Utandiko 18:8 - Amazwi Yakwe Leza 2013

⁸ Alino Abulaamu atoola iziya litimbe ilya lwambu ni lisi, ni nyama nga aimula antu yalya mu cisao ca muti. Lino yakulya ala wene aimi akuyatumikila.

Utandiko 18:8 ပူးပေါင်းရင်းမြစ်များ

Utandiko 18:7

Nupya Abulaamu asimwilila ku ufyo wa ng'ombe asola mutepa unone, nga anena muomvi kuti aukome zuwa.

Utandiko 18:9

Lyene yamuzya yati, “Uzye Sala, umuci wako ali kwi?” Abulaamu nawe aasuka ati, “Ali mwi taalu.”

Utandiko 19:3

Lelo Loti atwalilila ukupapata, nga yazumila yapita nawe ku ng'anda. Alino Loti apanga imikate iyaulamo icitutumusi, ayateyanyizizya cakulya cisuma, nga yalya.

Neemiya 12:44

Pa wanda kwene ulya antu yasonsilwe kuti yawaka amang'anda ya kusungilamo cuma muno yasungilangamo musangulo wa Ng'anda ikulu yakwe Leza, ukwikapo ni cikumi ni mbezu nga ni viseekwa vyankolelo ivyacanga cila mwaka. Antu yaa yapilwe umulimo wakukolonganika vyamusangulo ukufuma mu vyalo vyali mu pipi ni misumba ipusanepusane, vino yasangwilanga yasimapepo na ina Levi ndi vino calondekwa ukucita kulingana na Masunde yakwe Mose. Ayuda yonsi cayazanzizye apakulola uomvi wakwe yasimapepo na ina Levi kwene,

Ezaya 7:15

Lino umwana wiyo alafika apa ciimo ca kuipingwila vino angacita, wene alaimwela iziya nu uci.

Ezaya 7:22

iviteekwa vivyo vilamuletela iziya ilingi cakuti patalaya cino alaulizya. Umu cumi yonsi alasyala umu mpanga apa nsita ilya yalalya ulwambu lwi ziya nu uci.

Luka 12:37

Alongo aomvi yano mwene wao alazana yakupempula pa kwiza kwakwe! Namunena vino, wene alazula mwingila wakwe, nu kuyalenga kuti ikale pansi, nga ayapeele ivyakulya.

Luka 17:8

Uzye mucifulo cakwe cii, atangamunena ati, ‘Teyanya mulalilo, nga pacisila uiteyanye nu kuntumikila, kufika lino namala ukulya nu kumwa. Lyene pacisila nawe umalya nu kumwa.’

Luka 24:30

Lyene lino watenzi nao pa cakulya, atoola mukate, ataizya, aumokoola, alino aupela kunoyali.

Luka 24:43

alino nawe atoola alya pa manso yao.

Yoane 12:2

Kuku akuno yateinye ku mwimula. Mata wayazwilizye kutumikila pa Cimulo cii, lino Lazalo wene wali pali yao atenzi na Yesu pa cipango ala yakulya.

Milimo 10:41

kusi ku antu onsi, suka sile sweswe, swe muno Leza wasolwile mpiti kuya yakambone yakwe. Kuli kuti walolekile kuli sweswe swe muno twalile nu kumwa pamwi nawe pacisila cakuzyukuka kwakwe kufuma ku mfwa.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Malango 32:14

Ing'ombe ni mbuzi zyao zyafumyanga iziya litimbe ilya lwambu. Yene yakweti imfwele, ni mbuzi, nga ni ng'ombe zisuma wakwe cimwi, yakweti ni ngano zisuma cuze zyaku Basyani, nga na waini umusuma cuze.

Umbwilo 3:20

Uvwa! Njimi pa mulyango nkukonkonsya. Muntu umwi ndi uvwa izwi lyane nu kunjulila, nemo namaingila mu ng'anda yakwe nu kulya pamwi nawe, nawe amalya pamwi nani.

Yakapingula 13:15

Manoa anena umungeli wakwe Yawe ati, “Cingatuzipila kuti utale wikale mpaka tukwelekele akana ka mbuzi.”

Yakapingula 5:25

Sisela alenga amanzi, lelo Yaeli wene amupeela iziya. Wene amuletela iziya lya lwambu lwa mafuta mu lweso lwa yasambazi.