Utandiko 17:8 - Amazwi Yakwe Leza 2013

⁸ Mpanga ya Kenani, muno watuwiza wa mwinamasi, ndaipela kunuli nu ku amu mupanda wako ukuya iyakwao pe na pe, nga Nani ndaya Leza wao.”

Utandiko 17:8 ပူးပေါင်းရင်းမြစ်များ

Utandiko 12:7

Lyene Yawe aloleka kuli Abulamu amunena ati, “Ii ili mpanga ino ndapeela ku amu mupanda wako.” Caleka Abulamu akuulako na kavuwa papa kwene kakwe Yawe, uwalolike kunoli.

Utandiko 13:15

Mpanga yonsi ino walola ndapeela kunuli nu ku amu mupanda wako, nga ilaya iyakwako amanda pe.

Utandiko 13:17

Lyene katuka ukendezye impanga ilya yonsi, pano ndakupeela yonsi kwene.”

Utandiko 23:4

“Nene mwinamasi nupya mwenyi kunomuli. Nkazini impanga iya kuzikapo pakuti ningazika umuci wane.”

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 28:4

Nupya akapolelele na ana yako kwene vino wapolelile sokulu Abulaamu. Ace alenge kuti ukapyane impanga ii ino nkaikalamo wa mwinamasi, impanga ino Leza wapile kuli Abulaamu.”

Utandiko 35:27

Yakobo wawezile kuli isi ku Mamule, pipi nu ku Kilyati Aliba (kuli kuti, Hebuloni), kuno Abulaamu na Isaki yatenzi ku mpiti.

Utandiko 36:7

Pano waweni ukuti incende ino yalipo pamwi na Yakobo yacepa mulandu uno oili yali ni viteekwa vivule cuze.

Utandiko 37:1

Yakobo wene watwalilile ukwikala mu mpanga ya Kenani muno isi wikalanga.

Utandiko 48:4

Wanenyile ati, ‘Ndalenga kuti uvyale ana avule, pakuti amu mupanda wako yakaye inko zivule. Ndapeela impanga ii ku amu mupanda wako kuti iye impanga yao amanda pe.’ ”

2 Samueli 23:5

Avino Leza wane alapolelela amu mupanda wane, pamulandu wakuti wene watacita upangano uwa manda pe nani uno utalavunwa ulayo uno utalasenulwa. Icili cintu cino nkulonda. Cico cilaya ucimvyo wane, icumi kwene Leza alafikilizya cico.

1 Milandu 16:18

Wavwanzile ati, “Kunuli ndapeela impanga ya Kenani, kuti iye icaupyanyi cako.”

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Masamu 105:11

“Nakupeela impanga ya Kenani ukuya icuma cako.”

Masamu 105:9

ulayo uno yalaine na Abulaamu nu mulapo uno wacisile kuli Isaki.

Kufuma 13:11

“Yawe alalenga kuti mwingile mu mpanga ya Kenani ino walavile nu mulapo kunomuli nga nu ku vikolwe vinu. Lino alapeela mpanga ilya kunomuli,

Kufuma 21:6

lyene umusambazi wakwe alinzile kumusenda ku ng'anda yakwe Leza. Alino mu ng'anda yakwe Leza, amwimike pa mulyango nanti pa maingwe ya mulyango nga amutulule ikutwi. Lyene mu musango uu, ale waya muzya mpaka lino alafwa.

Kufuma 29:45

Ndikala pakasi ka aina Izlaeli, nupya ndaya Leza wao.

Kufuma 32:13

Iusya aomvi yako Abulaamu, Isaki na Yakobo nupya iusya na vino wayalavile nu kulapa pi zina lyako lino wayanenyile ukuti ulayapeela aizikulu avule cuze, avule wa ntanda zya mwiyulu, nu kuti ulapeela aizikulu yao impanga yonsi ino walavile. Mpanga kwene ii ilaya impanga yao amanda pe.”

Kufuma 40:15

Lyene uyapake amafuta wakwe vino wapasile isi wao kuti yaye yasimapepo akuntumikila. Kupakwa amafuta kuko kulalenga kuti yaye yasimapepo pa nkulo ni nkulo.”

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Yelemiya 25:5

Yene yamunena apa kufutatila inzila zinu iziipe izya mikalile inu, na pa vicitwa vinu iviipe, apakuti mungatwalilila ukwikala mu mpanga ino Yawe wapile kuli mwemwe nu ku vikolwe vinu, kuti itwalilile kuya impanga inu amanda pe.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Ezekelo 11:20

Lyene alino yalayela ivipope vyane nu kuteekela apakuwaka amasunde yane. Yalaya antu yane, nga nani ndaya Leza wao.

Ezekelo 33:24

“We mwana wa muntu, antu yano yakaikala mu matongwa yamu Izlaeli yavwanga yati, ‘Abulaamu wali sile wenga lino yamupiile impanga ii. Lelo swemo tuli aingi. Lyene fwandi impanga ii, iitu.’

