nu luswepo iluyako.

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 1:4

Lyene Leza alola ukuti camuzanzya, nga apaatula uluswepo ukufuma ku mfinzi.

Utandiko 10:1

Yaa ali amu mupanda wa ana yakwe Nowa, yano Syemu, Hamu na Yafeti yavile mu aci yao pacisila cakwe mulamba.

Utandiko 11:10

Yaa ali amu mupanda wakwe Syemu. Pacisila cakwe mulamba papisile imyaka iili, nga lino Syemu waya ni myaka 100, umuci amuvyalila umwana umonsi, izina lyakwe a Alipakisadi.

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Utandiko 25:12

Yaa ali amu mupanda wakwe Isumeli, umwana umonsi wakwe Abulaamu wino Haga umwina Eguputo, muzya wakwe Sala wamuvyalile.

Utandiko 25:19

Yaa ali amu mupanda wakwe Isaki, umwana umonsi wakwe Abulaamu.

Utandiko 36:1

Yaa ali ana amu mupanda wakwe Esau nanti Edomu.

Utandiko 36:9

Yaa ali amu mupanda wakwe Esau, cikolwe ca ina Edomu mu mpanga ya myamba ya Seili.

Utandiko 5:1

Uu uli utantiko wakwe yao amu mupanda wakwe Adamu. Lino Leza waumvile umuntu wene wamuumvile mu cata cakwe umwisikulu.

1 Yamwene 18:39

Antu yonsi aweni kweneko yapona pansi, nga yavwanga yati, “Yawe ali Leza! Yawe ali Leza!”

2 Milandu 20:6

Alino avwanga ati, “We Yawe Leza wa vikolwe vitu, uzye wewe usi uli Leza wa mwiyulu? Uzye usi wewe wateekanga nu kupingula yamwene ya mitundu yonsi iya antu? Mu minwe yako mwaya amaka nu lulumbi icakuti kusi nanti wenga angacimvyanya nawe.

Yobo 38:28

“Uzye imvula yakwata isi, nanti aweni akavyala ulumi?

Yobo 38:4

Uzye we, akuno wali lino naumbanga insi? Asuka tuvwe ndi cakuti wiluka ivintu.

Masamu 18:31

Ale lelo Leza namuze ali kwi? Suka sile Yawe wenga mpo ali ciliwe cane? Suka sile Leza witu.

Masamu 86:10

Pano wemo wewe wamaka, nupya ukacita ni vyakuzunguka. Wemo wenga mpo, wewe uli Leza.

Kufuma 15:3

Yawe akoline ni cita, izina lyakwe a Yawe.

Kufuma 6:16

Levi wakweti ana aonsi yatatu. Pali, Gelisyoni, Koati, na Melali. Yakwene ali vikolwe vya mitundu ino ikaamwa na mazina yao. Levi watenzi imyaka umwanda onga na makumi yatatu na cinimbali.

Ezaya 44:6

Yawe, Umwene wa ina Izlaeli, Yawe Wamaka yonsi, wavwanga wati, “Nene wankolelo nga nu wakusyalikizya. Kutaya Leza namuze, suka sile nene nenga.

Umbwilo 1:4

Ne Yoane nalemba kalata ku mauvi cinimbali amu muputule wa mpanga ya Asiya. Cikuku nu mutende viye namwe kufuma kuli Leza, wino alipo, wino uwalipo, wino aliza. Cikuku nu mutende viye namwe kufuma ku mipasi cinimbali ili ku nkolelo ya cilimba cakwe Leza.

Umbwilo 1:8

“Nene Alufa na Omega, kuli kuti, uwakutandika nupya uwakusyalikizya,” vii avino Mwene Leza wa maka yonsi walanda. Wene alipo, wino uwaliko, nupya wino aliiza.

Umbwilo 11:17

yati, “We Mwene Leza uwa maka onsi, we muno ulipo nupya uwalipo! Twakutaizya pano watupoka maka yako nu kutandika kuteeka!

Umbwilo 16:5

Alino nuvwa mungeli uwali na maka pa manzi avwanga ati, “Upinguzi uno wacita usi walufyengo, We Wamuzilo, we muno ulipo nupya waliko!