Utandiko 17:7 - Amazwi Yakwe Leza 2013

⁷ “Ndafikilizya kusunga upangano wane kunuli nu ku amu mupanda wako mu mikulo ilalondelela yonsi. Wene ulaya upangano wa manda pe. Ndaya Leza wako na Leza wakwe yano amu mupanda wako.

Utandiko 17:7 ပူးပေါင်းရင်းမြစ်များ

Utandiko 15:18

Pa wanda ulya Yawe acita upangano na Abulamu, avwanga ati, “Nakulaya ukuti namapeela impanga ii yonsi ku amu mupanda wako, ukufuma ku Luzi lwa Eguputo kufika nu ku luzi lukulu lwa Yufulate,

Utandiko 17:13

Nanti ana kuvyalwa nanti ana kukalwa ni mpiya yalinzile kusilamulwa. Cilaya cilangililo pa mili inu ukulanga vino upangano pali mwemwe nani uwa manda pe.

Utandiko 17:19

Leza amunena ati, “Awe cisi vivyo. Lelo umuci wako Sala alakuvyalila umwana umonsi nga nawe ulamutemela izina Isaki. Ndafikilizya upangano wane na aliwe nga na amu mupanda wakwe amanda pe. Upangano uu ulaya uwa manda pe ku ana yakwe alalondelapo.

Utandiko 26:24

Uwanda uwa kwene usiku Yawe aloleka kunoli amunena ati, “Nene Leza wakwe so Abulaamu. Utuvwa intete indi nawe. Namakupolelela nu kukupeela ana avule, pamulandu wa ulayo uno nalavile muomvi wane Abulaamu.”

Utandiko 28:13

Mwene aimilila pipi nawe avwanga ati, “Nene Yawe, Leza wakwe Abulaamu na Isaki. Ndapeela impanga muno uizi kunuli nu ku amu mupanda wako.

Utandiko 6:18

Lelo ndacita upangano pakasi kakwe wewe nani. Ingila mu cange pamwi nu muci wako, na ana yako na aci yao.

Utandiko 9:16

Lyonsi lino mulalamfuti waloleka mu makumbi ndaulola nu kwiusya upangano wa manda pe uli pakasi kakwe nene ni viumbwa vyaumi vyonsi vyamu nsi.

2 Samueli 7:24

Walenga aina Izlaeli kuti yaye antu yako amanda pe, nu kuti nawe uye Leza wao.

1 Milandu 16:13

mwe amu mupanda wakwe Yakobo, mwe aomvi yakwe Leza, amu mupanda wakwe Izlaeli, mwemuno Leza wasolola.

1 Milandu 16:14

Wene ali Yawe, Leza witu. Akateeka insi yonsi pano pansi.

Masamu 81:10

Nene indi Yawe, Leza winu, wiyo uwamufumuzizye mu mpanga ya Eguputo. Asamini nga nani namamutezya cakulya.

Kufuma 3:15

Leza anena Mose na mazwi kwene yaa ati, “Nena aina Izlaeli ukuti ne Yawe, Leza wa vikolwe vyao, Leza wakwe Abulaamu, Leza wakwe Isaki, na Leza wakwe Yakobo, natinkutuma kunoyali. Lii, ilili zina lyane amanda pe, nupya vii avino inkulo zyonsi zyaku nkolelo zilangama.

Kufuma 3:6

Anene Leza wa vikolwe vyako, Leza wakwe Abulaamu, Leza wakwe Isaki, na Leza wakwe Yakobo.” Caleka Mose aivimba pa manso pamulandu wa koopa kulola Leza.

Kufuma 6:4

Nupya nacisile upangano wane nayo, injalaya kuyapeela impanga ya Kenani, impanga ino yatazile yikala mwenemo wa inamasi.

Kufuma 6:7

Ndamulenga ukuya antu yane, nga nani ndaya Leza winu. Lino ndamukulula ukufuma ku uzya wa milimo ikome, ino aina Eguputo yamutwika, lyene mulamanya ukuti Nene indi Yawe, Leza winu

Ezaya 61:8

Yawe wavwanga wati, “Nemo natemwa ulungami, lelo nasoka wakwe cimwi uwivi nu lufyengo. Nemo namalambula ningo sana antu yane nupya namapangana nayo upangano wa pee.

