Utandiko 16:5 - Amazwi Yakwe Leza 2013

⁵ Salai avwanzya Abulamu ati, “Wewe ukulenga kuti Haga angansoweka nu kuntumfya. Nemwisikulu nakupiile muzya wi. Lelo lino wene wamanya ukuti watasenda indilwa wataya ni misuli kunondi. Si Yawe ka aliwe apingule umulandu witu, wapali wewe nani!”

Utandiko 16:5 ပူးပေါင်းရင်းမြစ်များ

Utandiko 16:4

Nga Abulamu amanya Haga, nawe asenda indilwa. Lino Haga walola ukuti wasenda indilwa atandika ukuya ni vilumba kuli Salai nu kumusoweka.

Utandiko 31:53

Leza wakwe Abulaamu na Leza wakwe Nawoli yali nu kupingula panotuli.” Lyene Yakobo alapa mwi zina lyakwe Leza wino wapepanga, Leza wakwe isi Isaki.

2 Milandu 24:22

Umu kucita vivyo, umwene Yoasyi ailila ivisuma vyonsi vino Yeoyada, isi wakwe Zakaliya wamucitilanga, lelo wene akoma umwanakwe. Na lino umwana wilya akufwa, avwanga amazwi yaa ati, “Si Yawe alole icintu cii cino wacita, akuvunuke!”

Masamu 35:23

Vwandamuka Mwene, kanzana, katuka we Leza wane, umvwangileko.

Masamu 43:1

We Leza, si mvwangile uku antu atakwata uluse, yayo atakusakamala, untulanye uku antu ya ufi nupya aipisye yamwi!

Masamu 7:8

We Yawe, awewe ukaputwila antu yonsi imilandu. Lyene umvwangile nani, we Yawe, pano nene wakaele nu wa miyele isuma, we Leza wapapelapela.

Kufuma 5:21

Nga yanena Mose na Aaloni yati, “Yawe watalola vino mwatimucita nupya alamuvunuka pakulenga Falao na yacilolo yakwe kuti yatupate. Vino mwatimucita cili wa kuyapeela lupanga mu minwe kuti yatukome.”

Yelemiya 51:35

Aina Zioni kayalukuti, “Ee, cumi aina Babiloni kayayafulule sile, pali vino yene yatucuzizye!” Antu amu Yelusalemu nayo kayale yalukuti, “Eya, aina Babiloni kayayafulule, pali vino yamucuzizye!”

Yakapingula 11:27

Ala mwine nemo ntakutala nanti cimwi, lelo wewe ukwifya kunondi pa kunkatusizya inkondo. Si angala Yawe, kapingula aliwe apingule pa ina Izlaeli na ina Amoni ilelo.”

1 Samueli 24:16

Lino Davidi wamala ukuvwanga, Saulo amuuzya ati, “Uzye icumi kwene awewe, Davidi umwana wane umonsi?” Nga Saulo atandika ukulila nu kupooma.