Utandiko 2:3 - Amazwi Yakwe Leza 2013

³ Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Utandiko 2:3 ပူးပေါင်းရင်းမြစ်များ

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 2:2

Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Utandiko 2:4

Vii avino iyulu ni nsi vyaumvilwe. Lino Yawe Leza waumvile insi ni yulu na vyonsi vyayamo,

Neemiya 9:14

Wayasokololwile ukumanya uwanda wako uwi Sabata. Wayapile amalamulo, ivipope na masunde ukupitila mu muomvi wako Mose.

Kufuma 23:12

“Waomba imilimo yako mu manda mutanda, lelo pa wanda uwalenga cinimbali utaomba imilimo, kuti yamasaye yako yapuze pamwi na ya punda kwene. Nupya kuti azya yako nga na inamasi yapuze.

Kufuma 34:21

“Mwaomba imilimo mu manda mutanda, lelo pa wanda uwalenga cinimbali, mutaomba mulimo uli onsi, nanti pa nsita ya kulima nanti pa nsita ya kuzombola.

Mapinda 10:22

Upolelelo wakwe Yawe uli uno ukalenga umuntu aye umukama, ni milimo yakwe ikome isiungilizyapo nanti conga.

Ezekelo 20:12

Nayapile na Masabata yane kukuya icimanyililo pakasi kao nani, cakuyamanyisya ukuti akayazifya anene ne Yawe.

Aina Levi 23:3

Mwaomba imilimo inu mu manda mutanda. Lelo mwaiusya ukuti uwanda uwalenga cinimbali uwanda wi Sabata, wanda wa kupuza. Pa wanda uwo mutaomba imilimo. Lelo mwakongana ku mapepo. Uwanda wi Sabata uwakwe Yawe, usi mulandu ni cifulo cino mukaikalako.

Mako 2:27

Lyene Yesu amalila na mazwi yakuti, “Sabata lyacitilwe ukwazwa umuntu. Muntu ataumvilwe ku kutekwa uzya ni vikumile Sabata.

Luka 23:56

Alino yaswilila kumwao, yateyanya vya mununko usuma nga na mafuta acinunu cisuma. Lelo pa Sabata yapuza, kulingana ni sunde.