Yelemiya 31:1

Yawe wavwanga wati, “Mu manda yalya ndaya Leza wa nko zyonsi zyakwe Izlaeli, nazyo zilaya antu yane.”

Ezekelo 28:26

Yalikalamo ukwaula cakoopa, yalakuula amang'anda nu kulema amatingi, yalaikala ku matwi cele. Nupya lino ndafulula amu mbali mbali zyao yonsi, yano yayasuula, alino yalamanya ukuti nene indi Yawe Leza wao.’ ”

Aina Levi 11:45

Nene Yawe wino wamufumizye mu Eguputo, pakuti ningaya Leza winu. Mulinzile ukuya amuzilo pano nene wamuzilo.

Aina Levi 25:38

Nene indi Yawe Leza winu wino wamufumizye mu mpanga ya Eguputo kuti mpeele impanga ya Kenani kunomuli, kuti iye iyakwinu. Nupya kuti nje Leza winu.

Aina Levi 26:12

Nkaaya namwe. Nene Leza winu namwe mwemwe antu yane.

Aina Levi 26:44

Lelo nanti cingaya vivyo, lino antu yalya yacili mu mpanga zya anisi yao ntalayatazyela nanti kuyonona yonsi nu kutama cipangano cane cino nacisile kunoyali. Pano Nene indi Yawe Leza wao.

Aina Levi 26:45

Ndafikilizya cipangano cane cino nacisile ku vikolwe vyao, lino nalanzile imitundu yonsi maka yane pa kufumya antu yane mu mpanga ya Eguputo, pakuti Ne Yawe ningaya Leza wao.”

Aina Levi 26:9

Nkaamupolelela nu kulenga kuti muvyale ana avule cuze. Nkaasunga cipangano cane cino nacisile kunomuli.

Mika 7:20

Ulalanga uluse ku amu mupanda wakwe Yakobo, nu kutemwa kwako kwa muntaputuka ku amu mupanda wakwe Abulaamu, ndi muno walaile ivikolwe vitu uku mpiti.

Mateo 22:32

‘Wene watile nene Leza wakwe Abulaamu, na wakwe Isaki na Yakobo.’ Wene asi Leza wa afwe, lelo a Leza wa antu aumi.”

Mako 10:14

Lino Yesu wacuvwa, akalipa, anena alondezi yakwe ati, “Lekini ana anono iize kunondi, mutayalesya, pano Uwene wakwe Leza uwakwe yao ali ndi yaa.

Milimo 2:39

Pano ulayo uno Leza walavile uli pali mwemwe na pa ana inu, na pali yano yonsi ali kutali, yano Umwene Leza witu alaama kunoli.”

Loma 9:4

Yene antu yakwe Leza yano wasolola kuti yaye ana yakwe, nga nu kusokolola lulumbi lwakwe kunoyali. Leza wacisile cipangano nao nu kuyapela Masunde. Wayasambilizye vino yangamupepa mucumi. Wafikilizye malayo yakwe kunoyali.

Efeso 2:2

Mwemo mwalondelile misango iipe iya muno nsi. Mwayelanga wino akateeka insi, nupya wakwata maka pa muntu wensi wino asyayela Leza.

Malango 29:13

Ali pakuti Yawe amucite ukuya antu yakwe umwisikulu. Nga nawe aye ali Leza winu wakwe vino wamulavile na wakwe muno walavile ivikolwe vinu, Abulaamu, Isaki, na Yakobo.

Ayebulai 11:16

Lelo yalondesyanga mpanga isuma kuluta, mpanga ya kwiyulu. Acino Leza asi ni nsonyi zyakuti yamwama ukuti a Leza wao, pano wayateyanyizizya musumba.

Ayebulai 8:10

Lelo Mwene witu akuti, uu upangano uno ndacita na ina Izlaeli mu manda akwiza. Ndalemba masunde yane muli yakampingu yao nu mu myenzo yao. Ndaya Leza wao, nao yalaya antu yane.

Yakapingula 2:1

Umungeli wakwe Yawe afuma ku Giligali aya ku Bokimu nga avwanga ati, “Namufumizye mu Eguputo nu kumutungulula ku mpanga ino nalavile kupeela ku vikolwe vinu. Mvwanzile inti, ‘Intalatala mfutatile upangano wane uno napangine namwe.