Utandiko 16:2 - Amazwi Yakwe Leza 2013

² Salai anena Abulamu ati, “Lola nemo Yawe wancita ukuya ng'umba. Uzye utange utwale Haga pakuti limwi angamvyalila ana?” Abulamu azumila vino Salai wamunena.

Utandiko 16:2 ပူးပေါင်းရင်းမြစ်များ

Utandiko 11:30

Lelo Salai wali ng'umba, atakweti nanti umwana.

Utandiko 17:16

Ndamupolelela nga nawe alakuvyalila umwana umonsi. Ndamupolelela alaya a nyina wa nko zyonsi. Mu mupanda wakwe mulafuma aene.”

Utandiko 18:10

Wenga uwa munoyali ati, “Ukufuma ndakai ndawela ndi myezi fundimbali yasila mwaka ukwiza, nga Sala umuci wako alavyala umwana umonsi.” Sala ala akukutika pa mulyango wi taalu kwi tundu lyakwe wino wavwanganga.

Utandiko 19:31

Nyinalenzi anena umuto ati, “Tata akuya akukota, lyene kusi umonsi nanti wenga asile mu nsi angatutwala, pakuti tungavyala ana umu nzila isuma.

Utandiko 20:18

Pano walanga Yawe wanyepa ukwasi mu anaci ali mwi sano lyakwe Abimeleki pamulandu wakwe Sala umuci wakwe Abulaamu.

Utandiko 25:21

Umuci wakwe wali ng'umba, atakweti ana. Caleka Isaki wamupepelanga kuli Yawe. Yawe auvwa mapepo yakwe na Labeka asenda indilwa.

Utandiko 3:12

Umonsi nawe aasuka ati, “Umwanaci wino wampeela kuti aya nani uwali wampeela viseekwa, nga nani nalya.”

Utandiko 3:17

Alino Yawe Leza anena umonsi ati, “Pamulandu wakuti wali uvwila umuci wako nga nu kulya iviseekwa vyaku muti uno namuinzile, musili watipwa pamulandu wako. Ulaombesya cuze pakuzana ivyakulya.

Utandiko 30:22

Lyene Leza atilile Lakeli, acino azumila ipepo lyakwe, aleka kuti lyene angavyala ana.

Utandiko 30:6

Lakeli avwanga ati, “Leza waputwila umulandu ku lusansa lwane. Watauvwa ipepo lyane nu kumpela umwana umonsi.” Caleka amutemela izina ati a Dani.

Masamu 127:3

Endi, ana aonsi icaupyanyi ukufuma kuli Yawe, ana cili cilambu citu ukufuma kunoli.

Kufuma 21:4

Musambazi wakwe ndi wamupeezile umwanaci kuti aye umuci, nga ndi wamuvyalila ana aonsi nanti anaci, ale umwanaci na ana yonsi antu ya musambazi. Monsi alinzile ukupita wenga lino wakululwa.

Luti 4:11

Inkombe zizi pamwi na antu yonsi ali pa mpongolo ilya yavwanga yati, “Ee, icacumi sweswe yakambone. Si Yawe umwisikulu angaleka umwanaci wino akwiza ukwako aye ivyali Lakeli na Leya, antu yaili asandulwile ang'anda yakwe Izlaeli. Sungala ucite icampomvu mu Efulata pa kusunga izina lyakwe mu Betelemu kuti litalowa.