Aina Levi 14:34

“Lino mulingila mu mpanga ya Kenani, ino nkupeela kunomuli kuti iye iyakwinu, ndi cakuti umuntu umwi wazana ukuti Yawe watatuma kuvuvuma mu ng'anda yakwe,

Aina Levi 16:34

Malamulo yaa, yali nu kusungwa ku nkulo zinu zyonsi. Nupya ulutambi lwa kufuta amaifyo lulinzile kucitwa iila lyonga cila mwaka, lwa kuswefya aina Izlaeli ku maifyo yao yonsi. Caleka Mose acita wakwe vino Yawe wapeezile ilamulo.

Aina Levi 26:12

Nkaaya namwe. Nene Leza winu namwe mwemwe antu yane.

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Mpendwa 10:29

Alino Mose anena Hobabu, mulamu wakwe, umwana umonsi wakwe Leweli umwina Midyani ati, “Twasya tukatuke ukuya ku mpanga ino Yawe watulavile ukutupeela. Fwandi uce utulondele nga naswe tulakusunga ningo cuze, pasi pano Yawe walaya aina Izlaeli ukuya nu longo pee.”

Mpendwa 25:13

Fwandi aliwe wenga sile pamwi na ana yakwe alamukonka pacisila, alasyukila ulayo uu uwa kuya yasimapepo, pamulandu wakuti wene wali nu muzonda wakucindika Leza wakwe nu kucitila aina Izlaeli ulutambi lwa kufuta amaifyo.

Mpendwa 27:12

Alino Yawe anena Mose ati, “Kwela umwamba uwamu myamba ya Abalimu pakuti ulole impanga ino namapeela aina Izlaeli.

Milimo 7:5

Leza atapile Abulaamu nanti ciputulwa ca mpanga kuti iye impanga yakwe, nanti impanga kulingana nu lutampulo longa awe. Lelo Leza wamulavile ukumupeela impanga ilya, nu kuti ilaya impanga yakwe nga na amu mupanda wakwe kwene aliza cisila cakwe. Pa kasita kano Leza wacisile ulayo uu, Abulaamu atakweti ana.

Malango 14:2

Mwemwe antu yakwe Yawe Leza winu, yano waisolwela umwisikulu pa mitundu yonsi iya pano nsi kuti muye antu yakwe kololo.

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 29:13

Ali pakuti Yawe amucite ukuya antu yakwe umwisikulu. Nga nawe aye ali Leza winu wakwe vino wamulavile na wakwe muno walavile ivikolwe vinu, Abulaamu, Isaki, na Yakobo.

Malango 32:49

“Yanga ku myamba iyacingana iya Abalimu iyaya mu mpanga ya ina Moabu ukulungatana nu musumba wa Yeliko, ukakwele Mwamba wa Nebo. Alino lyene ulolekesye impanga ya Kenani, ino nasya mpeele ku ina Izlaeli.

Malango 32:8

Leza wapapelapela wapeela inko impanga zyao. Aliwe wapimila antu imipaka umwakwikala Ukulingana ni mpendwa ya ana yakwe Izlaeli

Malango 34:4

Alino Yawe anena Mose ati, “Ikwene ili mpanga ino nalavile Abulaamu, Isaki, na Yakobo ukuti ndaipela ku amu mupanda wao. Natindeka kuti uilolekesye, lelo ntalakuzumilizya ukwingila mwenemo.”

Malango 4:37

Pamulandu wakuti watemilwe ivikolwe vinu, wene wamusolwile, nga mu maka yakwe akulu amufumya mu mpanga ya Eguputo.

Malango 9:5

Asi pamulandu wakuti mwemo mukacita ivyawololoke nanti kuya ni miyele isuma icingalenga kuti mwemo muyapoke impanga. Lelo pamulandu wa ukakasi wa antu amu nko zii, Yawe Leza winu alayazinga mu mpanga ilya pa manso inu, kuti afikilizye cino walavile ku vikolwe vinu, Abulaamu, na Isaki na Yakobo.

Ayebulai 9:15

Pamulandu kwene uu, Klistu ali muntu wakukundanya antu na Leza mu upangano upya pakuti yao yano Leza waama yangapokelela upolelelo wape uno Leza walavile. Cii cingacitwa pamulandu wakuti Klistu wafwile, ni mfwa yakwe ikakulula antu ku maifyo yano yacisile lino upangano wankolelo waombanga.

Yoswa 1:2

“Mose umuomvi wane watafwa. Katuka fwandi lamba Luzi luu lwa Yodani, wewe pamwi na ina Izlaeli yonsi, mwingile nu mu mpanga ino namamupeela.

Umbwilo 21:7

Wino wensi alacimvya nemo ndaya Leza wakwe nawe alaya umwana wane.