Utandiko 2:17 - Amazwi Yakwe Leza 2013

¹⁷ lelo utakalye iviseekwa vyaku muti uno ukapeela amano akumanya visuma ni viipe. Pano uwanda kwene uno ulalyako, ulafwa.”

Utandiko 2:17 ပူးပေါင်းရင်းမြစ်များ

Utandiko 2:9

Alino Yawe Leza alenga kuti musili umezye imiti iyembe ya misango yonsi nu kuti yaseeka iviseekwa visuma. Pa kasi ka calo pali umuti ukapeela umi nu muti ukapeela amano akumanya visuma ni viipe.

Utandiko 20:7

Acino ndakai swilizya mama wiyo kuli iya. Iya a kasema amakupepela kuti utafwa. Lelo ndi utaswilizye mama wi kuli iya nakusoka ukuti umafwa, wewe na antu yako onsi.”

Utandiko 3:11

Leza amuuzya ati, “Uzye aweni uwali wakunena ukuti uli tupu?” “Uzye watulya iviseekwa vyaku muti uno namuinda ukulyako?”

Utandiko 3:17

Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

Utandiko 3:19

Ulakailwa pa kuzana ivyakulya kufika lino ulaswilila ku musili kuno waumvilwe. Waumvilwe ukufuma ku musili, nupya ku musili akuno ulaswilila.”

1 Yamwene 2:37

Uwanda uno ulafuma nu kusalala mu Cifoloma ca Kiduloni, icumi kwene ulakomwa, nupya ulaya umulandu wako wemwisikulu.”

1 Yamwene 2:42

wene atuma akuya aama Syimei nga amuuzya ati, “Uzye ntakunenyile ukulapa mwi zina lyakwe Yawe, nga inkusoka inti uwanda uno ulafuma mu Yelusalemu nu kuya ukuli konsi, ulakomwa? Pa nsita ilya wemo wanenyile uti, ‘Mwene vino wavwanga ivisuma. Namayela.’

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Ezekelo 18:13

akaliila muli vino wazimisya nu kupoka tunsonse, umwana wiyo aakacita iviipe vii vyonsi vyawinyi atalaya nu umi, lelo alafwa nga nu wazi wakwe ulaya pa mutwe wakwe umweneco.

Ezekelo 18:32

Nemo ne Yawe Simwandalali nalanda nati, nemo nsilonda ukuti umuntu nanti wenga akafwe. Fwandi mwemo tiini ukwifya, uleke muye nu umi.”

Ezekelo 18:4

Pano umupasi wa mukwasi, cisi mulandu ndu monsi nanti umwanaci, yonsi iyakwane. Umuntu akaifya aliwe alafwa.

Ezekelo 33:14

Lelo nemo nga cakuti na ceula umwipe ukuti amafwa, nga nawe wata ukwifya, watandika nu kucita ivya ulungi ni vyaololoke,

Ezekelo 33:8

Nemo ndi napingwila umuntu mwipe ukufwa, alino nawe wakana kumuceula apakusenula imisango yakwe, pakuti aikala nu umi, umwipe wiyo ndi wafwa apa uyi wakwe, awewe ndapeela umulandu apa mfwa yakwe.

Mpendwa 26:65

Pasi pano Yawe wayanenyile ukuti yonsi kwene yalafwila mu lwanga, nupya kutasiile nanti wenga, suka sile Kalebu umwana wakwe Yefune na Yoswa umwana umonsi wakwe Nuni.

Loma 1:32

Nanti angala yamanya vino Leza wapingula ukuti antu akacita vii yalinzile ukufwa, lelo ala yakutwalilila kuvicita, yalundapo nu kukomelezya yao akavicita.

Loma 6:16

Na limwi mutamanyile vino ndi mwaipela mweisikulu kuya azya yakuyela umuntu umwi, ala mu cumi mwemwe azya yakwe wino mukayela. Acino ndi mwaipela ku maifyo ale mumaya azya ya maifyo, na maifyo yakaleta imfwa. Ndi mwaipela ku kuyela Leza, ale kuyela kwinu kumamulenga mwikale umi wakucita vyawololoke pa manso yakwe.

Loma 6:23

Pano malipilo yi ifyo, imfwa. Lelo uwila wakwe Leza umi wape muli Klistu Yesu Mwene witu.

Loma 8:2

Pano maka ya Masunde yakwe Mupasi Wamuzilo yao akatuletela umi muli Klistu Yesu, yatukulula kwi sunde lya maifyo ni mfwa.

