Utandiko 18:6 - Amazwi Yakwe Leza 2013

⁶ Alino Abulaamu acincila aingila mwi taalu nga anena Sala ati, “Kalauka, tola yagaloni ya usu wa ngano, kanda umunya upange mikate.”

Utandiko 18:6 ပူးပေါင်းရင်းမြစ်များ

Utandiko 18:5

Lyene namamuletela cakulya kuti mutonsye kukanwa, cimupele maka akuti lyene mutwalilile nu ulendo winu. Ala mwancindika pa kwiza ukwane, acino lekini imutumikile.” Antu yaya yatatu yazumila yati, “Twataizya cita vivyo kwene.”

Utandiko 18:7

Nupya Abulaamu asimwilila ku ufyo wa ng'ombe asola mutepa unone, nga anena muomvi kuti aukome zuwa.

Utandiko 19:3

Lelo Loti atwalilila ukupapata, nga yazumila yapita nawe ku ng'anda. Alino Loti apanga imikate iyaulamo icitutumusi, ayateyanyizizya cakulya cisuma, nga yalya.

2 Samueli 13:6

Acino Amunoni acita kwati watalwala, nga aya alala pali bedi wakwe. Mwene Davidi aya ku kumulola, nga Amunoni amunena ati, “Napapata munene Tamala aize ampangile tukeke tunono sile kuno, ale nani nkumulola, nga aliwe umwisikulu andisya.”

Masamu 119:60

Ukwaula nu kuzingota, nakalauka ukulondela amalamulo yako.

Ezaya 32:8

Lelo umuntu uwa mwenzo wa ufumacumi wene akapanga sile ukucita ivintu vya mpomvu. Nupya nu kukoma wakoma ndi, umu kucita ivilungame.

Mateo 13:33

Yesu ayanena mulumbe nauze ati, “Uwene wa mwiyulu ukoline wa citutumusi cino umwanaci watozile atikanya nu usu wa ngano uwingi kufika lino umunya watutumuka.”

Milimo 16:15

Wene pamwi na amu ng'anda yakwe yawatiziwa, nga atwama ati, “Izini mwikale mu ng'anda yane ndi mwati mulola ukuti icumi nataila mu Mwene.” Alino atupapatila kuti twingile.

Loma 12:13

Mwakumbusuka aina inu yano yulilwa, nga nu kuzengela alendo mu mang'anda inu.

Galatiya 5:13

Lelo mwemo inane, Leza wamwama kuti muye antungwa. Lelo mutaleka untungwa uu, uye ni nsambu yakuleka kuti mutekwe uzya ni vilondwa vinu vya mwili. Mu cifulo cakwe cico lekini kutemwa kumutungulule mu kutumikilana.

Ayebulai 13:2

Mwaiusya kuzengela aenyi mu mang'anda inu. Kwali antu yamwi yano acisile vikwene nu kuzengela angeli kwaula kumanya.

1 Petulo 4:9

Mwazengelana mu mang'anda inu kwaula kuilizyanya.

Yakapingula 6:19

Acino Gidyoni aya aingila mu ng'anda yakwe, aeleka akambuzi, alino atoola amakilogalamu ikumi ya usu wa ngano nga apanga umukate usi na citutumusi. Alino aika inyama ilya mu cimponda nu musunyi awika mu mpoto, avileta ku mungeli wakwe Yawe umwisika lya muti uno yakati muoko, nga amupeela.

1 Samueli 28:24

Umwanaci wilya wakweti akana kang'ombe akiine ukwakwe, nga zuwazuwa akakoma. Lyene atoola usu wa ngano, akanda umunya nga apanga umukate usi na citutumusi.