Utandiko 18:5 - Amazwi Yakwe Leza 2013

⁵ Lyene namamuletela cakulya kuti mutonsye kukanwa, cimupele maka akuti lyene mutwalilile nu ulendo winu. Ala mwancindika pa kwiza ukwane, acino lekini imutumikile.” Antu yaya yatatu yazumila yati, “Twataizya cita vivyo kwene.”

Utandiko 18:5 ပူးပေါင်းရင်းမြစ်များ

Utandiko 18:6

Alino Abulaamu acincila aingila mwi taalu nga anena Sala ati, “Kalauka, tola yagaloni ya usu wa ngano, kanda umunya upange mikate.”

Utandiko 19:8

Lolini, nkweti ana yakaci yaili atatala yamanya umonsi. Lekini ayano imuletele mucite cino mukulonda. Mutacita cimwi na antu yaa pano aenyi pa ng'anda yane, ndinzile njacingilile.”

Utandiko 33:10

Yakobo nawe ati, “Awe napapata ndi wati unjela luse, pokelela uwila uno napeela kunuli. Ukulola impumi yako, kunondi cili ndi wakulola impumi yakwe Leza, na muli cii wemo walanga ukutemwa kunondi.

1 Yamwene 17:11

Lino mangu wilya akuya ku kumuletela amanzi, nupya kwene Eliya amwama nu kumunena ati, “Mukwai nkulenga mundeteleko na kamukate.”

Masamu 104:15

nu kusuta waini uwakumusansamusya, aenga na mafuta amu olivi akumuyemvya umwili, nga alino ni cilyo cakumupeela amaka.

Ezaya 3:1

Silolini lyene mwe! Yawe Wamaka yonsi, wasya apokolole ivintu vyonsi pyu, vino aina Yelusalemu na ina Yuda yikalila mwenemo. Wasya apokolole na vyonsi vino antu yikalila, ivikayazwilizya nu kuyazwilizya. Wasya apokolole amanzi ni vyakulya,

Mateo 6:11

Utupeele vyakulya vitu vya manda pe.

Yakapingula 13:15

Manoa anena umungeli wakwe Yawe ati, “Cingatuzipila kuti utale wikale mpaka tukwelekele akana ka mbuzi.”

Yakapingula 13:16

Umungeli wakwe Yawe nawe aasuka ati, “Nanti angala munganteeka, nemo ntamalya icakulya cako icili consi. Lelo ndi mukasi teyanyini uwila wakoca, nga mocele Yawe impolelwa.” (Manoa atamanyile ukuti umuntu wilya wali umungeli wakwe Yawe.)

Yakapingula 19:5

Pa wanda wakwe cini, iyakatuka pa macaca nu kuiteyanya ukupita, lelo sivyala anena umukwi ati, “Tala lini ivyakulya, pakuti mukwate amaka akupita.”

Yakapingula 6:18

Napapata utatala upite mpaka nize nkupele uwila wa usu.” Nawe amunena ati, “Namalolela ukufika lino umawela.”

Yakapingula 6:19

Acino Gidyoni aya aingila mu ng'anda yakwe, aeleka akambuzi, alino atoola amakilogalamu ikumi ya usu wa ngano nga apanga umukate usi na citutumusi. Alino aika inyama ilya mu cimponda nu musunyi awika mu mpoto, avileta ku mungeli wakwe Yawe umwisika lya muti uno yakati muoko, nga amupeela.