Utandiko 19:3 - Amazwi Yakwe Leza 2013

³ Lelo Loti atwalilila ukupapata, nga yazumila yapita nawe ku ng'anda. Alino Loti apanga imikate iyaulamo icitutumusi, ayateyanyizizya cakulya cisuma, nga yalya.

Utandiko 19:3 ပူးပေါင်းရင်းမြစ်များ

Utandiko 19:2

alino avwanga ati, “Yasambazi napapata izini ku ng'anda ya muomvi winu. Mukafulale ingazo nu kulala. Katondo ulaca mwapita kuno mukuya.” Nayo yaasuka yati, “Awe twayalala mu musolo wa musumba.”

Utandiko 21:8

Mwana akula yamulumula, nga pa wanda uno yamulumwile, Abulaamu acita cimulo icikulu cuze.

Utandiko 24:31

Nga avwanga ati, “Izangini twapita. Wewe uli muntu wino Yawe watapolelela. Uzye pacani cino wimilila kunzi kuno? Nemo ninkuteyanyizizya muputule, nupya kuli ni ncende ya ngamila zyako.”

Utandiko 26:30

Isaki ayateyanyizizya cimulo, nga yalya nu kumwa.

2 Yamwene 4:8

Uwanda umwi Elisya aya ku Syunemu ukwikalanga umwanaci umwi umukama. Wene wapapatilanga kasema Elisya kuti aalya icakulya uku ng'anda ukwakwe lyonsi lino Elisya wapita inzila kwene iyo.

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Kufuma 12:39

Iyapanga makeke asi na citutumusi ku munya uno yafumile nao ku Eguputo, pano yayapamvizye cakuti yatakweti insita yakuteyanya ivyakulya nanti kuteyanya umunya umuli icitutumusi.

Luka 11:8

Namunena ukuti nanti atangakatuke nu kumupeela cili consi pano wene acuza wakwe, lelo pamulandu wa muzonda wakwe wene angakatuka kuti amupeele consi cino akulonda.

Luka 14:23

Mwene nawe anena muomvi ati, ‘Pita mu miseo nu umu nzila zyamu mitengo nu kukuulizya antu kuti iize, pa kuti ng'anda yane izule.

Luka 5:29

Lyene Levi acitila Yesu cimulo cikalamba mu ng'anda yakwe. Pali yao azanyilwe pa cimulo kwali yakasonkesya aingi na antu yauze.

Yoane 12:2

Kuku akuno yateinye ku mwimula. Mata wayazwilizye kutumikila pa Cimulo cii, lino Lazalo wene wali pali yao atenzi na Yesu pa cipango ala yakulya.

1 Kolinto 5:8

Caleka mutazevya Cimulo cii lino mukucita viipe nu ukakasi. Cii cikoline wa kupelwa kwa mukate usi ni citutumusi, uno ukaswefya mwenzo nupya uwa cumi.

2 Kolinto 5:14

Kutemwa kwakwe Klistu ukukatupindulula pano twamanya kwaula kutwisika kuti muntu wenga wafwilile antu onsi, lyene swensi kwene twakuma ku mfwa yakwe.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

Yakapingula 6:19

Acino Gidyoni aya aingila mu ng'anda yakwe, aeleka akambuzi, alino atoola amakilogalamu ikumi ya usu wa ngano nga apanga umukate usi na citutumusi. Alino aika inyama ilya mu cimponda nu musunyi awika mu mpoto, avileta ku mungeli wakwe Yawe umwisika lya muti uno yakati muoko, nga amupeela.

1 Samueli 28:24

Umwanaci wilya wakweti akana kang'ombe akiine ukwakwe, nga zuwazuwa akakoma. Lyene atoola usu wa ngano, akanda umunya nga apanga umukate usi na citutumusi.