Utandiko 17:14 - Amazwi Yakwe Leza 2013

¹⁴ Uwa monsi wensi wino atalasilamulwa atalapendelwa pamwi na antu yakwe, pano atafikilizye upangano wane.”

Utandiko 17:14 ပူးပေါင်းရင်းမြစ်များ

Utandiko 17:15

Nupya Leza anena Abulaamu ati, “Lyene Salai umuci wako, mutamamwamanga izina muti a Salai. Ukufuma ndakai izina lyakwe limaya Sala.

Utandiko 34:14

Yavwanga yati, “Tutangazumila kaci witu atwalwe ku monsi atasilamulwa pano cingaleta muzewanya kunotuli.

Masamu 55:20

Wiyo uwali umunji mpiti, aliwe akaimilila yacuza yakwe, nu konona vino walanga yapangana nayo.

Kufuma 12:15

Lyene Yawe avwanga ati, “Pa manda cinimbali mutalinzile ukulya umukate umuli icitutumusi. Mulinzile ukulya sile umukate usi na citutumusi. Pa wanda wakutandika wa manda cinimbali mulinzile kufumya icitutumusi mu mang'anda inu. Pano ndi umwi mu manda cinimbali angalya umukate umuli icitutumusi, wene alinzile kusukulwa mu antu yane.

Kufuma 12:19

Pa manda cinimbali mu mang'anda inu mutalinzile kuzanwa icitutumusi. Pano ndi umwi, wino wavyalilwa munomuli nanti mwinamasi, walya umukate umuli icitutumusi, wene alinzile kusukulwa mu antu yane.”

Kufuma 30:33

Muntu ali wensi wino alapanga amafuta acinunu cisuma yauze akolane na yaa, nanti kupaka muntu ali wensi wino asi simapepo, wene alinzile kusukulwa mu antu yane.’ ”

Kufuma 30:38

Muntu umwi ndi wapanga ubani ukolane na uu, kuti auvwe mununko wauko usuma, wene alinzile kusukulwa mu antu yane.”

Ezaya 24:5

Antu yatiyakowezya insi, apamulandu nu konona amasunde yakwe Leza, nu konona upangano uno wapangana nayo, uwakusunga insi pee.

Ezaya 33:8

Imiseo yativuma, musi antu yano yakupitamo. Yonona upangano, yasuula yakambone, yasisakamala muntu nanti umwi.

Yelemiya 11:10

Yatiyasenukila ku maifyo ya vikolwe vyao ndi vino vyene vyakanyile kulondela amazwi yane. Lyene nayo ali vino yakucita. Yene yakupepa tuleza tuze. Aina Izlaeli kumwi na Ayuda yonona upangano uno napangine ni vikolwe vyao.

Yelemiya 31:32

Citalaya wa upangano uno napangine ni vikolwe vyao uwanda uno nayalemile pi kasa nu kuyafumya mu mpanga ya Eguputo. Yene yasuzile upangano wane. Ali cino nali nu kuyalanga ndi vino nene ndi ciinda wao. Ivyalanda Yawe.

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Aina Levi 18:29

Mwensi mwamanya ukuti umuntu ali wensi wino wacita vintu vii vyamuselu, wene alinzile kusukulwa mu antu yakwe Leza.”

Aina Levi 19:8

Muntu wensi wino walya inyama ya mpolelwa iyo ali nu kupelwa mulandu wa kucita icapaatwilwa kunondi ukuya icintu casilesile. Muntu wiyo alinzile kusukulwa mu antu yane.

Aina Levi 23:29

Muntu ali wensi wino walya icintu icili consi pa wanda uwo, asukulwe mu antu yakwe Leza.

Aina Levi 7:25

Muntu wensi wino walya inyama ya mpolelwa ya mawila kuli Yawe, umuntu wiyo alinzile kusukulwa mu antu yakwe.

Aina Levi 7:27

Muntu ali wensi asiyela isunde kwene lii, umuntu wiyo alinzile kusukulwa mu ina Izlaeli.”

Mpendwa 9:13

Lelo ndi kwazanwa umuntu umwi pali yao asi akowele ukulingana ni ntambi nanti asi pa lwendo, nga wakana sile kuzevya Cimulo ca Ucilo, umuntu wiyo alinzile kusukulwa mu antu yao pamulandu wakuti atapile uwila wakwe kuli nene pa nsita ino yasontwa. Umuntu wiyo ali nu kulipa pi ifyo lyakwe.”

1 Kolinto 11:27

Acino ndu muntu ali wensi walya umukate wa Mwene nanti kumwa mu lwako lwakwe mu musango utalinzile uwakumuzewanya, ala wene wailetelela mulandu uwa kusaalula mwili nga nu wazi wa Mwene.

1 Kolinto 11:29

Pano ndi atangalooka vino cii cikusenula lino akulya umukate nga nu kumwa mu lwako, ale wene akuiletelela upinguzi panoli umwisikulu lino akulya nu kumwa.