1 Kolinto 15:22

Ndi vino Adamu walesile imfwa kunotuli swensi, avino Klistu nawe waleta umi kunotuli swensi.

1 Kolinto 15:56

Luoya lwa mfwa iifyo, na maka yi iifyo Masunde.

Galatiya 3:10

Muntu akaikalilila mukuyela Masunde ala wene ali mu citipu. Pano calembwa mu malembelo cati, “Wino wensi asyayela pe vyonsi ivyalembwa mu lupapulo lwa Masunde ala wene umutipwe!”

Efeso 5:14

Luswepo lukasokolola vyonsi, wakwe vino calembwa mu malembelo cati, “Zyuka, we muno ukaswile, tutuluka nga Klistu amayengesa panuli.”

Malango 27:26

“ ‘Katipwe kuli Leza wiyo wensi alakana ukuyela amasunde yonsi na masambilizyo yakwe Leza.’ “Lyene antu yonsi yalalanda yati, ‘Ee mukwai! Kaciye vivyo kwene!’

Malango 30:15

“Lolini! Ilelo namwikila umi nu longo, imfwa nu uwononesi.

Malango 30:19

Ndakai inamupeela cakuti musolole mweisikulu, pakasi ka umi ni imfwa, pakasi ka upolelelo wakwe Leza ni ntipu yakwe Leza, nupya naama amu mayulu na pano pansi ukuya yakambone yane. Acino sololini umi.

Kolose 2:13

Pa nsita imwi mwemo mwali afwe ku mupasi pamulandu wa maifyo, inu na pamulandu wakuti mwemo mwali atasilamulwa mu myenzo inu, mwali Akulukuwa aula Masunde. Lelo Leza waleka kuti Klistu amucite kuya aumi, lilyo lino watwelezile maifyo itu yonsi.

1 Timoti 5:6

Lelo mukamfwilwa wino uwaipela mu vyakuizanzya ala wene wafwa akupita.

Yakobo 1:15

Lyene kulonda kwakwe kwa nkota kulamulenga kwifya. Kwifya nako ndi kwakoma kulaleta imfwa.

1 Yoane 5:16

Ndi walola umunyonko akwifya, iifyo lino lisyatungulula ku mfwa, ulinzile kupepa kuli Leza, wino alamupeela umi. Cii cikumile yao yano maifyo yao yasyatungulula ku mfwa. Lelo kwaya iifyo lino likatungulula ku mfwa, nga nani nsyakuti mulinzile kupepa kuli Leza pi iifyo lilyo.

Umbwilo 2:11

“Akweti amatwi yakuuvwa, auvwe cino Mupasi Wamuzilo akulanda ku mauvi! “Yao alacimvya yatalafwa imfwa yakwe ciili.”

Umbwilo 20:14

Lyene imfwa ni cifulo ca antu afwe vyoili visumbwa muli yemba wa moto. Yemba kwene wii uwa moto, ili imfwa yakwe ciili.

Umbwilo 20:6

Alongo nupya apolelelwe cuze ayao alakumako ku kuzyukuka kuu kwa nkolelo. Imfwa yakwe ciili italaya na maka pano yali. Yene yalaya yasimapepo yakwe Leza na yakwe Yesu Klistu, nupya yalateeka pamwi na Klistu kulingana ni myaka izimbi lyonga.

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Yakapingula 3:2

Yawe wacisile cico pamulandu wa kusambilizya cila nkulo zya ina Izlaeli ivya kulwa inkondo, makamaka kuli yao atamanyile vino yalwanga ku mpiti.

1 Samueli 14:39

Nupya nkulaya nu mulapo pa manso yakwe Yawe, wino akatuula aina Izlaeli, ukuti umuntu uwataifya ali nu kukomwa, nanti angala angaya umwanane Yonatani.” Lelo kusi umwi pa antu yalya uwavwanzile cimwi.

1 Samueli 14:44

Saulo alaya nu mulapo ati, “Leza andye nanti ancitile iciipe icili consi, ndi cakuti usikufwa wewe Yonatani!”

1 Samueli 20:31

Uzye utamanyile ukuti lino umwana wakwe Yese acili nu umi pa mpanga ya pano pansi, wemo utalatala uye umwene wa mpanga ii? Acino pita ukamulete kunondi, pano wene alinzile ukufwa.”

1 Samueli 22:16

Lelo umwene nawe avwanga ati, “Cumi kwene umafwa, we Aimeleki kumwi na akazi kakwe so yonsi pyu.”