Utandiko 2:2 - Amazwi Yakwe Leza 2013

² Pa wanda uwalenga cinimbali, walanga Leza watamala umulimo wakwe onsi wa kuumba, nga apuuza.

Utandiko 2:2 ပူးပေါင်းရင်းမြစ်များ

Utandiko 1:31

Lyene Leza alola vyonsi vino waumvile ukuti ivisuma wakwe cimwi. Nga kuya manguzi na katondo, uu wali uwanda uwalenga mutanda.

Utandiko 2:3

Nga Leza apolelela uwanda uwalenga cinimbali, aupaatula kuti uye uiyele. Pano pa wanda uu walanga watamala umulimo wakwe onsi wa kuumba, nga apuuza.

Kufuma 23:12

“Waomba imilimo yako mu manda mutanda, lelo pa wanda uwalenga cinimbali utaomba imilimo, kuti yamasaye yako yapuze pamwi na ya punda kwene. Nupya kuti azya yako nga na inamasi yapuze.

Kufuma 31:15

Muntu aombe imilimo yakwe yonsi mu manda mutanda, lelo uwanda uwalenga cinimbali uwanda wi Sabata wa kupuza, uwanda wamuzilo uno wapaatulwa kunondi. Ali wensi uwaomba imilimo pa wanda kwene uu, akomwe.

Kufuma 31:17

Cikwene cii, icimanyililo ca manda pe pakasi kane na ina Izlaeli, pano ne Yawe naumvile iyulu ni nsi mu manda mutanda, alino impuuza pa wanda uwalenga cinimbali.”

Ezaya 58:13

Ndi cakuti umacindika wanda wi Sabata, wakana nu kucitamo vya uculuzi, watandika nu kuwaka wanda wi Sabata wa wanda umwi uwa nsansa, wacindika uwanda wamuzilo, wakwe Yawe, waucindika umu kukanaya ukutali, mwakana ukuomba penepo imilimo, nanti ukulanda ilyasi lya uwelewele,

Yoane 5:17

Lelo Yesu nawe ayanena ati, “Tata lyonsi akacita vintu wakwe cii, acino nani kwene ndinzile kucita wakwe cii.”

Malango 5:14

Lelo uwanda uwalenga cinimbali wene i Sabata kuli ne Yawe Leza wako. Utaomba umulimo mu wanda uu, wewe nanti ana yako aonsi nanti anaci, nanti aomvi yako aonsi nanti anaci, nanti a masaye wako, nanti a punda wako, nanti iciteekwa cako icili consi, nanti umwenyi wino akaikala mu mikalo yako, pakuti umuomvi wako umonsi nu mwanaci kwene apuze, ndi vino wemo ukapuza.

Ayebulai 4:10

Pano wino wensi uwingila mu kupuza kwakwe Leza ala wapuza ku milimo yakwe yonsi, ndi vino Leza wapuzile ku milimo yakwe.

Ayebulai 4:4

Pano mu malembelo cavwangwa pamwi pamulandu wa wanda uwalenga cinimbali cati, “Leza wapuzile ku milimo yakwe yonsi pa wanda uwalenga cinimbali.”