Utandiko 19:9 - Amazwi Yakwe Leza 2013

⁹ Lelo antu yalya yanena Loti yati, “Senka pano, mwinamasi we! Nga weweni wakutunena cakucita? Senka, ndasi vivyo wewe tumakuombela ukuluta pali yayo.” Alino yakanka Loti nga iyaya nu ku cisasa kuti yalepule.

Utandiko 19:9 ပူးပေါင်းရင်းမြစ်များ

Utandiko 11:6

nga ati, “Antu yaa ali yamwi, nu lulimi luno yakuvwanga ululi longa, na uu uli utandiko wa vintu vino yali nu kucita. Citakusumba insita ala antu iyacita consi cino yangatemwa ukucita.

Utandiko 13:12

Abulamu aikala mu mpanga ya Kenani. Lelo Loti nawe aikala lwaku misumba yamu cifoloma, aimika itaalu lyakwe pipi na Sodoma,

Kufuma 2:14

Muntu wilya aasuka Mose ati, “Uzye aweni uwakupeela maka akupingula panotuli? Uzye ukulonda unkome wakwe vino wakomile mwina Eguputo wilya?” Lyene Mose auvwa intete, nga aelenganya ati, “Antu yatiyamanya vino nacisile.”

Mapinda 14:16

Umuntu wa mano akaopa Yawe nu kufuntuka uku uyi, lelo iciwelewele cene cazenzemba nupya caitazyela.

Mapinda 17:12

Ukukomenkanya icilyanyi icaticipokwa utwana, kwazipapo ukuluta uku komenkanya iciwelewele umu uwelewele wakweco.

Mapinda 27:3

Iwe lya nyoma, nu mucanga wene waluta ukunyoma, lelo intazi ya ciwelewele yene yaluta pali vyoili.

Kasambilizya 10:13

Iciwelewele cikatandikila na mazwi akuzaila, nu kumalila na mazwi aucipena.

Kasambilizya 9:3

Endi, swensi kwene icikatuponela icili cimwi, nga icintu cii iciipe mu vintu vyonsi ivikacitika umu nsi ii. Lino antu yacili nu umi amelenganyo yao yakazulamo uyi nu upena, alino yakaiukila ukuti iyafwa.

Ezaya 65:5

Alino antu kwene yayo, ali yano yakanena auze yati, “Funtukini apipi naswe, pano sweswe yasangululwe.” Ali cino fwandi nemo ne Yawe tutange tuvwane na antu amusango uo. Icipyu cino nemo nayakwatila cikalunkuma wa moto uno utatala wazima.

Yelemiya 3:3

Uli mulandu uno ni mvula isikutonyela. Ni yamooko kwene ali cino itowike. Lelo wemo wakamuka wa mwanaci cizelele, utakwata ni nsonyi.

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Ezekelo 16:49

Sodoma na ana yakwe yayuvwanga pamulandu wakuti yene yakwatisye ivyakulya, nu kwikala ningo, nanti angala yatasakamalanga ukusunga alanda na apuzi.

Mateo 7:6

“Mutapela yasimbwa vintu vyamuzilo, pano yalaseleukila kunomuli yamulume. Mutapela yakapoli vintu vicindame wa mawe yamutengo, pano yene yalavilyatola.

1 Samueli 17:44

Umwina Filisti anena Davidi ati, “Iza kuno, nga nani namapeela umunyefu wako ku vyunyi ivikapapuka ni nyama zya mpanga kuti zilye!”

1 Samueli 2:16

Ndi umuntu wiyo wavwanga wati, “Si leka yatale yoce amafuta, nga pacisila utoole icili consi cino ukasi.” Umuomvi nawe avwanga ati, “Awe, mpeko likwene. Ndu tacisile vivyo, lyene namatola ku maka.”

1 Samueli 25:17

Acino fwandi elenganya sile ningo, ulole cino ungacita penepo, pamulandu wakuti uzanzo wasya uponele umusambazi witu pamwi na ang'anda yakwe. Nabali wene uwalwiswa nupya asipindululwa cakuti citangazipa ukulandana nawe!”